Kulu Tɔa 26:1 - WE NU GALE 1995

¹ “We dɛ tɔa Tande 'da mi, ma wia na, owi dɛ tulunɔ wa dɛ gbau tulu 'bu do nga linɛ zanga do sala bata, nɛ wa gɛzɛ ma do fila langi kpi do kpi. Nɛ wa gɛzɛ sɛ 'bɔ ohi mɔ ɔ nɛ wele ni, nɛ nde sala 'baka nɛ boe dɛ tɛ nɛ.

Kulu Tɔa 26:1 Iomraidhean Croise

2 SAMUƐLƐ 7:2

Mbe ngba soe kpo, nɛ Davidi tɔ̃ hã Natanɛ, wi gba olo nu Gale na: “Mi ɔ kɔ tɔa kɛ wa dɛa ma do te sɛdrɛ, nɛ Sanduku Gba Tɔkɛ 'da Gale ɔ kɛ 'dɛ ɛ ti tɔa tande iko. Kɔ mɔ lengge na ge nde?”

1 Onwanɔ 6:29

Wa sɛa zi 'bɔ ohi mɔ, kɛ ma ɔ nɛ wele ni, nɛ ma do 'baka nɛ boe, do onwá 'bete, do ofulɛlɛ kɛ ma bulu zala ɛ, dɛ ngɔ o'bolo zã tɔa Tɛmpɛloe vɛ̃.

1 Sakonɔ 17:1

Do 'da fala nwa Davidi si kɔ tɔa nwa 'da a ni, nɛ mbe ngba soe kpo, nɛ a tɔ̃ hã Natanɛ, wi gba olo nu Gale na: “Mi ɔ kɔ tɔa kɛ wa dɛa ma do te sɛdrɛ, nɛ Sanduku Gba Tɔkɛ 'da NWA ɔ kɛ 'dɛ ɛ ti tɔa tande iko. Kɔ mɔ lengge nɛ na ge nde?”

1 Sakonɔ 21:29

Do ngba soe ni, nɛ nde tɔa Tande kɛ Mɔizɛ dɛa zi tɛ li gba zɔ̃ i, mba do ogbagalanɔ kɛ wa hã dɔnggamɛnɔ ngɔ nɛ ni, ma zi a Gabaoni, tɛ fala dɔnggɔ do Gale.

Kulu Tɔa 25:18

Dɛ ngɔ mɔ nu sanduki ni, wa dɛ sɛ okerubinɛ bɔa do 'bata mɔ mbali. Okerubinɛ a ohi mɔ ɔ nɛ wele ni, nɛ sala 'baka hi mɛnɔ ni sɛ boe. Wa dɛ sɛ ma bɔa, nɛ wa e tɛ nu konggolo mɔ nu sanduki kpo kpo.

Kulu Tɔa 25:4

fele kɛ wa dɛa do sala bata, nɛ wa gɛza tɛ ma do fila langi kpi do kpi, tulu linɛ kɛ ma ɔ bɛndɛ bɛndɛ, fɛlɛ kɛ wa dɛa do sala dua,

Kulu Tɔa 25:8

Obe Israɛlɛ wa dɛ sɛ tɔa Tande kɛ ma santo hã mi, takɔ mi ɔ kɔ nɛ dɛ sanga wa.

Kulu Tɔa 26:2

Ma wia na, gã li gbau tulunɔ ni vɛ̃ we kɔ̃, du nɛ mɛtrɛ 'bu ngɔ nɛ nalɛ, nɛ dɔ nɛ mɛtrɛ bɔa.

Kulu Tɔa 26:31

“Wa dɛ sɛ mbé ku'bu do tulu nga linɛ zanga do sala bata, kɛ wa gɛzɛ tɛ nɛ do fila langi kpi do kpi, nɛ wa gɛzɛ sɛ ohi mɔ ɔ nɛ wele ni tɛ nɛ.

Kulu Tɔa 26:36

“Wa dɛ sɛ 'bɔ mbé ku'bu do tulu nga linɛ zanga do sala bata, kɛ wa gɛzɛ tɛ nɛ do fila langi kpi do kpi ni, nɛ wa kele ku'bi ni do nu tɔa Tande.

Kulu Tɔa 31:7

Wa dɛ sɛ tɔa Tande kpa ngba wi do mi Gale, do Sanduku Gba Tɔkɛ do mɔ kpe do nu nɛ, do o'bulu mɔ tɛ tɔa Tande vɛ̃.

Kulu Tɔa 35:11

Tɔa Tande do ogbau tulunɔ we kele do ngɔ nɛ, obɛlɛduma do omɔ bolo kɛ holo kɔ nɛ takɔ wa zĩ bɛlɛdumanɔ dɛ kɔ nɛ,

Kulu Tɔa 35:35

NWA ia hã dɛ to kpi do kpi zã wa. Wa ĩ ti sɛ ota olo gã golenɔ, gɛzɛ tɛ mɔ, fulu tulu sala bata kɛ wa gɛzɛ tɛ nɛ do fila langi kpi do kpi, fulu tulu kɛ ma ɔ bɛndɛ bɛndɛ, lifi fɛlɛ tulu, do dɛ osi'bili to kɔ̃ wi kpi do kpi.

Kulu Tɔa 35:6

fele kɛ wa dɛa do sala bata, nɛ wa gɛza tɛ ma do fila langi kpi do kpi, tulu linɛ kɛ ma ɔ bɛndɛ bɛndɛ, fɛlɛ kɛ wa dɛa do sala dua,

Kulu Tɔa 36:35

Owi dɛ si'bili mɛnɔ wa dɛa ku'bu do tulu nga linɛ zanga do sala bata kɛ wa gɛzɛ ma do ofila langi kpi do kpi, nɛ wa gɛzɛ ohi mɔ ɔ nɛ wele ni dɛ tɛ nɛ.

Kulu Tɔa 39:3

Wa ba 'bata mɔ mbali, nɛ wa 'bili ma, nɛ wa dɛ obe fɛlɛ nɛ, nɛ owi dɛ tulunɔ wa mba ma do tuli kɛ mɛ ɔ bɛndɛ bɛndɛ, do osala batanɔ kɛ ma do fila langi kpi do kpi ni, nɛ wa fulu do tulunɔ.

Kulu Tɔa 40:2

“Do zɛkɛ 'da kpo, kɔ nɛ kpo, nɛ mɔ zĩ sɛ tɔa Tande kpa ngba wi do mi Gale.

Tɔlɔ Mɔ 3:25

Ogɛrsoni wa zɔ zi mɔ tɛ omɛnɔ gɛ: tulu Tande kɛ kɔ tɔa i, do kɛ ma kele 'do tɔa nza nga ni, do tulu kele do ma, ku'bi nu tɔa Tande,

Tɔlɔ Mɔ 4:25

gbau tuli kɛ ma kele tɔa Tande, nɛ ma gɔnɔ sanga nɛ bɔa ni, nga ndala wili bata, nga ndala sa'de 'dɔ lì we gu ngɔ tɔa ni, ku'bi nu tɔa Tande,

YOANƐ 1:14

We nu Gale hɔa wele, nɛ a ɔa sanga lɛ, nɛ lɛ zɔa dɔ̃lɔ̃ li 'da a. Mɛ a dɔ̃lɔ̃ li kɛ Baa a Gale hã hã a, kɛ a a kpo Be 'da a ni. Be ni do dia zã wena, nɛ a tɔ̃ zi gbãlã we ngɔ Baa a.

YOANƐ 2:21

Nɛ nde Tɛmpɛloe Yezu tɔ̃ zi nɛ ni, mɛ a kili tɛ̃ a wele nɛ.

OHEBRE 8:2

A tɛ dɛ to nganga tɛ fala kɛ ma santo ngboo, kɔ tɔa tande kɛ wele dè ma gɔ, nɛ nde Gale a dɛa ma ni.

OHEBRE 9:2

Wa dɛa zɛ́ tɔa tande, nɛ wa 'bili kɔ nɛ bɔa. Nɛ 'bili kɛ wa le kɔ nɛ dati ni, wa sa li nɛ na, fala kɛ ma santo. Mɛ a fala wa ia do mɔ a do mwindanɔ, do mɛsa kɛ wa a mapa dɔnggɔ do Gale ngɔ nɛ ni.

OHEBRE 9:9

Tɔa tande ni, ma be mɛnɔ kɛ ma dɛ tɛ̃ ɛ do ngba soenɔ gɛ. Ma be na, dia mɛnɔ kɛ wa hã ma hã Gale, do osa'denɔ kɛ wa gbɛ hã a ni, ma wè tɛ fo 'dã mɛnɔ kɔ sila winɔ vɛ̃ gɔ.

USU MƐNƆ 19:8

Wa hã tulu linɛ ma fɛnga nde nde, nɛ ma ndele wena hã a na, a he'de.” (Tulu linɛ ni, ma be bɔlɔ zu dɛa mɛnɔ kɛ owinɔ 'da Gale wa dɛa zi ni.)

USU MƐNƆ 21:3

Nɛ mi zele giti gɛlɛ wele tɛ fala kpongbo nwa ni, ma wila nganda wena na: “Nɛ zɔ́, Gale dɛa fala ɔi 'da a dɛ sanga winɔ. A ɔ sɛ do wa fala nɛ kpo, nɛ wa sɛ a owinɔ 'da a. Gale ngboo sɛ fala nɛ kpo do wa.