Kulu Tɔa 16:3 - WE NU GALE 1995

³ Wa na: “Ma wia sɔ na, NWA gbɛ lɛ dɛ ngɔ nù Ezipeto, we kɛ i mɔ, nyɔngɔmɔ wena. Lɛ mba zi li ngba lɛ, nɛ lɛ nyɔngɔ osa'de ɔ nɛ kɛ lɛ kɔ̃a ni. Kɔ gulu kɛ nɛ tɛa do lɛ li gba zɔ̃ɛ gɛ we ge nde? Nɛ kɔ̃a na, lɛ fe wɔ iko nde?”

Kulu Tɔa 16:3 Iomraidhean Croise

YƆBƆ 3:1

Dɛ 'do nɛ, nɛ Yɔbɔ ma ngɔ wele we, nɛ a kana nu a tɛ kɔ̃ tũ kula 'da a na mɛ gɛ:

YƆBƆ 3:10

Mba gɔ, tũi ni ma bɛ zi zu kula 'da mi gɔ, ma kɛ mi zɔ ngamɛ gɛ.

YƆBƆ 3:20

Aa Gale, gulu kɛ mɔ dɛ na, owi 'bakonɔ wa zɔ nza ni we ge nde? Gulu kɛ mɔ dɛ na, wa ko mbe winɔ we kpa ngamɔ ni we ge nde?

Zumanɔ 107:5

Nɛ wa ala wɔ, nɛ kɔ gɛlɛ wa kula tɛ wɔ lì, nɛ ngawi 'da wa ia vɛ̃.

Zumanɔ 78:19

Nɛ wa wila 'dã we hã Gale, nɛ wa aka tɛ wa na: “Gale wia we hã nyɔngɔmɔ hã lɛ dɛ li gba zɔ̃ɛ gɛ nde?

Zumanɔ 78:25

Nɛ wele do wele nyɔngɔ kpo kpo nyɔngɔmɛ, kɛ anzɛnɔ wa nyɔngɔ ni, nɛ zã a hɛ̃a nɛ́ kɛ ma wia do a ni.

Kulu Tɔa 14:11

Nɛ wa tɔ̃ hã Mɔizɛ na: “Fo wá wila nù tɛ Ezipeto na, wa mi do lɛ bina nde? Gulu kɛ mɔ tɛa do lɛ i nga, hã lɛ nɛ fe dɛ li gba zɔ̃ɛ gɛ na ge nde? Gulu kɛ mɔ fua lɛ ngɔ nù Ezipeto we ge nde?

Kulu Tɔa 17:3

Nɛ nde wɔ lì ba obe Israɛlɛ dɛ dati ba fai, nɛ wa lungu Mɔizɛ na: “Mɔ fua lɛ ngɔ nù Ezipeto we ge nde? Mɔ tɛa do lɛ 'di nga na, lɛ do obenɔ, do onadalamɛnɔ 'da lɛ, lɛ fe wɔ lì nde?”

Kulu Tɔa 2:23

Ma ɔa ni gbaa, nɛ nwa ngɔ nù Ezipeto fe. Nɛ nde obe Israɛlɛ wa zi tɛ bi tɛ wa do he mɔ, we duzu dɛa to ngbá kɛ wa dɛ ni. Nɛ Gale zila sa mɛ 'da wa, nɛ a kɔ̃ we gbaka wa.

Kulu Tɔa 5:21

nɛ wa tɔ̃ hã Mɔizɛ do Aroni na: “E kɔ NWA Gale zɔ mɛ kɛ nɛ dɛa gɛ, hã a hã etumbu hã nɛ! Nwa ngɔ nù Ezipeto do owi olo li a, wa sɛnɛ lɛ we duzu nɛ. Nɛ ia bolo kɔ̃ wa, takɔ wa gbɛ do lɛ.”

Yeremi 2:6

Wa lènggè do mi nwa gɔ, nɛ wa áká mbe we mi gɔ. Ĩ na, mi a mi fua zi wa ngɔ nù Ezipeto dɛ nza, nɛ mi kpia ti wa tɛ li gba zɔ̃ i. Mi kpia ti wa tɛ li gba zɔ̃, tɛ ngɔ nùi kɛ gili butu kɛnzɛ kpia li wala nɛ. Mɛ a nù wɔ lì, do nù ngamɔ: Wele lá di ni gɔ, nɛ wele ɔ́ 'bɔ se'de gɔ.

Yeremi 44:17

Lɛ dɛ sɛ tati a kɛ lɛ saka we dɛ ma ni. Lɛ dɔ sɛ fũ yɔmbɔ we dɔnggɔ do Astarte, nwa wuke tɛ li nza i ni. Nɛ lɛ hã sɛ 'bɔ dɔnggamɔ dɔ̃ hã a, ɔ nɛ kɛ lɛ, do oyaa lɛ, do Onwanɔ 'da lɛ, do owi olo li wa, lɛ dɛ zi ma tɛ kɔ lenɔ ngɔ nù Yuda, do li walanɔ kɔ le Yeruzalɛmɛ i ni. Mba gɔ, lɛ dɛa zi ni, nɛ lɛ zɔlɔ zi nyɔngɔmɔ gɔ. Lɛ dungu zi dia dungu, nɛ lɛ zɔ̃ zi ngamɔ gɔ.

ALA NU 4:9

Owinɔ kɛ wa fia zi li bole ni, 'dɔkɔlɔ wa dia nɛa ngɔ wanɔ wa fia do wɛ ni. We kɛ wanɔ wa fia do wɛ ni, wa zɔlɔ nyɔngɔmɔ, nɛ wa ala wɔ, nɛ wa mbɔkɔ, nɛ wa fe.

Tɔlɔ Mɔ 11:15

Fala kɛ mɔ kɔ we dɛ mi na mɛ ni, nɛ ma wia wá na, mɔ dɛ 'bako hã mi, nɛ mɔ gbɛ mi do'do. Mi fe, nɛ mi zɔ́ sɛ 'bɔ ngamɛ mɔ hã ma hã mi gɛ gɔ.”

Tɔlɔ Mɔ 11:20

Nɛ nyɔngɔ sɛ mulu sa'de gbaa 'do zɛkɛ kpo, nɛ ma 'danga sɛ nu nɛ, nɛ ma gbala do kɔ zɔ́ nɛ sɛ nɛ de. Ki ni a etumbu kɛ nɛ kpa sɛ ma, we kɛ nɛ bɛ̃a gɛnɛ nwa, kɛ a ɔ dɛ sanga nɛ gɛ, nɛ nɛ bi tɛ nɛ dati a na, lo hɔa nza kɔ Ezipeto we ge nde ni.’ ”

Tɔlɔ Mɔ 14:2

Nɛ wa tɔ̃a 'dã we hã Mɔizɛ do Aroni na: “Ma dia sɔ fɛ̃ na, le fe dɛ Ezipeto i, tabi na lɛ fe dɛ li gba zɔ̃ gɛ.

Tɔlɔ Mɔ 14:3

Kɔ gulu kɛ NWA kã lɛ gbaa dɛ ngɔ nùi kɛ ɔ nɛ gɛ ni we ge nde? Lɛ fe sɛ li bolonɔ, nɛ owi sɛnɛ lɛ wa kala sɛ wukonɔ 'da lɛ do obenɔ 'da lɛ, nɛ wa si do wa. Ma dia sɔ fɛ̃ na, lɛ kpolo tɛ lɛ dɛ Ezipeto i.”

Tɔlɔ Mɔ 16:13

Mɔ fua zi lɛ dɛ nza ngɔ nù Ezipeto, nù kɛ ma do nyɔngɔmɔ la li ngele, nɛ mɔ tɛa do lɛ dɛ dɛ, takɔ lɛ fe dɛ li gba zɔ̃ɛ gɛ. Nɛ ki ni ma wè li mɔ gɔ, nɛ mɔ kɔa 'bɔ we be tɛ mɔ na, mɔ ngɔ lɛ nde?

Tɔlɔ Mɔ 21:5

nɛ wa ma ngɔ tɔ̃ 'dã we hã Gale do Mɔizɛ na: “Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ li gba zɔ̃ɛ gɛ, kɛ ma do nyɔngɔmɔ, tabi lì nɔ nɔa bina ni we ge nde? Nyɔngɔmɔ 'bakoe, lɛ nyɔngɔ do mana gɛ, ma ngba lɛ do'do.”

Owi Nɛ Tonɔ 26:29

Nɛ Polo gese hã a na: “Mi aka Gale we mɔ, do we owinɔ kɛ wa tɛ zele mi ni na, ngangga ni, tabi do 'do, nɛ nɛ ɔ sɛ nɛ mi ni. Nɛ nde mi tɔ̃̀ gɛ na, nɛ hɔ Owi bɔlɔkɔ nɛ́ mi ni gɔ!”

1 KORINTƐ 4:8

Nɛ lengge na, nɛ kpa mɛnɔ vɛ́, nɛ nɛ hɔa owi kpamɔ ia nde? Lɛ a onwa gɔ, nɛ nɛ lengge na, nɛ hɔa onwa nde? Kɔ mi kɔ̃a sɔ na, nɛ hɔ onwa, takɔ lɛ dungu tɛ mɛ 'bɔ nwa fala nɛ kpo do nɛ!

2 KORINTƐ 11:1

Mi aka nɛ na, nɛ é mi, kɔ mi wele mbe we nɛ́ wi bɔ ni. Nɛ kɔ̃, nɛ nɛ kúnú sila nɛ ngɔ mi kpa.

Mbulanɔ 28:67

'Da fala nɛ zɔ sɛ mɛnɔ kɛ ma la ni, nɛ sila nɛ ma dunu sɛ do kili. Do titole kpo kpo, nɛ nɛ 'bã sɛ gɛ̃a wese. Nɛ do gɛ̃a wese kpo kpo, nɛ nɛ 'bã titole.

Mbulanɔ 8:3

A dɛa zi na, tɛ nɛ zɛlɛ, nɛ wɔ ba nɛ. Nɛ 'do nɛ, nɛ a hã mana hã nɛ. Mana ni a nyɔngɔmɔ kɛ nɛ nyɔngɔ zi mbe kuti nɛ gɔ, nɛ oyaa nɛ wa nyɔngɔ 'bɔ kuti nɛ gɔ. Na mɛ ni, a bia zi hã nɛ na, wele kpásá tati a we nyɔngɔmɔ ngɔ nùi gɛ iko gɔ. Nɛ nde a wia tɛ kpasa we duzu lɛnggɛ kɛ Gale wele ni.

Yozue 7:7

Nɛ Yozue ma ngɔ sambala Gale do nga gɛlɛ na: “Aa NWA Gale! Gulu kɛ mɔ dɛa na, lɛ kũ dɛ kulu lì Yɔrdanɛ nga we ge nde? Mɔ dɛa ni takɔ mɔ 'dɔlɔ lɛ hã Oamori na, wa gbɛ lɛ nde? Ma dia sɔ fɛ̃ na, lɛ 'bana dɛ kulu lì 'di.