Kulu Tɔa 21:1 - WE NU GALE 1995

¹ NWA tumba 'bɔ Mɔizɛ we tɔ̃ ombulanɔ gɛ hã obe Israɛlɛ. A na:

Kulu Tɔa 21:1 Iomraidhean Croise

1 Onwanɔ 6:12

“Fala kɛ mɔ dɛ mbulanɔ 'da mi do olo nu mi vɛ̃, nɛ mi dɛ sɛ mbuli kɛ mi kpua zi hã baa mɔ Davidi we duzu mɔ ni.

2 Sakonɔ 19:10

Nɛ nde 'da falanɔ vɛ̃ kɛ onya nɛ wa yolo sɛ kɔ lenɔ 'da wa, nɛ wa tɛ we da we dati nɛ ni, nɛ nɛ 'bili ngbangga 'da wa. Kɔ fala kɛ wele da we gbɛa wi, tabi we mɔ̃lã, tabi we kɛ ma zɔa gbini mbula nde, nɛ nɛ gɔnɔ sanga nɛ hã wa. Fala kɛ wa dɛ na mɛ ni, nɛ nde wa té sɛ li ngbangga dati NWA Gale gɔ. Nɛ zã Gale nɔ̃lɔ̃ sɛ tɛ mɛ 'bɔ dɛ tɛ nɛ do onya nɛ gɔ. Nɛ dɛ̃ na mɛ ni na, da dɛ kɔ nɛ té do ngbangga dati NWA gɔ.

NEHEMIE 10:29

Lɛ, ogele be Israɛlɛ, do onganganɔ, do olevitɛnɔ, do Owi zɔ mɔ nu ngbonɔ, do Owi ga Zumanɔ, do Owi gala olevitɛnɔ, lɛ mba kpo do ogã winɔ 'da lɛ we kpo mbulu hã Gale, mba do owinɔ kɛ wa 'bana zi ngɔ nù Yuda nga do 'da fala 'duli, nɛ wa bɛ̃a gɛnɛ dɛa mɛ 'da opaganɔnɔ we dɛ mbula 'da Gale ni. Wi a lɛ, mba do okɛnɛ lɛ, do obenɔ 'da lɛ, owuko nɛ do Owi wili nɛ, kɛ wa wia sabɛlɛ zele gulu mbula ni.

Zumanɔ 147:19

A ba mbula hã owinɔ 'da a, obe Israɛlɛ, nɛ a kɔ̃a na, wa dɛ olo nu ɛ.

Kulu Tɔa 19:7

Mɔizɛ zĩlĩ kala, nɛ a si dɛ fala ɔi 'da wa 'di, nɛ a sa mɔ hã okumu Israɛlɛ, nɛ a tɔ̃ wenɔ vɛ̃ kɛ NWA ba do nu ɛ ni hã wa.

EZEKIƐLƐ 20:11

Nɛ mi bia zi mbulanɔ vɛ̃ kɛ wele wia tɛ dɛ ma, sɛ nɛ a kpasa de ni hã wa.

EZEKIƐLƐ 20:25

Mi ia wa na, wa dɛ mbulanɔ kɛ ma wè tɛ gala wa, nɛ ma hã kpasi hã wa gɔ ni.

Levitɛnɔ 18:26

Owinɔ kɛ wa ɔa zi ngɔ nùi ni dati hã nɛ ni, wa dɛa zi gã 'dã mɛnɔ ni, nɛ nùi ma hɔa zi mɔ ndi li mi. Nɛ nde, nɛ tɛ dɛ̃ tɛlɛ tɛ gã 'dã mɛnɔ ni ni gɔ. Nɛ vɛ̃, gɛnɛ kɔ nɛ obe Israɛlɛ, tabi gɛnɛnɔ wa ɔ sanga nɛ ni, nɛ dɛ́ mbulanɔ 'da mi NWA.

Levitɛnɔ 18:5

Nɛ dɛ́ mbulanɔ 'da mi, nɛ nɛ kpasa sɛ do wala 'da ma. Mi a NWA!

Levitɛnɔ 19:37

Li nɛ sɔ̃, nɛ nɛ dɛ ombulanɔ 'da mi vɛ̃. Mi a NWA!”

Levitɛnɔ 20:22

“Li nɛ sɔ̃ na, nɛ dɛ́ ombulanɔ vɛ̃, kɛ ma yula 'da mi ni. Nɛ nùi kɛ mi kã nɛ dɛ ngɔ nɛ ni, ma bɛ̃ sɛ nɛ gɔ.

Tɔlɔ Mɔ 35:24

Fala kɛ ma ɔ na mɛ ni, nɛ winɔ wa dɛ sɛ vɛ̃ ɔ nɛ kɛ mbula tɔ̃a ni.

Tɔlɔ Mɔ 36:13

Ki ni a ombulanɔ kɛ NWA ia hã obe Israɛlɛ do wala 'da Mɔizɛ tɛ li mbɛ nù Moabɛ, dɔ̃ɔ do nu lì Yɔrdanɛ, kɛ ma ka mɔ dɛ li le Yeriko gɛ a ni.

MATIE 28:20

Nɛ nɛ bé hã wa na, wa dɛ mbulanɔ vɛ̃ kɛ mi bia zi hã nɛ ni. Nɛ mi, mi sɛ fala nɛ kpo do nɛ fai, gbaa we hɔ ngba soe nùi ma 'danga sɛ nɛ ni.”

Mbulanɔ 15:12

“Fala kɛ mbe nya nɛ be Israɛlɛ, wi wili tabi wuko a kɔ̃ na, nɛ oso ɛ kɔ ɛ hɔ ngbá, nɛ a dɛ sɛ to hã nɛ 'do sabɛlɛ gazɛlɛ. Kɔ ma hɔ sabɛlɛ kɛ sambo, nɛ nɛ e sɛ a na, a si.

Mbulanɔ 4:14

Do 'da fala ni, nɛ NWA ba zi nu a hã mi na, mi be mbulanɔ ni vɛ̃ hã nɛ. Nɛ nɛ dɛ sɛ ma tɛ ngɔ nùi kɛ nɛ kɔlɔ we bi ma, hã nɛ ba ni.”

Mbulanɔ 4:45

Ma zi do 'do kɛ wa hɔa nza ngɔ nù Ezipeto. Nɛ wa zi a tɛ kɔ gbangɔlɔ̃ lì Yɔrdanɛ, si 'biti gba wese, kɛ ma ka mɔ dɛ tɛ le Bɛtɛ-Peɔrɛ. Nɛ le Bɛtɛ-Peɔrɛ zi a tɛ ngɔ nùi 'da Sihoni, nwa 'da Oamori, kɛ a ɔ zi tɛ Hɛsɛboni. Nɛ Mɔizɛ tɔa mbula ni hã wa dɛ di ni. Nɛ nde Mɔizɛ do obe Israɛlɛ wa bi zi Sihoni, nɛ wa nɛ ngɔ a.

Mbulanɔ 4:5

“Mi bia zi ombulanɔ hã nɛ vɛ̃, ɔ nɛ kɛ NWA Gale 'da mi ba do nu a hã mi ni, takɔ nɛ dɛ sɛ mbulanɔ ni, 'da fala kɛ nɛ ɔ sɛ tɛ ngɔ nùi nɛ nɛ bi we ba ma ni.

Mbulanɔ 4:8

Mbe gele nu kɔnggɔ, gɛnɛ kɔ ma gã wena, nɛ nde ma do mbula ɔ nɛ mbula mi hã ma hã nɛ sɔɛ gɛ ni bina.

Mbulanɔ 5:1

Mɔizɛ sa mɔ hã obe Israɛlɛ vɛ̃, nɛ a tɔ̃ hã wa na: “Nɛ, obe Israɛlɛ, nɛ zélé mbulanɔ vɛ̃ mi hã ma hã nɛ sɔɛ gɛ. Nɛ yámbálá ma, nɛ nɛ e ma fala dɛa to.

Mbulanɔ 5:31

Nɛ nde mɔ 'bana sɛ do mi dɛ dɛ. Nɛ mi hã sɛ mbulanɔ 'da mi vɛ̃ hã mɔ. Nɛ mɔ be sɛ ma hã obe Israɛlɛ na, wa dɛ ma tɛ ngɔ nùi mi hã sɛ hã wa ni.’ ”

Mbulanɔ 6:1

“Ki ni a mbulanɔ vɛ̃ kɛ NWA Gale 'da nɛ ba nu a hã mi na, mi be ma hã nɛ gɛ a ni. Kɔ ma wia na, nɛ dɛ sɛ ma ngɔ nùi kɛ nɛ kɔlɔ we ba ma ni.

Mbulanɔ 6:20

“Do 'do nza, nɛ obenɔ 'da nɛ, wa aka sɛ nɛ na: ‘Gulu kɛ NWA Gale 'da lɛ, a hã mbulanɔ gɛ hã nɛ we ge nde?’

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.