Kulu Tɔa 3:1 - WE NU GALE 1995

¹ Mɔizɛ dala zi obata do oduanɔ 'da kɛfɛ a Yetro, kɛ a a nganga ngɔ nù Madianɛ ni. Nɛ mbe wese kpo, nɛ Mɔizɛ nɛa do osa'denɔ gbaa kulu li gba zɔ̃ 'di, takɔ wa nyɔngɔ mɔ. Nɛ a hɔa tɛ Horɛbɛ, kɛ mɛ a kala 'da Gale.

Kulu Tɔa 3:1 Iomraidhean Croise

1 Onwanɔ 19:19

Elia kulu ngɔ di ni, nɛ a nɛ, nɛ a kpa Elize, be 'da Safatɛ fala nɛ kpo do mbe owinɔ 'da a. A kpa wa nɛ nde wa do ongɔmbɔnɔ kɛ wa gbɔtɔ mɔ gɔmɔ nùi ni, kɔ wa gɔmɔ nù dɛ ngɔ we mi do kpalɛ. Mɛ zi a ongɔmbɔ 'bu nɛ bɔa ngɔ nɛ nalɛ, kɛ wa mba wa dɛ tɛ ngbɛ ɛ bɔa bɔa. Nɛ Elize dɛ zi toe do tala ngɔ go'do ngɔmbɛnɔ bɔa 'do nga ni. Kɔ Elia ma ngɔ la do kɛ zã Elize ni, nɛ a da tulu gɛ̃ɛ 'da a dɛ ngɔ a we be na, a saka a we dungu olo a.

1 Onwanɔ 19:8

Nɛ Elia kulu ngɔ, nɛ a nyɔngɔ mɔ, nɛ a nɔ lì, nɛ a kpa ngawi, nɛ a ma ngɔ la nɛ. A nɛa ni gbaa 'do 'bu tũ nalɛ, nɛ a hɔ ngɔ kala Horɛbɛ, kɛ mɛ a kala 'da Gale ni.

Zumanɔ 106:19

Wa hɔa tɛ kala Horɛbɛ, nɛ wa dula be wili ngɔmbɔ, nɛ wa dɔnggɔ kpikima wa dula ni.

Kulu Tɔa 17:6

Nɛ mi, mi yolo sɛ dati mɔ ngɔ mbe ta di ni. Kɔ mɔ hɔ ngɔ kala mɔ, nɛ mɔ zɛ sɛ ta ni do dɔndɔlɛ. Nɛ lì ma hɔ sɛ kɔ nɛ, nɛ winɔ wa nɔ ma.” Okumunɔ wa kã Mɔizɛ, nɛ a dɛa olo nu NWA.

Kulu Tɔa 18:12

'Do nɛ, nɛ Yetro dɔa sa'de we dɔnggɔ do Gale, nɛ a gbɛ ombe we be dɛa na. Nɛ Aroni do okumu Israɛlɛ vɛ̃, wa nyɔngɔ mɛ ni fala nɛ kpo do Yetro, kɛfɛ Mɔizɛ dɛ dati Gale.

Kulu Tɔa 19:11

Nɛ wa 'dáfá tɛ wa we mbasa, we kɛ ngba soe ni, winɔ vɛ̃ wa zɔ sɛ mi tɛ zĩlĩ dɛ ngɔ kala Sinai.

Kulu Tɔa 19:3

Nɛ Mɔizɛ kũ kala we kpa ngba a do Gale. Tɛ zu kala i, NWA sa mɔ hã Mɔizɛ, nɛ a tɔ̃ hã a na: “Mɔ zélé wenɔ gɛ, nɛ mɔ tɔ̃ sɛ ma hã obe Israɛlɛ, obe zã Yakɔbɔ na:

Kulu Tɔa 2:16

Mbe nganga ngɔ nù Madianɛ kpo, li a a Yetro, a kua zi oboko be sambo. Oboko benɔ 'da a wa nɛa nu 'de i, takɔ wa so lì, kɔ wa a kɔ mɔ nɔ lì 'da osa'denɔ, takɔ obatanɔ do oduanɔ 'da baa wa wa nɔ.

Kulu Tɔa 2:18

Nɛ oboko benɔ ni wa si, kɔ wa nɛa we hɔ 'da baa wa 'di, nɛ a aka wa na: “Nɛ si sɔɛ gɛ belee ni we ge nde?”

Kulu Tɔa 2:21

Wa kpa Mɔizɛ tɛa do a, nɛ a kɔ̃a we ɔ dɛ 'da Yetro ni. Nɛ Yetro hã be zɔnga be 'dɛ ɛ, li a a Sefora hã a do wuko 'da a.

Kulu Tɔa 24:13

Mɔizɛ 'dafa tɛ̃ a we kũ ngɔ kala 'da Gale, fala nɛ kpo do wi dɛa to 'da a Yozue.

Kulu Tɔa 3:12

Nɛ Gale tɔ̃ hã a na: “Mi sɛ do mɔ boe. Kpo soe mɔ fo sɛ obe Israɛlɛ ngɔ nù Ezipeto do'do ni, nɛ nɛ mba sɛ li ngba nɛ vɛ̃ dɛ ngɔ kala gɛ, nɛ nɛ gbɛ sɛ sa'de we dɔnggɔ do mi. Nɛ ki ni ma be sɛ na, mi a mi tumba mɔ.”

Kulu Tɔa 3:5

Nɛ NWA tɔ̃ hã a na: “Mɔ tɛ kɔ̀lɔ̀ do gisa nwá gɛ gɔ. Mɔ hɔlɔ mɔ nyanga mɔ do'do, we duzu kɛ fala mɔ yolo nɛ gɛ ma santo.

Kulu Tɔa 33:6

Na mɛ ni, 'da fala kɛ obe Israɛlɛ wa nɛa we kulu ngɔ tɛ ngɔ kala Horɛbɛ we la nɛ, nɛ wa hè'dè 'bɔ omɔ 'dafa tɛ winɔ 'da wa gɔ.

Kulu Tɔa 4:18

Mɔizɛ si, nɛ a hɔ nu tɔa 'da kɛfɛ a Yetro 'di, nɛ a tɔ̃ hã kɛfɛ a na: “Ma wia na mi kpolo tɛ mi ngɔ nù Ezipeto 'di, 'da onya mi kɛ lɛ do wa kɔ nu kɔnggɔ kpo ni na, mi zɔ wa tabi wa 'bana nza nde?” Nɛ Yetro gese na: “Mɔ nɛ́ do dia nɛ.”

Kulu Tɔa 4:27

NWA tɔ̃a hã Aroni na, a gɔnɔ dati Mɔizɛ, hã a kpa a li gba zɔ̃ 'di. Nɛ Aroni nɛa, nɛ a kpa nya a Mɔizɛ li wala dɛ ti nyanga kala 'da Gale, nɛ a ba nya a dɛ tɛ̃ a do yangga.

AMƆSI 1:1

'Buki gɛ tɔ̃ wenɔ kɛ Amɔsi tɔ̃a zi ni. Amɔsi a be Tekoa, nɛ a zi a wi dala nadalamɔ. NWA tumba zi a na, a tɔ̃ wenɔ gɛ hã owinɔ ngɔ nù Israɛlɛ. Nɛ a tɔ̃a ma do 'da fala kɛ Oziasi zi a nwa ngɔ nù Yuda, nɛ Yeroboamɛ, be 'da Yoasi, zi a nwa ngɔ nù Israɛlɛ ni. A tɔ̃a ma sabɛlɛ bɔa dati kɛ nùi tana zi ni.

Tɔlɔ Mɔ 10:29

Mɔizɛ tɔ̃a hã Hobabɛ, be 'da kɛfɛ a Yetro, wi Madianɛ na: “Lɛ kɔa we nɛ dɛ tɛ nùi kɛ NWA tɔ́a na, ɛ hã sɛ ma hã lɛ ni. A kpua zi mbulu hã lɛ obe Israɛlɛ na, a hã sɛ odia mɔ hã lɛ. Kɔ mɔ kã́ lɛ, nɛ lɛ kɛ̃ sɛ sanga dia mɛnɔ a kɔa we hã ma hã lɛ ni do mɔ.”

Tɔlɔ Mɔ 10:33

Obe Israɛlɛ wa kulu ngɔ tɛ kala 'da NWA, nɛ wa la gbaa 'do tũ talɛ. Nɛ Sanduku Gba Tɔkɛ 'da NWA zi do dati wa, takɔ ma fa fala kɛ wa wia we 'dafa do fala ɔi 'da wa ni.

LUKA 2:8

Do tũi ni, owi fɔmɔ bata wa zi tɛ li zɔ̃nɔ 'do le ni, tɛ fɔmɔ batanɔ 'da wa.

Owi Nɛ Tonɔ 7:30

“Olo nɛ la 'bu sabɛlɛ nalɛ, nɛ mbe ngba soe kpo, nɛ Mɔizɛ nɛa tɛ li gba zɔ̃, kɛ zã kala Sinai. Nɛ a nɛ ka mɔ, nɛ a zɔ gisa nwá ma nyɛ do we, nɛ a zɔ anzɛ dɛ gbogbo nyɛa we ni.

Mbulanɔ 1:2

(Yolo tɛ ngɔ kala Horɛbɛ we hɔ Kadɛsɛ-Barnea, kɔ wa hɔ do wala ngɔ kalanɔ tɛ Seirɛ, nɛ wa gɔnɔ zi wala tũ 'bu ngɔ nɛ kpo.)

Mbulanɔ 1:6

“'Da fala lɛ zi a tɛ ngɔ kala Horɛbɛ, nɛ NWA Gale 'da lɛ tɔ̃a hã lɛ na: ‘Nɛ ɔa dɛ ti nyanga kala gɛ 'do nɛ nyɛlɛ wena.

Mbulanɔ 4:10

Nɛ lénggé do kɔ̃ tũi zi nɛ yula dati NWA Gale 'da nɛ tɛ ngɔ kala Sinai i, nɛ a tɔ̃ zi hã mi na: ‘Mɔ ngɛ́mɛ́ li owinɔ vɛ̃. Mi kɔ̃a we be mbulanɔ 'da mi hã wa, takɔ wa zele, nɛ wa yambala sɛ we dɛ kili mi kɔ dungu nza 'da wa vɛ̃. Nɛ wa be sɛ hã obe zã wa na, wa dɔnggɔ tɛ mɛ 'bɔ mi.’

Owi kpe dati 4:11

Do 'da fala ni, nɛ nde Hebɛrɛ, be Keni, a nyɛ̀lɛ̀ zi do le Kedɛsi gɔ. Okeni wa zi a nu fɛlɛ Hobabɛ, masɛ̃ Mɔizɛ. Nɛ nde Hebɛrɛ la zi onya a Keninɔ, nɛ a zĩ tɔa tande 'da a tɛ ti te sɛnɛ tɛ Sananimɛ, dɔ̃ɔ do Kedɛsi.

1 SAMUƐLƐ 16:11

Nɛ Samuɛlɛ aka 'bɔ na: “Obulu benɔ 'da mɔ vɛ̃ hã wa hɔa dati mi ia ni nde?” Nɛ Yɛse gese na: “Tala bulu be nɛ 'bana kpo, nɛ nde a zɔ mɔ tɛ obatanɔ.” Nɛ Samuɛlɛ na: “Mɔ tómbó 'do a, kɔ a tɛ. A hɔ́ gɔ, nɛ nde lɛ hã́ sɛ dɔnggamɛ gɔ.”