Kulu Tɔa 4:1 - WE NU GALE 1995

¹ Mɔizɛ gisa hã NWA na: “Kɔ obe Israɛlɛ wa ba kafi nu mi, hã wa bɛ̃ we zele we mi tɔ̃ hã wa ni, hã wa tɔ̃ na, mɔ bè tɛ mɔ hã mi gɔ ni, nɛ mi dɛ sɛ nɛ nɛ nde?”

Kulu Tɔa 4:1 Iomraidhean Croise

1 Onwanɔ 13:3

Nɛ wi gba olo nu Gale tɔ̃ 'bɔ na: “Gbagala gɛ ma gbini sɛ, nɛ bũ kɛndɔ sa'denɔ ngɔ nɛ ni ma ala sɛ nù. Na mɛ ni, nɛ mɔ ĩ sɛ na, NWA do tɛ̃ a hã a tumba mi we tɔ̃ lɛnggɛ gɛ hã mɔ.”

Kulu Tɔa 2:14

Nɛ wi ni gese na: “Wi ia mɔ do nwa, takɔ mɔ 'bili wenɔ 'da lɛ a wio nde? Mɔ kɔ̃a wá we gbɛ mi, ɔ nɛ kɛ mɔ gbɛa zɛ do wi Ezipetoe ni nde?” Mɔizɛ nɛa we ĩ na, we mɛ ɛ dɛa ni hɔa nza ni, nɛ kili ba a.

Kulu Tɔa 3:15

Nɛ mɔ tɔ̃ 'bɔ na, wi a mi NWA hã mi tumba mɔ hã wa. Mi a Gale kɛ oyaa wa wa dɔnggɔ zɛ́ mi. Mi a Gale 'da Abrahama, Izaka do Yakɔbɔ. Li mi sɛ pii a NWA. Nɛ 'da fala vɛ̃, owinɔ wa sa sɛ li mi ní.

Kulu Tɔa 3:16

Kɔ di ngangga ni, mɔ nɛ́, hã mɔ mbá li okumu Israɛlɛ, nɛ mɔ tɔ̃ hã wa na: ‘NWA Gale kɛ oyaa nɛ wa dɔnggɔ zɛ́ a, Gale 'da Abrahama, Izaka do Yakɔbɔ, a bia tɛ̃ a hã mi. Nɛ a tɔ̃a hã mi na, ɛ zɔa tɛlɛ tɛ ngamɛ kɛ nɛ do ma tɛ ngɔ nù Ezipeto gɛ.

Kulu Tɔa 3:18

“Mɔ tɔ̃ ní, nɛ obe Israɛlɛ wa zele sɛ nu mɔ. Nɛ mɔ do okumunɔ, nɛ kúlú ngɔ, nɛ nɛ nɛ́ 'da nwa ngɔ nù Ezipeto, nɛ nɛ tɔ̃́ hã a na, NWA Gale kɛ nɛ, Ohebre nɛ dɔnggɔ a ni, a bia tɛ̃ a hã nɛ. Kɔ a mbɔkɔ nɛ na, nɛ nɛ do nyanga nɛ 'do tũ talɛ li gba zɔ̃ 'di, takɔ nɛ gbɛ sa'de we dɔnggɔ do a.

Kulu Tɔa 4:10

Nɛ Mɔizɛ tɔ̃ na: “Aa NWA, mɔ mbɔ́kɔ́ mi. Mi ĩ̀ ti wele we ngboo gɔ. Yolo zi fai ni, wila we ba tɛ mi wena. Nɛ yolo tɛ kɛ mɔ ndua wele we hã mi ni, nu mi dĩlĩ 'bɔ do'do.”

Kulu Tɔa 4:30

Nɛ Aroni tɔ̃a toe kɛ NWA tombo do Mɔizɛ ni hã wa. Nɛ Mɔizɛ dɛa oɔngbamɛnɔ dɛ dati obe Israɛlɛ.

Kulu Tɔa 4:31

Nɛ wa vɛ̃ wa kɔ̃a, nɛ wa ĩ na, NWA zɔa tɛlɛ tɛ ngamɛnɔ lo kpa ma gɛ, hã a kɔ̃a we kpasa lo. Nɛ wa gu nù we dɔnggɔ Gale.

Kulu Tɔa 6:12

Nɛ Mɔizɛ gese na: “Singga do obe Israɛlɛ, kɛ wa zèlè nu mi gɔɛ gɛ, nɛ nwa ngɔ nù Ezipeto a zele sɛ nu mi nde? Mi gɛ, kɛ mi ĩ̀ ti wele we ngboo gɔɛ gɛ, wa zele sɛ nu mi nde?”

Kulu Tɔa 6:30

Nɛ Mɔizɛ gese na: “Mí gɛ, kɛ mi ĩ̀ ti wele we ngboo gɔɛ gɛ, nwa ngɔ nù Ezipeto zélé sɛ nu mi fala kpo gɔ!”

Yeremi 1:6

Nɛ mi gisa na: “Aa NWA, mi ĩ̀ fi wele we ngboo gɔ, mi a be zagbãlã iko.”

EZEKIƐLƐ 3:14

Nɛ ngawi 'da Hi Wi 'da NWA lia kɔ mi nganda wena, nɛ 'da fala a la do mi ni, nɛ a yaka mi, nɛ zã mi nɔ̃lɔ̃.

Owi Nɛ Tonɔ 7:25

Nɛ a lengge zi na, onya ɛ obe Israɛlɛ, wa ĩ sɛ na, Gale ia ɛ do wi kpasa sɛ wa kɔ ngbá. Nɛ nde wa ĩ̀ zi ni gɔ.

Owi kpe dati 6:17

Nɛ Zedeoni gese 'bɔ na: “Mɔ kɔ̃ gɛnɛ mi kɔ̃a nde, nɛ mɔ bé hã mi na, wi ngboo a mɔ NWA Gale, hã mɔ wele we gɛ hã mi.