Kulu Tɔa 21:2 - WE NU GALE 1995

² “Fala kɛ nɛ oso be Hebre do ngbá, nɛ a dɛ sɛ to hã nɛ 'do sabɛlɛ gazɛlɛ. Kɔ ma hɔ tɛ sabɛlɛ kɛ sambo, nɛ a hɔ sɛ nza kɔ ngbá iko, nɛ nde a fútá sɛ mbili we nɛ futa gɔ.

Kulu Tɔa 21:2 Iomraidhean Croise

Ndo Nyanga Dɛ Mɔ 27:28

E kɔ Gale tombo mbɔɛ li nza dɛ nù, kɔ ma ko dɔa kpalɛ hã mɔ.

Ndo Nyanga Dɛ Mɔ 27:36

Nɛ Ezau na: “Li a a Yakɔbɔ gbãlã we, a a wi ɔkɔlɔ wi. A ɔkɔlɔ li mi fala bɔa. A zũ zi nwa kpasa wi 'da mi kɛ ma wia sɔ na, mi kpa ma olo baa lɛ ni. Kɔ dɔ ni, a zu 'bɔ wila nui kɛ na mi kpa sɔ ma ni.” Nɛ a tɔ̃ 'bɔ na: “Mɔ 'bànà mbe do tala wila nu we mi gɔ nde?”

2 Onwanɔ 4:1

Mbe ngba soe kpo, nɛ wuko olo mbe wi gba olo nu Gale kpo, nɛa 'da Elize, nɛ a ala nu a hã a na, a gala ɛ. A na: “Aa Elize, wili mi fia do'do! Nɛ mɔ ĩ na, a zi a wi dɔnggɔ NWA Gale. Nɛ nde zi dati, lɛ lia zi ku'da mbili 'da mbe wele kpo. Kɔ ngangga gɛ, a kɔ̃a we kala benɔ 'da mi bɔa nɛ do ngbá olo mbili 'da a.”

NEHEMIE 5:8

Nɛ mi tɔ̃a hã wa na: “Lɛ do tɛ lɛ, lɛ gɔnɔ zi onya lɛ Yudanɔ kɛ wa hã zi tɛ wa do ngbá hã ogele winɔ ni. Nɛ lɛ dɛa zi ma ɔ nɛ kɛ ma wia do lɛ ni. Nɛ nde ngangga ni, nɛ be gole onya nɛ hã kpo kpo lɛ onya wa.” Mi nɛa we tɔ̃ ni, nɛ wa kpà we kpo we gi gisa gɔ, nɛ wa kpia nu wa.

Kulu Tɔa 12:44

Ngbá kɛ nɛ usa a usa ni, a wia tɛ nyɔngɔ mɔ ɛngga, fala kɛ a nɛ gaza nɛa ni.

Kulu Tɔa 21:3

Fala kɛ wa oso zi a do ngbá, nɛ nde a tɛ bà wuko gɔ, nɛ a la sɛ zu a kpo. Kɔ a ba zi wuko dati kɛ na a hɔ ngbá ni ba nde, nɛ wa la sɛ do wuke 'da a.

Kulu Tɔa 21:7

“Fala kɛ wi wili be gole boko be 'dɛ ɛ do ngbá, nɛ wuko ngbá ni wé sɛ we hɔ nza kɔ ngbá, ɔ nɛ tɛlɛ tɛ kɛ 'da wi wili ngbá gɔ.

Levitɛnɔ 25:54

Nɛ fala kɛ wa kpà wala we si olo ku'da zu be Israɛlɛ ni gɔ, kɔ ma hɔ tɛ sabɛlɛ Yubile, nɛ wa da sɛ kɔ̃ wa tɛ̃ a, nɛ a hɔ sɛ kɔ ngbá fala nɛ kpo do obenɔ 'da a.

MATIE 18:25

nɛ a do wala we gese ma bina ni. Nɛ nwa ni ba nu ɛ na, wa 'dɔlɔ a, do wuke 'da a, do benɔ 'da a do ngbá, nɛ wa tɛkɛ kpamɛnɔ 'da a vɛ̃, takɔ wa gese do ku'da ni.

1 KORINTƐ 6:20

nɛ nde wele nɛ a mɔ́ Gale. A usa zi nɛ ia, kɔ ma wia na, nɛ é tɛ nɛ we hã dɔ̃lɔ̃ li hã a.

Mbulanɔ 15:1

“'Do sabɛlɛ sambo, nɛ ma wia na, nɛ gbɛ ku'da dɛ zu owinɔ kɛ wa ba mbili kɔ̃ nɛ ni, nɛ nɛ dɛ sɛ ni 'da fala fai.

Mbulanɔ 15:18

“Fala kɛ nɛ hã wala hã ngbá na, a la nde, nɛ nɛ tɛ dɛ̃ ma do mbé gele linggamɔ gɔ. Mba gɔ, a dɛa to hã mɔ 'do sabɛlɛ gazɛlɛ, nɛ a dɛa na, nɛ kpa odia mɔ nɛ ngɔ kɛ 'da wi dɛa to kɛ nɛ futa a futa ni fala bɔa. Ma kɛ ma wia na, nɛ e a ni. Nɛ NWA Gale 'da nɛ, a wele sɛ nu a tɛ nɛ kɔ mɛnɔ vɛ̃ kɛ nɛ kɔ̃a we dɛ ma ni.

Mbulanɔ 31:10

Nɛ Mɔizɛ tɔ̃a hã wa na: “'Do sabɛlɛ sambo sambo, nɛ nɛ dɛ sɛ na mɛ gɛ: Do ndɔti sabɛlɛ, mɛ sɛ a 'da fala gbɛ ku'da dɛ zu owinɔ, nɛ nɛ tɔlɔ sɛ mbula gɛ do 'da fala ɛngga Ɔ ti Da.