Kulu Tɔa 5:3 - WE NU GALE 1995

³ Nɛ Mɔizɛ do Aroni wa tɔ̃ na: “NWA kɛ lɛ obe Israɛlɛ lɛ dɔnggɔ a, Gale 'da lɛ, a bia tɛ̃ a hã lɛ. Mɔ mbɔ́kɔ́ lɛ, hã lɛ nɛ do nyanga lɛ 'do tũ talɛ tɛ li gba zɔ̃ 'di, takɔ lɛ gbɛ sa'de we dɔnggɔ do a. Mɔ dɛ ni gɔ, nɛ a gbɛ sɛ lɛ li bolo, tabi a fi sɛ zɛlɛmɔ na ma gbɛ lɛ.”

Kulu Tɔa 5:3 Iomraidhean Croise

2 Onwanɔ 17:25

Nɛ kɔ ɔi 'da wa di ni gbaa ni, wa dɔnggɔ NWA Gale gɔ. Gulu nɛ hã Gale tumba ogbɔgbɔ, nɛ wa gbɛ mbe sanga owinɔ ni.

2 Sakonɔ 30:8

Nɛ tɛ dɛ nga zu ɔ nɛ oyaa nɛ gɔ. Nɛ dɛ́ kili NWA, nɛ nɛ kpóló tɛ nɛ kɔ tɔa Tɛmpɛlo 'da nwa kɛ a dɛa na, ma hɔ santo dati a fai ni. Nɛ dɛ́ to hã NWA Gale 'da nɛ. Na mɛ ni, nɛ dã 'da a ma gbɛsɛ nɛ.

Ɛsdrasi 7:23

“Mbulanɔ vɛ̃ kɛ Gale kɛ li nza i ni, a hã we duzu Tɛmpɛloe 'da a ni, winɔ wa dɛ sɛ ma do wala olo nɛ ngboo. Da dɛ kɔ zã a nɔ̃lɔ̃ dɛ tɛ winɔ 'da mi, tabi dɛ tɛ mi, do obe zã mi gɔ.

Kulu Tɔa 3:18

“Mɔ tɔ̃ ní, nɛ obe Israɛlɛ wa zele sɛ nu mɔ. Nɛ mɔ do okumunɔ, nɛ kúlú ngɔ, nɛ nɛ nɛ́ 'da nwa ngɔ nù Ezipeto, nɛ nɛ tɔ̃́ hã a na, NWA Gale kɛ nɛ, Ohebre nɛ dɔnggɔ a ni, a bia tɛ̃ a hã nɛ. Kɔ a mbɔkɔ nɛ na, nɛ nɛ do nyanga nɛ 'do tũ talɛ li gba zɔ̃ 'di, takɔ nɛ gbɛ sa'de we dɔnggɔ do a.

Kulu Tɔa 7:16

Fala kɛ a hɔ, nɛ mɔ tɔ̃ hã a na, NWA Gale 'da obe Israɛlɛ tumba mɔ hã a na, a la owinɔ 'dɛ ɛ, obe Israɛlɛ ni, takɔ wa nɛ li gba zɔ̃ 'di, hã wa dungu ɛngga we dɔnggɔ do ɛ. Nɛ nde kɛ gbaa ni, a kɔ̃̀ we zele we kpo gɔ.

Kulu Tɔa 8:1

Nɛ NWA Gale tɔ̃ 'bɔ hã Mɔizɛ na: “Mɔ bá nu mɔ hã Aroni, nɛ a bá dɔndɔlɛ, kɔ a ɛ́fɛ́ ma si 'biti gã lìnɔ, do obe kɛnɔ, do ondɔnɔ vɛ̃, takɔ odalɛ wa yɛ'bɛ ngɔ nù Ezipeto.”

Kulu Tɔa 8:20

Ma ɔa tũ kpo, nɛ NWA dɛa olo nu ɛ. A fi ozĩ tolo dɛlɛ wena, nɛ wa lia kɔ tɔa 'da nwa ngɔ nù Ezipeto, do kɔ tɔanɔ 'da owi olo li a, nɛ wa kpa do ngɔ nù Ezipeto vɛ̃.

Kulu Tɔa 8:27

NWA zila sambala 'da Mɔizɛ, nɛ a dɛ olo nu a. A gbɛa ozĩnɔ vɛ̃, nɛ mbé zĩ kpo 'bànà 'bɔ tɛ nwa ngɔ nù Ezipeto, do tɛ owi olo li a, do owinɔ ngɔ nùi 'da a gɔ.

EZEKIƐLƐ 6:11

NWA Gale tɔ̃a 'bɔ hã mi na: “Mɔ tá kɔ̃ mɔ, nɛ mɔ zɛ́ nyanga mɔ, nɛ mɔ he mɔ na: Ma ia wá ia! Obe Israɛlɛ wa dɛa 'dã mɛnɔ, do mɔ sapenɔ gbaa, kɔ ma wia dɛ tɛ nɛ ia. Bolo, do gba wɔ, do 'dã zɛlɛ, ma kumu sɛ wa.

Levitɛnɔ 26:25

Mi dɛ sɛ na, bolo bi ngɔ nùi 'da nɛ, we kɛ nɛ 'danga gba tɔkɛ kɛ mi gba zi do nɛ ni. Nɛ yu sɛ, nɛ nɛ usu sɛ tɛ nɛ dɛ kɔ lenɔ 'da nɛ, nɛ nde mi tombo sɛ o'dã zɛlɛ, nɛ ma te sanga nɛ. Nɛ nɛ te sɛ dɛ kɔ̃ owi sɛnɛ nɛ.

Mbulanɔ 28:21

A tombo sɛ o'dã zɛlɛ na, ma gbɛ nɛ gbaa na, nɛ mbiti ngɔ nùi kɛ nɛ nɛ ba ma ni vɛ̃.