Kulu Tɔa 13:3 - WE NU GALE 1995

³ Nɛ Mɔizɛ tɔ̃ hã obe Israɛlɛ na: “Ta zu nɛ tɛ èlè ngɔ kɔ̃ tũi gɛ gɔ! Mɛ a kɔ̃ tũ kɛ NWA Gale, a fua nɛ kɔ ngbá tɛ ngɔ nù Ezipeto do ngawi 'da a kɛ ma nɛa ngɔ mɛnɔ vɛ̃ ni. Fala kɛ nɛ dungu ɛngga we lengge kɔ̃ tũi ni, nɛ nɛ nyɔngɔ mapa kɛ wa à ina hana mapa tɛ nɛ gɔ ni.

Kulu Tɔa 13:3 Iomraidhean Croise

Ndo Nyanga Dɛ Mɔ 15:16

Nɛ nde obe zã mɔ, wa ɔ sɛ i mɔ gbaa, hã wa kala okanggadɔkɔ wa, sɛ nɛ wa ĩ ti kpolo tɛ wa dɛ i nga de. We duzu kɛ 'dã mɛ 'da Oamori ma tɛ gã̀ wena do kɛ na, mi ndaka wa ngɔ nùi 'da wa gɔ.”

1 Sakonɔ 16:12

Nɛ, obe zã Israɛlɛ, wi dɛa toe 'da Gale kɛ nɛ 'bɔ a obenɔ 'da Yakɔbɔ, kɛ Gale saka nɛ ni, nɛ lénggé ɔngbamɛnɔ kɛ Gale dɛa ni, do 'bili wenɔ kɛ a 'bili zi ni.

NEHEMIE 1:10

“Aa NWA, lɛ a wi tonɔ 'da mɔ, nɛ lɛ a owinɔ 'da mɔ! Mɔ zi a mɔ gɔnɔ lɛ kɔ ngbá do ngawi 'da mɔ kɛ ndɔti nɛ bina.

NEHEMIE 9:10

Mɔ dɛa zi ogba sɔ̃ mɔ we hã ngamɔ hã nwa ngɔ nù Ezipeto, do owi olo li a, do owinɔ ngɔ nùi 'da a vɛ̃, we kɛ mɔ ĩ ti tɛlɛ tɛ kɛ Oezipeto, wa zɛlɛ zi tɛ oyaa lɛ do ngatɛ 'da wa ni. Nɛ nde gã dɔ̃lɔ̃ li 'da mɔ bia tɛ̃ ɛ, nɛ ma 'bana 'bɔ be tɛ̃ ɛ ni, tia do sɔɛ gɛ.

Zumanɔ 105:5

Nɛ, obe zã Abrahama, wi dɛa toe 'da Gale, kɛ nɛ 'bɔ a obenɔ 'da Yakɔbɔ, kɛ Gale saka nɛ ni, nɛ lénggé ɔngbamɛnɔ kɛ Gale dɛa ni, do 'bili wenɔ kɛ a 'bili zi ni.

Zumanɔ 114:1

Obe Israɛlɛ, be zã Yakɔbɔ, wa zi a ngɔ nù Ezipeto, kɔ wa la ngɔ gele nùi ni do'do,

Zumanɔ 136:11

A fua zi obe Israɛlɛ ngɔ nù Ezipeto, kɔ̃a zã 'da a do ndɔti nɛ bina.

Zumanɔ 136:12

A dɛa ní do ngawi 'da a, nɛ gɛlɛ kɔ́ a si ngɔ, kɔ̃a zã 'da a do ndɔti nɛ bina.

Zumanɔ 89:14

Mɔ nganda wena, ngawi 'da mɔ la mɔ vɛ̃.

Kulu Tɔa 12:15

NWA tɔ̃a 'bɔ na: “'Do tũ sambo, nɛ nyɔngɔ sɛ tati a mapa kɛ wa à ina hana mapa tɛ nɛ gɔ ni. Ndo do kuti tũ ɛngga ni gbaa we hɔ ndɔti nɛ, ma wè na, nɛ e ina kɛ ma hana mapa ni kɔ tɔanɔ 'da nɛ gɔ. Fala kɛ kɔ̃ tũnɔ ni, hã wele kpo sanga nɛ nyɔngɔ mapa kɛ wa a ina hana mapa tɛ nɛ ni, nɛ wa ndaka sɛ a kɔ obe Israɛlɛ do'do.

Kulu Tɔa 12:17

“Kɔ sabɛlɛ do sabɛlɛ, fala kɛ ma hɔ kɔ̃ tũi kɛ mi fua do nɛ kɔ ngbá ngɔ nù Ezipeto ni, nɛ nɛ dungu sɛ ɛngga we lengge do ma. Nɛ 'da fala ɛngga ni, nɛ nyɔngɔ sɛ mapa kɛ wa à ina hana mapa tɛ nɛ gɔ ni. Nɛ nɛ tɛ gbìnì mbula gɛ gɔ.

Kulu Tɔa 12:19

Nɛ kɔ tũnɔ sambo ni, nɛ é sɛ ina kɛ ma hana mapa kɔ tɔanɔ 'da nɛ gɔ. Fala kɛ be Israɛlɛ tabi gele wi kpo a nyɔngɔ mɔ kɛ wa a ina hana mapa tɛ nɛ ni, nɛ wa ndaka sɛ a kɔ obe Israɛlɛ do'do.

Kulu Tɔa 12:2

“Ma wia na, zɛkɛ zu lɛ gɛ, ma ɔ do ndo nyanga sabɛlɛ we duzu nɛ. Nɛ mɛ sɛ a kuti zɛkɛ kɔ sabɛlɛ 'da nɛ.

Kulu Tɔa 12:41

Wa hɔa ndɔti sabɛlɛ ɔi 'da wa tɛ Ezipeto, nɛ NWA dɛa na, wa vɛ̃ wa hɔ nza ngɔ nù Ezipeto do 'da ngɔ gili wa.

Kulu Tɔa 12:42

Ɔ nɛ kɛ do tũi ni, NWA zi tɛ dɛ na obe Israɛlɛ wa hɔ nza ngɔ nù Ezipeto, nɛ a zɔa zi mɔ tɛ wa do tũi ni vɛ̃ ni, ma wia ta 'bɔ na, kɔ sabɛlɛ do sabɛlɛ, fala kɛ ma hɔ kɔ̃ tũi ni, nɛ obe Israɛlɛ wa tɛ ɔ̃ yala gɔ. Mba gɔ, mɛ a kɔ̃ tũ kɛ wa ia ma hã NWA Gale, we dɔnggɔ do a.

Kulu Tɔa 12:8

Nɛ wa dɔ sɛ mulu sa'de nyɔɔ, hã tũi tũ, nɛ wa nyɔngɔ ma do onwá Sanggo kɛ ma a fã, do mapa kɛ wa à ina hana mapa tɛ nɛ gɔ ni.

Kulu Tɔa 13:14

Hã fala kɛ do 'do, hã obenɔ 'da nɛ wa aka nɛ na, nɛ dɛ ni we ge nde? Nɛ nɛ gese sɛ hã wa na, NWA do ngawi 'da a, kɛ ma nɛa ngɔ mɛnɔ vɛ̃ ni, a fua zi lo kɔ ngbá tɛ ngɔ nù Ezipeto.

Kulu Tɔa 13:9

Nɛ ɛngga ni, ma ɔ sɛ nɛ mɔ kɛ wa ɛnzɛ dɛ tɛ 'baka nɛ, tabi dɛ tɛ zu nɛ na, ma gba ta zu nɛ ngɔ mbula 'da NWA, nɛ nɛ lengge ma fai, we kɛ a fua nɛ ngɔ nù Ezipeto do ngawi 'da a, kɛ ma nɛa ngɔ mɛnɔ vɛ̃ ni.

Kulu Tɔa 20:2

“Mi a NWA Gale 'da mɔ, mi a mi fua mɔ kɔ ngbá ngɔ nù Ezipeto.

Kulu Tɔa 20:8

“Mɔ lénggé do kɔ̃ tũ ɔmɔ tɛ wi, nɛ mɔ e ma hã mi.

Kulu Tɔa 23:15

Kuti ɛngga kɛ nɛ dungu sɛ ma, mɛ a ɛngga Nyɔngɔ Mapa kɛ wa à ina hana mapa tɛ nɛ gɔ. Ɛngga ni, nɛ dungu sɛ 'do tũnɔ sambo kɛ nɛ ia we nɛ ni, ma sɛ do zɛkɛ 'da kpo tabi zɛkɛ Abibɛ. Tua kɛ nɛ hɔa zi nza Ezipeto do zɛkɛ ni. Do 'da fala ɛngga ni, nɛ dɛ sɛ ɔ nɛ kɛ mi ba do nu mi hã nɛ gɛ: Nɛ nyɔngɔ sɛ mapa kɛ wa à ina hana mapa tɛ nɛ gɔ ni. Nɛ nɛ́ sɛ tɛ fala dɔnggɔ do mi do wila kɔ̃ nɛ gɔ, nɛ tɛ sɛ do mɔ we dɔnggɔ do mi.

Kulu Tɔa 3:20

We duzu ma, mi be sɛ kɔ̃ mi li a, nɛ mi dɛ sɛ oɔngbamɔ kpi do kpi ngɔ nùi 'da a we zɛlɛ tɛ wa. 'Do nɛ, nɛ a e sɛ nɛ na nɛ la.

Kulu Tɔa 34:18

Do zɛkɛ 'da kpo tabi zɛkɛ Abibɛ, nɛ dungu sɛ ɛngga Nyɔngɔ Mapa kɛ wa à ina hana mapa tɛ nɛ gɔ ni. Ɛngga ni, nɛ dungu sɛ ma 'do tũnɔ sambo kɛ nɛ ia we nɛ ni, nɛ do 'da fala nɛ, nɛ nyɔngɔ sɛ mapa kɛ wa à ina hana mapa tɛ nɛ gɔ ni, ɔ nɛ kɛ mi tɔ́a hã nɛ ni. Nɛ dungu sɛ ɛngga ni do zɛkɛ Abibɛ, tua kɛ nɛ hɔa zi nza Ezipeto do zɛkɛ ni.

Kulu Tɔa 6:1

Nɛ NWA Gale gese hã Mɔizɛ na: “Di ngangga ni, mɔ zɔ sɛ mɛ kɛ mi nɛ dɛ do nwa ngɔ nù Ezipeto ni. Nɛ mi ngbɔkɔ sɛ a do ngawi 'da mi, takɔ a e obe Israɛlɛ ni, hã wa la. Mi ngbɔkɔ sɛ a do ngawi 'da mi, nɛ a ndaka sɛ obe Israɛlɛ ngɔ nùi 'da a do'do.”

Kulu Tɔa 6:6

Kɔ mɔ nɛ́, hã mɔ gba nu toe gɛ hã obe Israɛlɛ na: Mi a NWA, mi fo sɛ nɛ li onga dɛa tonɔ wa hã ma hã nɛ ni. Nɛ mi fo sɛ 'bɔ nɛ kɔ ngbá ti kɔ̃ Oezipeto. Mi be sɛ ngawi 'da mi kɛ ma nɛa ngɔ mɔ vɛ̃ ni, nɛ mi hã sɛ etumbu hã Oezipeto, nɛ mi fo sɛ nɛ ti kɔ̃ wa.

Kulu Tɔa 6:7

Mi dɛ sɛ na, nɛ hɔ owinɔ 'da mi, nɛ mi sɛ a Gale 'da nɛ. 'Da fala kɛ mi fo sɛ nɛ li onga dɛa tonɔ ngɔ nù Ezipeto ni, nɛ nɛ ĩ sɛ na, mi a NWA Gale 'da nɛ.

Kulu Tɔa 7:4

A zélé sɛ nu nɛ gɔ. Nɛ do ngawi 'da mi, mi hã sɛ nga etumbu hã Oezipeto. 'Do nɛ, nɛ mi fo sɛ owinɔ 'da mi, obe Israɛlɛ ngɔ nùi ni do dia nɛ.

Yeremi 34:13

“Mi gba zi tɔkɔ do oyaa nɛ, 'da fala mi fua zi wa kɔ ngbá tɛ ngɔ nù Ezipeto i ni.

DANIƐLƐ 9:15

“Aa NWA Gale 'da lɛ, mɔ bia zɛ́ ngawi 'da mɔ ngɔ nù Ezipeto, nɛ mɔ fua owinɔ 'da mɔ ngɔ nùi ni do'do, nɛ li mɔ 'bana dɔ̃lɔ̃ we nɛ tia do sɔɛ gɛ. Hã mɔ zɔ̃, lɛ bɛ̃a we nu mɔ, nɛ lɛ dɛa 'dã mɔ.

MATIE 10:12

Fala kɛ nɛ le kɔ tɔa mɔ́ wele, nɛ nɛ tɔ̃́ na: ‘E kɔ nɛ kpa dungu fio!’

LUKA 22:19

'Do nɛ, nɛ a ba mapa, nɛ a hã iɔ̃nae hã Gale, nɛ a gbini sanga nɛ, nɛ a kɛ̃ ma hã Owi yambala mɛnɔ. Nɛ a tɔ̃ hã wa na: “Kɛ gɛ a kili tɛ mi, [kɛ mi hã ma we duzu nɛ. Nɛ dɛ́ sɛ na mɛ ni fai, we lengge do mi.”

1 KORINTƐ 11:24

nɛ a hã iɔ̃nae hã Gale, nɛ a gbini sanga nɛ, nɛ a na: “Kɛ gɛ a kili tɛ mi, kɛ mi 'dɔlɔ ma hã nɛ ni. Kɔ nɛ dɛ́ ni fai we lengge do mi.”

1 KORINTƐ 5:8

Na mɛ ni, lɛ nɛ dungu ɛngga, nɛ lɛ fó 'dã mɔ do mɔ sape sanga lɛ, ɔ nɛ kɛ wa da do ã ina hana mapa nù ni, nɛ lɛ ɔ́ sa nɛ mapa kɛ wa à ina hana mapa tɛ nɛ gɔ ni, nɛ lɛ dɛ bɔlɔ zu dɛa mɔ.

EFƐZƐ 1:19

Nɛ nɛ ĩ 'bɔ ti ngawi 'da a kɛ ma nɛa ngɔ mɛnɔ vɛ, nɛ a fɔmɔ do lɛ owinɔ kɛ lɛ kɔ̃a zu li a ni.

Mbulanɔ 13:10

nɛ mɔ tɛ dà'bà tɛ mɔ gɔ, mɔ gbɛ́ a. Mɔ kala sɛ ta, nɛ mɔ lo do wi kɛ a fa we ɔlɔ mɔ ni dati. Nɛ 'do nɛ, sɛ nɛ tala winɔ wa ma ngɔ lo a de.

Mbulanɔ 13:11

Nɛ lo a do tanɔ gbaa, nɛ a fe, we kɛ a fa na, nɛ siki 'do nɛ hã NWA Gale, kɛ a fua nɛ kɔ ngbá ti kɔ̃ Oezipeto ni.

Mbulanɔ 13:5

Nɛ hã dɔ̃lɔ̃ li tati nɛ hã NWA Gale 'da nɛ iko. Nɛ dɔ́nggɔ́ a, nɛ nɛ zele ombulanɔ 'da a do dia nɛ. Nɛ zélé a, nɛ nɛ dɛ to hã a, nɛ nɛ hã sila nɛ vɛ̃ hã a zu a kpo.

Mbulanɔ 13:6

Ma wia na, nɛ gbɛ wi gba olo nu Gale do bɛlɛ, tabi wi kɛ a tɔ̃ na, Gale bia mɔ li ɛ li yalɛ, kɔ a ngbɔkɔ nɛ na, nɛ siki 'do nɛ hã Gale ni. We kɛ NWA a Gale kɛ a fua nɛ kɔ ngbá ti kɔ̃ Oezipeto. Ma kɛ ma wia na, nɛ gbɛ wi kɛ a fa we fo nɛ li wala kɛ NWA ba nu a hã nɛ na, nɛ ba do ma ni. Nɛ dɛ na mɛ ni, nɛ nɛ fo sɛ 'dã mɔ sanga nɛ do'do.

Mbulanɔ 15:15

Mba gɔ, tɛ nɛ tɛ èlè ngɔ kɛ na, nɛ zi a ngbá ngɔ nu Ezipeto, nɛ nwa fua nɛ kɔ nɛ ni gɔ. We duzu ki ni, ma kɛ mi hã mbula gɛ hã nɛ sɔɛ gɛ ni.

Mbulanɔ 16:1

“Ma hɔ kɔ zɛkɛ 'da kpo, tabi zɛkɛ Abibɛ, nɛ tɛ nɛ tɛ èlè ngɔ dungu ɛngga Hɔ Nza kɔ Ngbá gɔ. Nɛ dungu ɛngga ni we dɔnggɔ NWA Gale 'da nɛ. Mba gɔ, a fua zi nɛ kɔ ngbá tɛ ngɔ nù Ezipeto i do kɔ zɛkɛ ni, do tũ.

Mbulanɔ 16:12

Nɛ dɛ́ mbulanɔ gɛ vɛ̃, nɛ ta zu nɛ tɛ èlè na, nɛ zi a ongbá tɛ ngɔ nù Ezipeto i ni gɔ.

Mbulanɔ 16:3

“'Da fala ɛngga ni, nɛ nɛ nyɔngɔ sɛ mapa, kɛ wa à ina hana mapa tɛ nɛ gɔ ni. Ki ni mɛ a mapa 'bako, nɛ nyɔngɔ sɛ ma 'do tũ sambo. Nɛ dɛ sɛ na mɛ ni, takɔ ma be tɛlɛ tɛ gbɛngɛ tɛ kɛ nɛ hɔa zi do nza ngɔ nù Ezipeto ni. Nɛ nyɔngɔ sɛ mapa 'bakoe ni, nɛ tɛ nɛ ma gba sɛ ngɔ kɔ̃ tũi nɛ hɔa zi nɛ nza ngɔ nù Ezipeto, nɛ nɛ kpa zi do ngamɛnɔ wena ni.

Mbulanɔ 24:18

Nɛ zi a ongbá tɛ ngɔ nù Ezipeto, nɛ NWA Gale 'da nɛ, a fua zi nɛ dɛ nza, dɔ tɛ nɛ élé ngɔ nɛ gɔ. We duzu ki ni, ma kɛ mi hã ombulanɔ gɛ hã nɛ ni.

Mbulanɔ 24:22

Nɛ zi a ongbá tɛ ngɔ nù Ezipeto, da dɛ kɔ tɛ nɛ élé ngɔ nɛ fala kpo gɔ. We duzu ki ni, ma kɛ mi hã mbulanɔ gɛ hã nɛ ni.

Mbulanɔ 26:8

Nɛ mɔ fua lɛ ngɔ nù Ezipeto dɛ nza do ngawi 'da mɔ, kɛ ma nɛa ngɔ mɔ vɛ̃ ni. Mɔ dɛa ogba sɔ̃ mɔ do oɔngbamɔ, do omɔ kɛ ma hã kili hã wele ni.

Mbulanɔ 4:34

Tabi, mbé gele gale, kɛ a fua owinɔ 'da a ti mbula 'da ogele wele, nɛ a kala wa do winɔ 'da a ɔ nɛ wele kɛ 'da nɛ dɛa zi do nɛ tɛ Ezipeto i ni boe nde? A dɛa ogba sɔ mɔ do oɔngbamɔ, nɛ a bia ngawi 'da a dɛ li nɛ vɛ̃. Fo mbé gele gale ɔ nɛ a ni bina. Nɛ nde NWA Gale 'da nɛ a fua zi nɛ kɔ ngbá tɛ Ezipeto i, ɔ nɛ kɛ nɛ zɔa zi do li nɛ ni.

Mbulanɔ 5:15

Dɔ tɛ zu mɔ élé gɔ, mɔ zi a ngbá tɛ ngɔ nù Ezipeto, nɛ mi fua mɔ dɛ nza do ngawi 'da mi, kɛ ma la mɔ vɛ̃ ni. Ma kɛ mi NWA Gale 'da mɔ, mi ba nu mi hã mɔ na, mɔ dungu ɛngga do kɔ tũ ɔmɔ tɛ wi ni.

Mbulanɔ 5:6

‘Mi a NWA Gale 'da mɔ, mi a mi fua mɔ kɔ ngbá ngɔ nù Ezipeto.

Mbulanɔ 6:12

Fala kɛ nɛ zɔ na mɛ ni, nɛ nɛ dɛ nganda na, da dɛ kɔ tɛ nɛ élé ngɔ NWA, kɛ a fua zi nɛ kɔ ngbá tɛ ngɔ nù Ezipeto ni gɔ.

Mbulanɔ 6:21

Nɛ nɛ gese sɛ hã wa na: ‘Lɛ zi a kɔ ngbá ti nwa ngɔ nù Ezipeto. Nɛ NWA Gale fua lɛ ngɔ nùi ni dɛ nza, do ngawi 'da a kɛ ma nɛa ngɔ mɛnɔ vɛ̃ ni.

Mbulanɔ 7:8

Nɛ nde nwa kɔ̃a gɛnɛ nɛ, nɛ a dɛa olo mbuli kɛ a kpua zi hã oyaa nɛ ni. Ma kɛ a fua zi nɛ ngɔ nù Ezipeto do ngawi 'da a kɛ ma nɛa ngɔ mɛnɔ vɛ̃. Nɛ a kpasa nɛ ti kɔ̃ nwa ngɔ nùi ni.

Mbulanɔ 8:14

Nɛ nde fala kɛ ma dɛ tɛ̃ ɛ na mɛ ni, nɛ li nɛ sɔ̃́, da dɛ kɔ zu nɛ gã́, kɔ nɛ siki 'do nɛ hã NWA Gale 'da nɛ gɔ. A hã a fua zi nɛ kɔ ngbá ngɔ nù Ezipeto dɛ nza.

Mbulanɔ 9:12

“Nɛ a tɔ̃ hã mi na: ‘Mɔ zĩlĩ kala dɔ̃, we kɛ owinɔ mɔ fua wa ngɔ nù Ezipeto dɛ nza gɛ, wa dɛa gã 'dã mɔ. Wa gbini mbula kɛ mi ba hã wa ni do'do. Wa gi mɔ mbali, nɛ wa dɛa do kpikima be wili ngɔmbɔ.’

Yozue 24:17

NWA Gale a a Gale 'da lɛ. A kpasa obaa lɛ kɔ ngbá tɛ Ezipeto i, nɛ lɛ ĩ ti ogã ɔngbamɛnɔ kɛ a dɛa ni. Lɛ la do ngɔ nù 'da ogele winɔ, nɛ NWA Gale zɔa mɔ tɛ lɛ falanɔ vɛ̃ kɛ lɛ la nɛ ni.

Owi kpe dati 2:12

Wa bɛ̃a gɛnɛ NWA Gale 'da oyaa wa, kɛ a fua zi wa kɔ ngbá ngɔ nù Ezipeto i ni, nɛ wa gu nù ti gele galenɔ 'da winɔ kɛ zã wa ni, nɛ wa dɔnggɔ wa, nɛ ma nɔ̃lɔ̃ zã nwa dɛ tɛ wa.

Owi kpe dati 6:8

nɛ nwa tumba mbe wi gba olo nu a hã wa, nɛ a tɔ̃ hã wa na: “Nɛ zélé we nu NWA Gale kɛ a tɔ̃ hã nɛ obe Israɛlɛ gɛ. A na: ‘Mi kala zi nɛ ngɔ nù Ezipeto 'da fala kɛ nɛ zi a kɔ ngbá, nɛ mi fua nɛ dɛ nza.