Kulu Tɔa 13:2 - WE NU GALE 1995

² “Nɛ la sɛ Okuti bulu be Israɛlɛ vɛ̃ hã mi we dɔnggɔ do mi. We kɛ Okuti bulu benɔ 'da nɛ, obe Israɛlɛ, do Okuti be wili sa'denɔ 'da nɛ, wele wa a mɔ́ mi.”

Kulu Tɔa 13:2 Iomraidhean Croise

NEHEMIE 10:36

Nɛ sabɛlɛ kpo kpo, lɛ nɛ sɛ 'bɔ do kuti kpalɛ li fɔnɔ, do kuti wala tenɔ 'da lɛ we hã ma hã onganganɔ kɔ Tɛmpɛloe.

NEHEMIE 10:37

Nɛ lɛ nɛ sɛ 'bɔ do Okuti bulu benɔ kɛ lɛ kua wa ni, do Okuti be nadalamɛnɔ 'da lɛ, nɛ lɛ e sɛ wa hã Gale, ɔ nɛ kɛ mbula tɔ̃a ni. Lɛ nɛ sɛ do Okuti be ngɔmbɔ, do bata, do dua, nɛ lɛ kala wa hã onganganɔ kɛ wa de toe kɔ Tɛmpɛlo 'da Gale 'da lɛ ni.

Kulu Tɔa 13:1

NWA tɔ̃a hã Mɔizɛ na:

Kulu Tɔa 22:28

Okuti kpalɛnɔ, do dɔ̃nɔ, tabi nɔ kɛ nɛ e ma hã mi ni, ma wia na, nɛ hã do dɔnggamɔ hã mi dɔ̃, nɛ nɛ tɛ zĩ̀ tɛ nɛ zĩ gɔ. Nɛ e sɛ Okuti bulu benɔ 'da nɛ hã mi.

Kulu Tɔa 23:19

“Nɛ tɛ sɛ do Okuti kpalɛ li fɔnɔ 'da nɛ tɛ fala nɛ dɔnggɔ do mi ni, nɛ nɛ dɔnggɔ sɛ ma do mi, tua kɛ mi a NWA Gale 'da nɛ. Nɛ mi kɔ̃̀ na, nɛ gi be dua do li bele naa a gɔ.”

Kulu Tɔa 4:22

Do fala ni, nɛ mɔ tɔ̃ sɛ hã a na: NWA Gale tɔ̃a na, nu kpala Israɛlɛ a kuti bulu be 'dɛ ɛ.

EZEKIƐLƐ 16:20

“Mɔ kala 'bɔ obulu benɔ do oboko benɔ mɔ kua wa hã mi ni, nɛ mɔ gbɛ wa we dɔnggɔ do okpikimanɔ ni. Mɔ hã tɛ mɔ we dɛ ndumba, nɛ ma gɛ sila mɔ gɔ nde?

EZEKIƐLƐ 16:21

Ma wia 'bɔ na, mɔ 'bili gɛlɛ obenɔ 'da mɔ we dɔnggɔ do kpikimanɔ nde?

Levitɛnɔ 27:26

“Kuti be sa'de kɛ wa kua a, ɔ nɛ be ngɔmbɔ, tabi be dua, tabi be bata, wele nɛ fai a mɔ́ NWA. Na mɛ ni, wele kpo wè tɛ hã kuti sa'denɔ ni do dɔnggamɔ hã NWA do kɔ sila a iko gɔ.

Tɔlɔ Mɔ 18:15

“Kuti bulu benɔ tabi kuti be wili sa'denɔ kɛ obe Israɛlɛ wa tɛ do wa hã mi ni, wele wa 'bɔ a mɔ́ nɛ. Nɛ nde ma wia na, nɛ gɔnɔ zu kuti bulu benɔ vɛ̃, do kuti be wili sa'de kɛ a a sa li mi gɔ ni.

Tɔlɔ Mɔ 3:12

“Wi a mi hã mi saka levitɛnɔ kɔ tala gele obe Israɛlɛ vɛ̃. Wa dɛ sɛ to hã mi olo li kuti benɔ 'da obe Israɛlɛ.

Tɔlɔ Mɔ 3:13

Mba gɔ, ngba soe mi gbɛa zi do kuti bulu benɔ 'da Oezipeto ni, nɛ mi la zi kuti bulu benɔ 'da obe Israɛlɛ, do kuti be wili nadalamɛnɔ 'da wa. Na mɛ ni, wele wa a mɔ́ mi. Mi a NWA!”

LUKA 2:23

Mba gɔ, wa kɔmɔ kɔ 'buku mbula na: “Nɛ la sɛ Okuti bulu be Israɛlɛ vɛ̃ hã mi we dɔnggɔ do mi.”

Mbulanɔ 15:19

“Nɛ e sɛ kuti be wili ngɔmbɔnɔ, do batanɔ do duanɔ 'da nɛ hã NWA Gale 'da nɛ. We duzu ki ni, ma wè na, nɛ e kuti be wili ngɔmbɔ li dɛa to gɔ, nɛ nɛ tɛ kɛlɛ sala tɛ kuti be wili bata gɔ.

OHEBRE 12:23

Nɛ nɛ lia kɔ gbalimɛ 'da okuti benɔ 'da Gale, kɛ a kɔma li wa kɔ 'buki 'da a li nza i ni. Nɛ kɔla do Gale, kɛ a 'bili sɛ we 'da winɔ vɛ ni, nɛ nɛ kɔlɔ 'bɔ do hi winɔ kɛ zu wa a bɔlɔ, nɛ wa wia ngboo ni.