Kulu Tɔa 3:2 - WE NU GALE 1995

² Nɛ anzɛ 'da NWA hɔa dati a dɛ kɔ gba nyɛa we, dɛ ngbala gisa nwá. Nɛ Mɔizɛ zɔa gba nyɛa we kɛ ma lɔ'ba gisa nwá ni, nɛ nde ma bɛ́lɛ́ gisa nwá gɔ.

Kulu Tɔa 3:2 Iomraidhean Croise

Ndo Nyanga Dɛ Mɔ 21:17

Gale zila hia kɔ̃a gɛlɛ be, nɛ yolo do li nza i, anzɛ 'da Gale sa mɔ hã Agarɛ, nɛ a aka a na: “Agarɛ, ma dɛa nɛ nde? Mɔ tɛ dɛ̀ kili gɔ. Gale zila hia kɔ̃a gɛlɛ be 'da mɔ tɛ ti gɔ̃lɔ̃ te ni.

Ndo Nyanga Dɛ Mɔ 22:11

nɛ anzɛ 'da NWA sa mɔ hã a do li nza i na: “Abrahama, Abrahama!” Nɛ Abrahama kɔ̃ na: “Mi kɛ!”

Ndo Nyanga Dɛ Mɔ 48:16

Nɛ anzɛ kɛ a fua zi mi kɔ ngamɛ ni, a wele nu a tɛ obulu benɔ 'da mɔ. Nɛ e kɔ li mi ma 'bana ngɔ nù gɛ fai do wala 'da wa, ɔ nɛ kɛ li obaa mi Abrahama do Izaka 'bana ngɔ nù gɛ ni. E kɔ wa ko obe, nɛ obe zã wa dɛlɛ wena, nɛ wa yɛ'bɛ do ngɔ nùi gɛ vɛ̃.”

Zumanɔ 66:12

Mɔ la owi sɛnɛ lɛ na, wa ma lɛ ti nyanga wa, nɛ lɛ la do kɔ nyɛa we do lì. Nɛ nde mɔ fua lɛ kɔ ngamɛnɔ ni, nɛ mɔ gɛ̃a sila lɛ.

Kulu Tɔa 19:18

Do fala ni, nɛ nde kala Sinai kutu do zɛ̃ we, we kɛ NWA zĩlĩ dɛ ngɔ nɛ kɔ nyɛa we. Nɛ zɛ̃ we ni kutu nɛ́ zɛ̃ we kɔ furu ni, nɛ kala Sinai vɛ̃ tana zi tana.

Kulu Tɔa 23:20

Gale na: “Mi tombo sɛ anzɛ kpo, nɛ a kpe sɛ dati nɛ, nɛ a zɔ mɔ tɛ nɛ li wala gɛnɛ 'da nɛ vɛ̃. A kã sɛ nɛ dɛ ngɔ nùi mi 'dafa hã nɛ ni.

Kulu Tɔa 3:16

Kɔ di ngangga ni, mɔ nɛ́, hã mɔ mbá li okumu Israɛlɛ, nɛ mɔ tɔ̃ hã wa na: ‘NWA Gale kɛ oyaa nɛ wa dɔnggɔ zɛ́ a, Gale 'da Abrahama, Izaka do Yakɔbɔ, a bia tɛ̃ a hã mi. Nɛ a tɔ̃a hã mi na, ɛ zɔa tɛlɛ tɛ ngamɛ kɛ nɛ do ma tɛ ngɔ nù Ezipeto gɛ.

Ezai 43:2

Mi sɛ do nɛ boe 'da falanɔ vɛ̃. Na mɛ ni, fala kɛ nɛ kũ gba 'du lì, nɛ nde ma gúlú sɛ zu nɛ gɔ. Fala kɛ nɛ la do kɔ nyɛa we, nɛ nde ma bɛ́lɛ́ sɛ nɛ gɔ, nɛ galagula we ni ma á sɛ tɛ nɛ gɔ.

Ezai 63:9

Wi kpàsà zi wa, wi a anzɛ gɔ, nɛ nde wi kpasa zi wa, wi a NWA do tɛ̃ a ngboo. A ĩ 'bako hã wa, nɛ a yula 'do wa do dia zã 'da a, nɛ a tɛ zɔ mɔ tɛ wa 'da fala fai.

DANIƐLƐ 3:27

Okosolo nwa, do ogã wi fɔmɔ le, do Owi fɔmɔ le, do Owi olo li nwa, wa mba ngba wa, nɛ wa tɛ we fa tɛ owinɔ talɛ ni. Wa fa tɛ wa, nɛ nde we hɔ́ tɛ wa gɔ. Mili zu wa fèlè gɔ, nɛ tulu tɛ wa bɛ̀lɛ̀ 'bɔ gɔ. Nɛ fala tɛ zɛ̃ we únú tɛ wa kpo gɔ.

ZAKARIA 13:7

NWA ngɔ mɔ nyanga nza vɛ̃ tɔ̃a na: “Aa du kɔya, mɔ sí ngɔ, nɛ mɔ gbɛ́ wi fɔmɔ batanɔ kɛ a dɛ toe do mi ni. Mɔ gbɛ́ a, nɛ obatanɔ wa pɛsɛ sɛ ndɛ̃ ndɛ̃. “Mi NWA, mi bi sɛ owinɔ 'da mi,

MALAKI 3:1

Nɛ zélé we kɛ NWA ngɔ mɔ nyanga nza vɛ̃, a gisa hã nɛ gɛ: “Mi tombo sɛ wi toe 'da mi na, a 'dafa li wala hã mi. 'Do nɛ, nɛ mi NWA, kɛ nɛ 'bɔ 'da tɛa 'da mi ni, mi hɔ sɛ do gbanga nɛ, nɛ mi le sɛ kɔ Tɛmpɛloe 'da mi. Wi toe 'da mi NWA kɛ nɛ kɔ̃a na a tɛ ni, a li wala tɛ tɛ ma. A hɔ sɛ, nɛ a tɔ̃ sɛ we gba tɔkɛ kɛ mi gba ma do nɛ ni.”

MARKO 12:26

Nɛ tɔ̀lɔ̀ mbe we kɛ Mɔizɛ kɔma zɛ́ ma ngɔ fionɔ kɛ wa tunu sɛ kɔ fio ni gɔ nde? Gale wila zi we hã Mɔizɛ kɔ nyɛa we tɛ kɔ gisa nwá, nɛ a tɔ̃ na, ɛ a Gale 'da Abrahama, do Izaka, do Yakɔbɔ.

LUKA 20:37

Nɛ we 'da ofionɔ kɛ wa nɛ tunu kɔ fio ni, Gale wila zi we hã Mɔizɛ kɔ nyɛa we tɛ kɔ gisa nwá, nɛ Mɔizɛ sa zi li Nwa Gale na: ‘Gale 'da Abrahama, do Izaka, do Yakɔbɔ.’

YOANƐ 1:14

We nu Gale hɔa wele, nɛ a ɔa sanga lɛ, nɛ lɛ zɔa dɔ̃lɔ̃ li 'da a. Mɛ a dɔ̃lɔ̃ li kɛ Baa a Gale hã hã a, kɛ a a kpo Be 'da a ni. Be ni do dia zã wena, nɛ a tɔ̃ zi gbãlã we ngɔ Baa a.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

Mbulanɔ 33:16

E kɔ nùi 'da wa ma dunu do omɛnɔ vɛ̃ kɛ ma de wena ni. E kɔ NWA, kɛ a wila zi we zã gisa nwánɔ ni, a wele nu a tɛ wa, nɛ a be dia zã 'da a hã wa. E kɔ wila nui ni vɛ̃ ma zĩlĩ dɛ ngɔ nu kpala Yozɛfu, we kɛ wa saka a do kuti be sanga onya a.

Mbulanɔ 4:20

Nɛ nde kɛ 'da nɛ, nɛ a owinɔ 'da a. A nɛa zi ngɔ nù Ezipeto i, nɛ a fo nɛ kɔ ngamɛnɔ kɛ ma bɛlɛ zi nɛ ɔ nɛ we ni. A fua nɛ ni na, nɛ hɔ owinɔ 'da a, ɔ nɛ kɛ nɛ do ma sɔɛ gɛ ni.

2 TƐSALONIKƐ 1:7

nɛ a hã sɛ fala kpe tɛ wi hã nɛ, winɔ kɛ nɛ zɔa ngamɛnɔ ni, a hã sɛ ma hã lɛ do nɛ fala nɛ kpo. A dɛ sɛ ni 'da fala kɛ Nwa Yezu a yolo sɛ ngɔ i, nɛ a zĩlĩ fala nɛ kpo do anzɛnɔ 'da a kɛ wa do ngawi wena ni.

Owi kpe dati 13:13

Nɛ anzɛ 'da nwa gese hã Manoa na: “Ma wia na, wuke 'da mɔ bɛ̃ gɛnɛ mɛnɔ vɛ̃ kɛ mi tɔ̃a we nɛ hã a ni.