Kulu Tɔa 15:3 - WE NU GALE 1995

³ Aa NWA Gale, mɔ a nwa bolo, wa ia li mɔ na NWA do gbãlã we.

Kulu Tɔa 15:3 Iomraidhean Croise

Zumanɔ 24:8

Gã Nwa ni a wio nde? Wi a NWA Gale. A a NWA kɛ a do nganda vɛ̃, nɛ a a Nwa bolo.

Kulu Tɔa 14:14

NWA a bi sɛ bolo olo li nɛ, nɛ nɛ dɛ́ sɛ mɔ kpo gɔ.”

Ezai 42:8

“Mi zu mi kpo a NWA Gale 'da mɔ. Mi kɔ̃̀ na, ogele galenɔ do okpikimanɔ, wa kpa dɔ̃lɔ̃ li kɛ ma wia do mi ni gɔ.

Zumanɔ 83:18

E kɔ wa tana kili 'da fala fai, nɛ wa fe do sape.

Zumanɔ 45:3

Mɔ dia zagbãlã nɛa ngɔ owinɔ vɛ̃, nɛ mɔ ĩ ti wele dia lɛnggɛ do bɔlɔ nɛ. Gale wele nu ɛ tɛ mɔ kɔ sabɛlɛ do sabɛlɛ.

Kulu Tɔa 3:15

Nɛ mɔ tɔ̃ 'bɔ na, wi a mi NWA hã mi tumba mɔ hã wa. Mi a Gale kɛ oyaa wa wa dɔnggɔ zɛ́ mi. Mi a Gale 'da Abrahama, Izaka do Yakɔbɔ. Li mi sɛ pii a NWA. Nɛ 'da fala vɛ̃, owinɔ wa sa sɛ li mi ní.

Kulu Tɔa 3:13

Nɛ Mɔizɛ na: “Kɔ mi nɛ sɛ, nɛ mi kpa obe Israɛlɛ, nɛ mi tɔ̃ hã wa na, Gale kɛ oyaa wa wa dɔnggɔ zɛ́ a ni, a tumba mi hã wa. Kɔ wa aka mi we li mɔ, nɛ mi gese sɛ hã wa na ge nde?”

Ezai 42:13

NWA kulu ngɔ we nɛ bolo, a gɔ nɔ ɔ nɛ nga soda ni. A he hiamɔ bolo, nɛ a be ngawi 'da a hã owi sɛnɛ a.

Yeremi 33:2

NWA Gale kɛ wa sa li a na NWA, nɛ a a dɛa nùi do mɛnɔ ngɔ nɛ, nɛ a e mɔ kpo kpo do fala 'dɛ ɛ ni, a tɔ̃a hã mi na:

Kulu Tɔa 3:14

Nɛ Gale gese hã Mɔizɛ na: “MI A WI KƐ MI BOE FAI. Mɔ hɔ 'di mɔ, nɛ mɔ tɔ̃ hã obe Israɛlɛ na, MI BOE FAI tumba mɔ hã wa.

Kulu Tɔa 14:25

A dɛa na, kolo nyanga ngilingilinɔ 'da wa le nù, nɛ ma la zãa. Oezipeto wa nɛa we zɔ ní, nɛ wa zɛ nu wa na: “Lɛ yú, hã lɛ nyɛlɛ do obe Israɛlɛ, we kɛ NWA Gale tɛ bi bolo do lɛ zu wa.”