Kulu Tɔa 24:3 - WE NU GALE 1995

³ Mɔizɛ zĩlĩ, nɛ a gba olo nu NWA hã obe Israɛlɛ. Wa nɛa we zele ni, nɛ nu wa vɛ̃ we kɔ, nɛ wa gese hã a na: “Lɛ dɛ sɛ mbulanɔ 'da NWA vɛ̃.”

Kulu Tɔa 24:3 Iomraidhean Croise

2 Sakonɔ 15:14

Wa kpua mbuli ni hã NWA do'do, nɛ wa zɛ kaliã, nɛ wa zɛ kɔ wa, nɛ wa dama omɔtũlũ.

2 Sakonɔ 15:15

Nɛ owinɔ ngo nù Yuda wa zi do yangga we duzu mbuli kɛ wa kpua ma do sila wa vɛ̃ ni. Nɛ wele do wele dɛa olo nu nwa kɛ a bia tɛ̃ a hã wa, nɛ a hã dungu fio ngɔ nùi 'da wa vɛ̃ ni.

Zumanɔ 50:5

A na: “Nɛ mbá li owinɔ 'da mi dɛ dati mi. Wi a wanɔ kɛ wa hã dɔnggamɔ hã mi, we kɛ wa gba zi tɔkɔ do mi ni.”

Kulu Tɔa 19:8

Obe Israɛlɛ wa zila we ni, nɛ wa vɛ̃ wa kɔ̃a, nɛ wa na: “Lɛ dɛ sɛ mbulanɔ 'da NWA vɛ̃.” Nɛ Mɔizɛ kũ kala, nɛ a gba nu gisa we 'da wa hã NWA,

Kulu Tɔa 24:2

'Do nɛ, nɛ mɔ zu mɔ kpo, mɔ tɛ sɛ, nɛ mɔ kɔlɔ do mi, nɛ tala owinɔ ni wa 'bana sɛ dɛ olo mɔ i. Nɛ tala obe Israɛlɛ wa kũ sɛ ngɔ kala nga do nɛ gɔ.”

Kulu Tɔa 24:7

'Do nɛ, nɛ a ba 'buku gba tɔkɛ kɛ a kɔma ni, nɛ a tɔlɔ dɛ ngɔ hã obe Israɛlɛ. Wa zila do'do, nɛ wa vɛ̃ wa gese na: “Lɛ dɛ sɛ mbulanɔ 'da NWA vɛ̃, lɛ élé sɛ mɔ kpo gɔ.”

Yeremi 11:4

Gba tɔkɛ ni, mi gba zi ma do oyaa nɛ, 'da fala kɛ mi fua zi wa kɔ gã ngamɛ tɛ ngɔ nù Ezipeto dɛ nza ni. Mi tɔ́a zi hã wa na, wa zélé mbula 'da mi, nɛ wa dɛ mɛnɔ vɛ̃ kɛ mi ba nu mi na, wa dɛ ni. Wa dɛ na mɛ ni, nɛ wa sɛ a owinɔ 'da mi, nɛ mi sɛ a Gale 'da wa.

Yeremi 34:13

“Mi gba zi tɔkɔ do oyaa nɛ, 'da fala mi fua zi wa kɔ ngbá tɛ ngɔ nù Ezipeto i ni.

AZE 2:5

Mi kpua zi mbulu hã oyaa nɛ na mɛ ni, tɛ fala hɔa nza 'da wa ngɔ nù Ezipeto. Kɔ nɛ tɛ dɛ̀ kili gɔ, we kɛ mi do nɛ boe.

MALAKI 2:10

Lɛ vɛ̃, Baa lɛ kpo iko gɔ nde? Nɛ wi dɛa lɛ, wi a Gale kpo gɛ gɔ nde? Kɔ gulu kɛ lɛ sɛnɛ ngba lɛ, nɛ lɛ 'danga gba tɔkɛ Gale gba zi ma do oyaa lɛ ni we ge nde?

Mbulanɔ 11:1

“Nɛ kɔ̃́ gɛnɛ NWA Gale 'da nɛ, nɛ dɛ́ to hã a, nɛ nɛ dɛ́ mbulanɔ 'da a do olo nu a vɛ̃. Nɛ tɛ là ma kpo gɔ.

Mbulanɔ 4:1

Nɛ Mɔizɛ tɔ̃a 'bɔ hã obe Israɛlɛ na: “Nɛ, obe Israɛlɛ, nɛ dɛ́ mbulanɔ kɛ mi bia hã nɛ ni. Nɛ dɛ na mɛ ni, nɛ ma hã sɛ wala na, nɛ 'bana nza, nɛ nɛ we sɛ we ba nùi kɛ NWA Gale 'da oyaa nɛ, a hã ma hã nɛ ni.

Mbulanɔ 4:45

Ma zi do 'do kɛ wa hɔa nza ngɔ nù Ezipeto. Nɛ wa zi a tɛ kɔ gbangɔlɔ̃ lì Yɔrdanɛ, si 'biti gba wese, kɛ ma ka mɔ dɛ tɛ le Bɛtɛ-Peɔrɛ. Nɛ le Bɛtɛ-Peɔrɛ zi a tɛ ngɔ nùi 'da Sihoni, nwa 'da Oamori, kɛ a ɔ zi tɛ Hɛsɛboni. Nɛ Mɔizɛ tɔa mbula ni hã wa dɛ di ni. Nɛ nde Mɔizɛ do obe Israɛlɛ wa bi zi Sihoni, nɛ wa nɛ ngɔ a.

Mbulanɔ 4:5

“Mi bia zi ombulanɔ hã nɛ vɛ̃, ɔ nɛ kɛ NWA Gale 'da mi ba do nu a hã mi ni, takɔ nɛ dɛ sɛ mbulanɔ ni, 'da fala kɛ nɛ ɔ sɛ tɛ ngɔ nùi nɛ nɛ bi we ba ma ni.

Mbulanɔ 5:1

Mɔizɛ sa mɔ hã obe Israɛlɛ vɛ̃, nɛ a tɔ̃ hã wa na: “Nɛ, obe Israɛlɛ, nɛ zélé mbulanɔ vɛ̃ mi hã ma hã nɛ sɔɛ gɛ. Nɛ yámbálá ma, nɛ nɛ e ma fala dɛa to.

Mbulanɔ 5:31

Nɛ nde mɔ 'bana sɛ do mi dɛ dɛ. Nɛ mi hã sɛ mbulanɔ 'da mi vɛ̃ hã mɔ. Nɛ mɔ be sɛ ma hã obe Israɛlɛ na, wa dɛ ma tɛ ngɔ nùi mi hã sɛ hã wa ni.’ ”

Mbulanɔ 6:1

“Ki ni a mbulanɔ vɛ̃ kɛ NWA Gale 'da nɛ ba nu a hã mi na, mi be ma hã nɛ gɛ a ni. Kɔ ma wia na, nɛ dɛ sɛ ma ngɔ nùi kɛ nɛ kɔlɔ we ba ma ni.

Yozue 24:21

Nɛ owinɔ wa gese na: “Ma a mɔ tɔ̃a ni! Nɛ nde lɛ dɔnggɔ sɛ tati a NWA Gale zu a kpo.”

Yozue 24:22

Nɛ Yozue tɔ̃ 'bɔ na: “Nɛ ngboo, nɛ a otemɔɛ 'da nɛ wele nɛ. Nɛ do tɛ nɛ, nɛ saka we dɔnggɔ NWA Gale.” Nɛ wa gese na: “Ma a ni, lɛ kɔ̃a!”

Yozue 24:24

Nɛ owinɔ wa gese na: “NWA Gale a Gale 'da lɛ. Lɛ dɔnggɔ sɛ a, nɛ lɛ dɛ sɛ mbulanɔ 'da a.”