Kulu Tɔa 11:3 - WE NU GALE 1995

³ Ĩ na, NWA Gale dɛa zi na, Oezipeto wa ɔ do dia sila dɛ 'da obe Israɛlɛ. Nɛ wa do owi olo li nwa, wa dɔnggɔ zi 'bɔ Mɔizɛ wena.

Kulu Tɔa 11:3 Iomraidhean Croise

Ndo Nyanga Dɛ Mɔ 12:2

Mi dɛ sɛ na, obe zã mɔ wa dɛlɛ, nɛ wa hɔ gã nu kɔnggɔ wele. Nɛ mi wele sɛ 'bɔ nu mi tɛ mɔ na, sako li mɔ dɔ̃lɔ̃, nɛ tala gele winɔ wa kpa sɛ wila nu we duzu mɔ.

Ndo Nyanga Dɛ Mɔ 39:21

Nɛ nde kɔ bɔlɔkɔ mɔ ni, NWA zi 'bɔ fala nɛ kpo do a, nɛ a bia dia zã 'da a hã a. Ma kɛ gã wi ngɔ wi zɔ mɔ tɛ tɔa bɔlɔkɛ ni kɔ̃a gɛnɛ Yozɛfu wena.

2 SAMUƐLƐ 7:9

Mi zi fala nɛ kpo do mɔ kɔ mɛnɔ vɛ̃ mɔ dɛa ma ni, nɛ mi gbɛa owi sɛnɛ mɔ dati mɔ. Nɛ mi dɛ sɛ na, sako li mɔ dɔ̃lɔ̃ ɔ nɛ kɛ 'da ogã winɔ nù gɛ.

ƐSTƐRƐ 9:4

Wa ĩ zi na, Mardose do gã dɛa to kɔ tɔa nwa 'di, nɛ ngawi 'da a bia zi tɛ̃ ɛ kɔ 'bili tɛ nùnɔ 'da nwa vɛ̃. A a wi kɛ ngawi 'da a ngɔ ongba a ma gã gã dɛ dati pii.

Zumanɔ 106:46

Nɛ a dɛa na, owinɔ wa zɛlɛ tɛ winɔ 'da a ni, wa ĩ 'bako hã wa.

Kulu Tɔa 12:35

Obe Israɛlɛ wa nɛa zi 'da Oezipeto, nɛ wa gɔ otulu, do odia mɔ kɛ wa dɛa do mɔ mbali, tabi do fɛ̃a mɔ bolo ni, ɔ nɛ kɛ Mɔizɛ tɔ̃a zi hã wa ni.

Kulu Tɔa 12:36

Nɛ NWA Gale dɛa na, Oezipeto wa be dia sila dɛ 'da obe Israɛlɛ, nɛ wa hã mɛnɔ kɛ wa gɔa ni hã wa. Na mɛ ni, obe Israɛlɛ wa kala odia mɛnɔ 'da Oezipeto, nɛ wa la do ma.

Kulu Tɔa 3:21

Mi dɛ sɛ 'bɔ na, Oezipeto wa ɔ do dia zã dɛ 'da owinɔ 'da mɔ. Nɛ fala nɛ kulu sɛ ngɔ Ezipeto na nɛ la ni, nɛ nde nɛ lá sɛ do wila kɔ̃ nɛ gɔ.

Ezai 60:14

Owinɔ kɛ wa zɛlɛ zi tɛ nɛ ni, wa yu sɛ kili nɛ, nɛ wa bili sɛ zu wa nù, nɛ wa nɛ sɛ dɛ 'da nɛ. Nɛ owanɔ kɛ wa yɔndɔ zi sila nɛ ni, wa gu sɛ nù ti nɛ, nɛ wa dɔnggɔ nɛ. Nɛ wa sa sɛ li le 'da nɛ na: ‘Sioni, le 'da NWA,’ ‘Le 'da Gale Santo 'da obe Israɛlɛ.’

Owi Nɛ Tonɔ 7:22

Nɛ Mɔizɛ yambala mɛnɔ 'da Oezipeto vɛ̃. Nɛ dɛa to tɛ̃ a do wila we nu a ma be na, a sɔ̃ wena.

Mbulanɔ 34:10

Tɛ ngɔ nù Israɛlɛ ni, fo zi 'bɔ mbé wi gba olo nu Gale ɔ nɛ Mɔizɛ ni bina. NWA tɔ̃ zi lɛnggɛ do Mɔizɛ, ɔ nɛ kɛ wele tɔ̃ lɛnggɛ do ngba a ni.

Mbulanɔ 34:11

A tombo zi a, nɛ a dɛa ga oɔngbamɔ wena tɛ dati nwa ngɔ nù Ezipeto do owi olo li a, do owinɔ ngɔ nùi 'da a ni vɛ̃.

Yozue 4:14

Do ngba soe ni, nwa dɛa na, obe Israɛlɛ wa dɔnggɔ Yozue ɔ nɛ gã wi ni. Nɛ wa dɔnggɔ a ní kɔ dungu nza 'da a vɛ̃, ɔ nɛ kɛ wa dɔnggɔ zɛ́ do Mɔizɛ ni.

USU MƐNƆ 3:9

Kɔ nɛ zɔ́ mɛnɔ mi nɛ dɛ sɛ do gili winɔ 'da Satana, kɛ wa 'bili bɛlɛ, nɛ wa tɔ̃ na, lo a Oyuda, nɛ nde wa a Yuda gɔ ni. Mi ngbɔkɔ sɛ wa na, wa nɛ 'da nɛ i, nɛ wa gu gba zugolo dati nɛ, nɛ wa ĩ sɛ na, mi kɔ̃a gɛnɛ nɛ.