Kulu Tɔa 2:3 - WE NU GALE 1995

³ 'Do nɛ, nɛ nde a wè 'bɔ we usu a pii gɔ. Nɛ a fa yélé, wa dɛa ma do kala mɔ ɔ nɛ kala fondo ni, li nɛ a papirusi. Nɛ a nãlã ndaka te'de na, da dɛ kɔ lì lé kɔ nɛ gɔ. Nɛ a fi be kɔ yélé ni, nɛ a kpe nu nɛ, nɛ a nɛ, nɛ a usu a sanga okɔakonɔ nu lì Nilɛ 'di.

Kulu Tɔa 2:3 Iomraidhean Croise

Ndo Nyanga Dɛ Mɔ 11:3

Nɛ wa tɔ̃ dɛ ngbala ngba wa na: “Lɛ nɛ, lɛ zɛ biliki, hã lɛ dɔ ma.” Wa dɔa bilikinɔ ni do'do, nɛ wa kala ma, nɛ wa dɛ do tɔa, nɛ wa fa ondaka we nãlã do bilikinɔ ni dɛ tɛ ngbɛ ɛ.

Ndo Nyanga Dɛ Mɔ 14:10

Nɛ nde kɔ gbangɔlɛ̃ tɛ Sidimɛ ni, nu kɔ gili dɛlɛ zi di ni wena. Nɛ onwa Sodɔmɛ do Gomɔrɛ wa yu, nɛ wa te kɔ kɔ̃nɔ ni. Nɛ tala wanɔ talɛ ni, wa yu dɛ ngɔ kalanɔ i.

Ndo Nyanga Dɛ Mɔ 6:14

Nɛ nde mɔ, mɔ dɛ masua, nɛ mɔ 'bili kɔ nɛ dɛlɛ. Mɔ dɛ sɛ ma do te siprɛ, nɛ mɔ na ndaka kɔ nɛ do 'do nɛ vɛ.

Kulu Tɔa 1:22

Nɛ nde nwa ngɔ nù Ezipeto ba nu ɛ hã owinɔ 'da a vɛ̃ na, wa dá nzɔ obulu benɔ 'da obe Israɛlɛ vɛ̃ 'dɔ lì Nilɛ, nɛ wa lá tati a oboko benɔ.

Ezai 18:2

Nɛ tombo Owele, nɛ wa kũ lì Nilɛ dɛ ngɔ do ga kɛ wa dɛa ma do te papirusi. Aa nɛ, Owi nɛ to Etiopi, kɛ nɛ lu ga dɔ́ dɔ́ gɛ, nɛ kpóló tɛ nɛ dɛ ngɔ nùi 'da nɛ, kɛ fua lìnɔ dɛlɛ tɛ nɛ wena ni. Nɛ sí dɛ 'da owinɔ 'da nɛ, kɛ wa dulu wena, nɛ ndala tɛ wa nde ndila ni. Owinɔ ngɔ nù gɛ vɛ̃ wa dɛ kili wa wena, we kɛ wa nganda wena, nɛ wa zɛlɛ tɛ ogele winɔ wena.

Ezai 19:6

Nɛ ogbakɔ̃ nɛ ma mbulu, nɛ ma ɔ̃sã gbaa, nɛ ma na nù. Te papirusinɔ do osala tɔ̃nɔ kɔ nɛ ni, ma kula.

Ezai 35:7

Okɛnzɛnɔ kɛ ma kolo mɛnɔ ni, ma kifi sɛ ndɔ. Nɛ owaya ma fo sɛ tɛ ngɔ nùnɔ kɛ ma kula kparr ni. Osala tɔ̃ do okɔako, ma hɔ sɛ, nɛ ma gã tɛ falanɔ kɛ ogbokologboenɔ wa ɔ zi tɛ nɛ ni.

MATIE 2:13

Owi hãnɔ wa la do'do, nɛ mbe anzɛ 'da Nwa Gale hɔ 'da Yozɛfu do kɔ yalɛ, nɛ a tɔ̃ hã a na: “Mɔ kúlú ngɔ, kɔ mɔ bá be do naa a, kɔ nɛ yú dɛ Ezipeto. Nɛ nɛ ɔ́ dɛ i mɔ gbaa, hã mi tɔ̃ hã mɔ na nɛ si, sɛ nɛ de. We kɛ Herodɛ nɛ fa be gɛ we gbɛ a gbɛa.”

MATIE 2:16

Herodɛ nɛa we zɔ na, owi hãnɔ wa ɔlɔ ɛ ni, nɛ zã a nɔ̃lɔ̃ wena. Nɛ a ba nu a na, wa gbɛ obulu benɔ kɔ le Bɛtleɛmɛ vɛ̃, yolo ngɔ obe sabɛlɛ bɔa we zĩlĩ dɛ nù. Mba gɔ, a ndua nyanga tɔlɔ sabɛlɛ do ngba soe kɛ Owi hãnɔ wa tɔ̃a hã a na, lo zɔa do sɔla ni.

Owi Nɛ Tonɔ 7:19

Nɛ gã nwa ni dɛa zi 'dã hã dɛ tɛ owinɔ 'da lɛ. A hã nga dɛa to hã wa, nɛ a ba nu a na, wa la onzɔ benɔ 'da wa dɛ nza, takɔ wa fe.