Kulu Tɔa 23:12 - WE NU GALE 1995

¹² “Kɔ pɔsɔ kpo, nɛ dɛ sɛ to 'do tũ gazɛlɛ, nɛ tũi kɛ sambo, nɛ dɛ́ sɛ to kpo gɔ. Nɛ dɛ sɛ na mɛ ni, takɔ ogele winɔ, do ongbánɔ, do osa'denɔ wa dɛ toe hã nɛ ni, wa ɔmɔ tɛ wa.

Kulu Tɔa 23:12 Iomraidhean Croise

NEHEMIE 13:16

Dɛ ngɔ nɛ, nɛ Owi Tirɛ kɛ wa ɔ zi tɛ Yeruzalɛmɛ, wa tɛa do okɔyɔ, do ogele tole nyɔngɔmɔ do kɔ̃ tũ ɔmɔ tɛ wi, we be gole nɛ hã Oyudanɔ kɔ le Yeruzalɛmɛ ni.

Kulu Tɔa 16:23

nɛ a tɔ̃ hã wa na: “NWA Gale ba nu a na mɛ ni. We kɛ bindɛ, mɛ a tũ ɔmɔ tɛ wi we dɔnggɔ do a. Sɔɛ gɛ, nɛ dɔ tabi nɛ gi nyɔngɔmɛnɔ ɔ nɛ kɛ zã nɛ kɔ̃a ni, nɛ nɛ nyɔngɔ, nɛ tala kɛ 'bana ni, nɛ nɛ e ngɔ we bindɛ.”

Kulu Tɔa 23:11

Kɔ ma hɔ tɛ sabɛlɛ kɛ sambo, nɛ nɛ lá fɔɛ ni takɔ ma sulu. Nɛ onya nɛ kɛ wa a owi sã ni, wa yɛnggɛ sɛ kɔ obili fɔnɔ ni we fa nyɔngɔmɔ. Nɛ osa'de zamɛnɔ wa nyɔngɔ sɛ tala nyɔngɔmɛnɔ ni olo wa. Nɛ dɛ́ 'bɔ na mɛ ni do fɔ vinɔnɔ do olivɛnɔ 'da nɛ.

Kulu Tɔa 34:21

Kɔ pɔsɔ kpo, nɛ ní dɛ sɛ to 'do tũ gazɛlɛ, nɛ tũi kɛ sambo, nɛ dɛ́ sɛ to gɔ. Gɛnɛ kɔ mɛ a 'da fala wa fɔ, tabi kala kpalɛ li fɔ, nɛ nde nɛ dɛ́ sɛ to do tũi ni gɔ.

Kulu Tɔa 35:2

kɔ̃ pɔsɔ kpo, nɛ nɛ dɛ sɛ to 'do tũ gazɛlɛ, nɛ tũi kɛ sambo mɛ a tũ ɔmɔ tɛ wi kɛ nɛ ia we dɔnggɔ do ɛ. Wi kɛ a dɛ to kɔ tũi ni, nɛ wa gbɛ sɛ a.

Kulu Tɔa 35:3

Falanɔ vɛ̃ kɛ nɛ ɔ sɛ do ma ni, ma wè na, nɛ dã mbamba we do kɔ tũ ɔmɔ tɛ wi gɔ.”

Ezai 58:3

Nɛ wa tɔ̃ na: ‘nwa zɔ́ mɛnɔ kɛ lɛ dɛ ma gɛ gɔ, nɛ a ĩ́ 'bɔ we ma gɔ. Kɔ gulu kɛ lɛ ba tɛ lɛ dɛ nù, nɛ lɛ bɛ̃ nyɔngɔmɔ we ge nde?’ “Nɛ mi nwa, mi gisa hã wa na: Nɛ ĩ de wena na, do ngba soe kɛ nɛ bɛ̃ nyɔngɔmɛ ni, nɛ nde nɛ 'bana tɛ fa odia mɔ mɔ́ nɛ, nɛ nɛ zɛlɛ tɛ Owi dɛa tonɔ 'da nɛ.

Levitɛnɔ 23:3

Kɔ pɔsɔ kpo, nɛ nɛ wia we dɛ to 'do tũ gazɛlɛ. Nɛ nde kɔ̃ tũi kɛ sambo, mɛ a kɔ̃ tũ ɔmɔ tɛ wi. Nɛ tɛ dɛ̀ to do ngba soe ni gɔ, nɛ nde nɛ mbá ngba nɛ we dɔnggɔ mi. Gɛnɛ kɔ nɛ a do nde, nɛ nɛ ba sɛ kɔ̃ tũi ni na, mɛ a kɛ 'da mi.

MARKO 2:27

Nɛ Yezu tɔ̃ 'bɔ hã wa na: “Gale dɛa zɛ́ tũ ɔmɔ tɛ wi we duzu wele, nɛ nde a dɛ̀ wele we tũ ɔmɔ tɛ wi gɔ.

LUKA 13:14

Kɔ nwa ngɔ tɔa mbula nɛa we zɔ na, Yezu kpasa wele do tũ ɔmɔ tɛ wi ni, nɛ zã a nɔ̃lɔ̃ wena. Nɛ a tɔ̃ hã gba gili winɔ na: “Kɔ pɔsɔ kpo, tũ dɛa to ma gazɛlɛ. Kɔ ma wia na, nɛ tɛ do kɔ̃ tũnɔ ni, hã wa kpasa nɛ, nɛ nɛ tɛ tɛ̀ do tũ ɔmɔ tɛ wi gɔ!”