Biblia Todo Logo
Bìoball air-loidhne

- Sanasan -




Kulu Tɔa 4:5 - WE NU GALE 1995

5 Nɛ NWA tɔ̃ na: “Mɔ hɔ 'da obe Israɛlɛ 'di, nɛ mɔ dɛ na mɛ ni, nɛ wa ĩ sɛ na, mi NWA, mi bia tɛ mi hã mɔ bia gbãlã we. Mi a Gale kɛ oyaa nɛ wa dɔnggɔ zɛ́ mi, Gale 'da Abrahama, Izaka do Yakɔbɔ.”

Faic an caibideil Dèan lethbhreac




Kulu Tɔa 4:5
27 Iomraidhean Croise  

nɛ NWA tɔ̃ hã Mɔizɛ na: “Mi tɛ sɛ gbaa, nɛ mi kɔlɔ do mɔ dɛ kɔ gba zɛ̃ we, takɔ obe Israɛlɛ wa zele lɛnggɛ kɛ lɛ tɔ̃ sɛ do mɔ ni, hã wa gbini zã wa do mɔ pii.” Nɛ Mɔizɛ dala nu ɛ tɛ gisa nu we 'da obe Israɛlɛ hã NWA.


Nɛ mɔ tɔ̃ 'bɔ na, wi a mi NWA hã mi tumba mɔ hã wa. Mi a Gale kɛ oyaa wa wa dɔnggɔ zɛ́ mi. Mi a Gale 'da Abrahama, Izaka do Yakɔbɔ. Li mi sɛ pii a NWA. Nɛ 'da fala vɛ̃, owinɔ wa sa sɛ li mi ní.


Yozɛfu hɔa, nɛ Yakɔbɔ tɔ̃ hã a na: “Gale kɛ a do nganda vɛ̃, a bia zi tɛ̃ a hã mi tɛ kɔ le Luzɛ, tɛ ngɔ nù Kanana, nɛ a wila nu a tɛ mi,


A hɔa i mɔ, nɛ NWA Gale bia tɛ̃ ɛ hã a, nɛ a tɔ̃ hã a na: “Mɔ tɛ nɛ̀ Ezipeto i gɔ, nɛ nde mɔ dɛ fala ɔi 'da mɔ tɛ fala kɛ mi be sɛ ma hã mɔ ni,


Nɛ NWA bia tɛ̃ ɛ hã Abrahama tɛ ti te sɛnɛ tɛ Mamre. Nɛ do 'da fala ni, nɛ nde Abrahama hɔa ti tɔa tande 'da a dɛ nza, nɛ a dungu nù dɛ dati nɛ ni, we kɛ ma zi do gba wese, nɛ wese to wena.


Nɛ NWA bia tɛ̃ ɛ hã Abrama, nɛ a tɔ̃ hã a na: “Kɛ gɛ mɛ a nùi kɛ mi hã sɛ ma hã obe zã mɔ.” Abrama zila ni, nɛ a kala ta, nɛ a dɛ gbagala dɛ di ni we dɔ do sa'de hã NWA, kɛ a bia tɛ̃ a hã a ni.


Mi ĩ na, mɔ zele mi zila 'da fala fai, nɛ nde mi tɔ̃ ní we winɔ kɛ zã mi gɛ, takɔ wa kɔ̃ na, mɔ a mɔ tumba mi.”


Nɛ wa vɛ̃ wa kɔ̃a, nɛ wa ĩ na, NWA zɔa tɛlɛ tɛ ngamɛnɔ lo kpa ma gɛ, hã a kɔ̃a we kpasa lo. Nɛ wa gu nù we dɔnggɔ Gale.


Nɛ Etiɛnɛ gese hã a na: “Obaa mi do onya mi, nɛ zélé mi sɛ! Gale kɛ a do gã dɔ̃lɔ̃ li ni, a hɔa zɛ́ 'da yaa lɛ Abrahama, fala a 'bana zɛ́ ngɔ nù Mezopotami i, dati kɛ na, a kulu dɛ ngɔ nù Haranɛ ni.


Mi kɔma wenɔ gɛ, takɔ nɛ kɔ̃ na, Yezu a Mɛsiya, Be 'da Gale. Kɔ nɛ kɔ̃ na mɛ ni, nɛ nɛ kpa sɛ kpasi do zu li a.


Nɛ 'do nɛ, nɛ a tɔ̃ hã Toma na: “Mɔ ɛ́fɛ́ zu kɔ̃ mɔ, hã mɔ e tɛ tambala kɔ̃ mi, kɔ mɔ zɔ́. Nɛ mɔ é kɔ̃ mɔ li mbala dani ngu'du mi gɛ, kɔ mɔ lá fala ba kafi do'do, hã mɔ kɔ̃́ na, wi a mi!”


Kɔ mi dɛa yangga wena na, 'da fala ni nɛ nde mi i mɔ bina. Ma dɛa tɛ̃ ɛ na mɛ ni, takɔ nɛ kɔ̃ sɛ zu li mi. Kɔ lɛ nɛ́ 'da a i.”


Yoanɛ tɔ̃a we ngɔ mi, nɛ nde gele mɔ kɛ ma nɛa ngɔ wenɔ 'da a ni boe. Mba gɔ, toe kɛ mi tɛ dɛ ma ngɔ nù gɛ, ma be gbãlã we 'da mi. Wi a Baa mi a hã toe ni hã mi na, mi dɛ ma, nɛ ma be na, a a tumba mi.


Mi yula ndũu, nɛ mi tɛa 'da nɛ owinɔ 'da mi na nɛ zɔ mi. Mi kɔ̃a gɛnɛ nɛ, nɛ kɔ̃a zã 'da mi ma 'bana sɛ dɛ 'da nɛ fai, ma kɛ mi be dia zã 'da mi hã nɛ bia pii ni.


Fala sa titole belee, nɛ wa kulu ngɔ we la tɛ li gba zɔ̃ Tekoa i. Wa nɛa we la nɛ, nɛ Yozafatɛ tɔ̃ hã wa na: “Aa nɛ owi Yeruzalɛmɛ do Oyuda, nɛ zélé mi sɛ! Nɛ gbíní zã nɛ do NWA Gale 'da nɛ, nɛ a hã sɛ ngawi hã nɛ. Nɛ gbíní zã nɛ do owi gba olo nu a, nɛ nɛ nɛ sɛ ngɔ Owi sɛnɛ nɛ.”


Mɔizɛ gisa hã NWA na: “Kɔ obe Israɛlɛ wa ba kafi nu mi, hã wa bɛ̃ we zele we mi tɔ̃ hã wa ni, hã wa tɔ̃ na, mɔ bè tɛ mɔ hã mi gɔ ni, nɛ mi dɛ sɛ nɛ nɛ nde?”


“Mɔ tɔ̃ ní, nɛ obe Israɛlɛ wa zele sɛ nu mɔ. Nɛ mɔ do okumunɔ, nɛ kúlú ngɔ, nɛ nɛ nɛ́ 'da nwa ngɔ nù Ezipeto, nɛ nɛ tɔ̃́ hã a na, NWA Gale kɛ nɛ, Ohebre nɛ dɔnggɔ a ni, a bia tɛ̃ a hã nɛ. Kɔ a mbɔkɔ nɛ na, nɛ nɛ do nyanga nɛ 'do tũ talɛ li gba zɔ̃ 'di, takɔ nɛ gbɛ sa'de we dɔnggɔ do a.


Mi a Gale kɛ oyaa mɔ wa dɔnggɔ zɛ́ mi ni. Mi a Gale 'da Abrahama, Izaka do Yakɔbɔ.” Nɛ Mɔizɛ usu li ɛ, we kɛ a zi do kili we zɔ NWA Gale.


Abrama ɔa zi sabɛlɛ 'bu nɛ kusi ngɔ nɛ kusi, nɛ NWA be tɛ̃ ɛ hã a, nɛ a tɔ̃ hã a na: “Mi a Gale kɛ mi do nganda vɛ̃. Mɔ dɛ mbula 'da mi, nɛ mɔ ɔ wi bɔlɔ zu fai.


Nɛ nde wa kɔ̃a zi we kpa dia le mɔ́ wa, nɛ le ni, ma a tɛ li nza i. We duzu ma, nɛ sape bà li Gale we tɔ̃ na, ɛ a Gale 'da wa ni gɔ. We kɛ a 'dafa zi le hã wa.


Nɛ a zɔ NWA dɛ dati a ni, nɛ NWA tɔ̃ hã a na: “Mi a NWA Gale 'da yaa mɔ Abrahama, do baa mɔ Izaka. Mi hã sɛ nùi kɛ mɔ ɔa ngɔ nɛ gɛ hã mɔ do obe zã mɔ.


Nɛ a wele nu a tɛ Yozɛfu, nɛ a tɔ̃ na: “E kɔ Gale, kɛ a zi do obaa mi Abrahama do Izaka fala nɛ kpo, nɛ a fɔmɔ zi mi gbaa tia do sɔɛ gɛ ni, a wele nu a tɛ obulu benɔ 'da mɔ.


Kɔ NWA nɛa we zɔ a tɛ tɛ nɛ ni, nɛ a sa mɔ do li a dɛ kɔ gisa nwá ni na: “Mɔizɛ, Mɔizɛ!” Nɛ Mɔizɛ kɔ̃ na: “Oo! Mi kɛ.”


Kɔ di ngangga ni, mɔ nɛ́, hã mɔ mbá li okumu Israɛlɛ, nɛ mɔ tɔ̃ hã wa na: ‘NWA Gale kɛ oyaa nɛ wa dɔnggɔ zɛ́ a, Gale 'da Abrahama, Izaka do Yakɔbɔ, a bia tɛ̃ a hã mi. Nɛ a tɔ̃a hã mi na, ɛ zɔa tɛlɛ tɛ ngamɛ kɛ nɛ do ma tɛ ngɔ nù Ezipeto gɛ.


nɛ NWA tɔ̃ hã a na: “Mɔ ɛ́fɛ́ kɔ̃ mɔ, hã mɔ ba do do go'do gɔ̃ɛ.” Mɔizɛ ɛfɛ kɔ̃ ɛ, nɛ a ba do a, nɛ gɔ̃ɛ kifi dɔndɔlɛ dɛ olo nɛ.


Ma hɔa 'do midi, do sa kɛ wa hã do dɔnggamɛ hã Gale kɔ Tɛmpɛlo i ni, nɛ Elia nɛa, nɛ a kɔlɔ do gbagala, nɛ a na: “NWA Gale 'da Abrahama, do Izaka, do Yakɔbɔ, mɔ kɔ̃, nɛ mɔ bé sɔɛ gɛ na, mɔ a Gale 'da obe Israɛlɛ, nɛ mi a wi toe 'da mɔ. Mɔ bé 'bɔ na, mi dɛ mɛnɔ gɛ vɛ̃ do olo nu mɔ.


Lean sinn:

Sanasan


Sanasan