Kulu Tɔa 11:2 - WE NU GALE 1995

² Kɔ mɔ nɛ́, hã mɔ tɔ̃́ hã obe Israɛlɛ na, wi wili do wuko kpo kpo, wa gɔ́ odia mɔ kɛ wa dɛa do fɛ̃a mɔ bolo, tabi do mɔ mbali ni kɔ̃ Oezipeto, kɛ wa a ongba wa wi tɔa ni.”

Kulu Tɔa 11:2 Iomraidhean Croise

Ndo Nyanga Dɛ Mɔ 24:53

'Do nɛ, nɛ a fi kɔ̃ a kɔ tole 'da a, nɛ a kala otulu do omɔ 'dafa tɛ wi, kɛ wa dɛa ma do mɔ mbali do fɛ̃a mɔ bolo ní, nɛ a hã ma hã Rebɛka. Nɛ a hã 'bɔ omɔ olo gã gole hã nya a do naa a.

Ndo Nyanga Dɛ Mɔ 31:9

Wi a Gale a kala onadalamɛnɔ kɔ baa nɛ, hã a hã wa hã mi.

Zumanɔ 105:37

'Do nɛ, nɛ Gale kpia dati obe Israɛlɛ, nɛ wa kala mɔ mbali do fɛ̃a mɔ bolo kɔ̃ Oezipeto, nɛ wa hɔa nza ngɔ nùi ni, nɛ wa la do lɔa tɛ wa.

Zumanɔ 24:1

Zuma 'da Davidi NWA, mɔ a wele nyanga nza do mɛnɔ ngɔ nɛ vɛ̃. NWA, wele nùi do mɛnɔ ngɔ nɛ gɛ a mɔ́ mɔ.

Kulu Tɔa 3:21

Mi dɛ sɛ 'bɔ na, Oezipeto wa ɔ do dia zã dɛ 'da owinɔ 'da mɔ. Nɛ fala nɛ kulu sɛ ngɔ Ezipeto na nɛ la ni, nɛ nde nɛ lá sɛ do wila kɔ̃ nɛ gɔ.

Kulu Tɔa 3:22

Wuko Israɛlɛ kpo kpo, a gɔ sɛ tulu, do odia mɔ kɛ wa dɛa do fɛ̃a mɔ bolo, tabi do mɔ mbali ni kɔ̃ owuko Ezipeto vɛ̃, kɛ wa a ongba wa wi tɔa ni, nɛ wa kala ma kɔ̃ wa. Nɛ obulu benɔ, do oboko be Israɛlɛ, wa ba sɛ tolo omɛnɔ kɛ onaa wa wa gɔa ni, nɛ wa la sɛ do ma.”

Kulu Tɔa 32:24

Mi zila ni, nɛ mi tɔ̃ hã wa na, wa tɛ́ do mɔ mbali. Nɛ wa kala omɔ zala winɔ 'da wa, nɛ wa tɛ do nɛ hã mi. Nɛ mi gi ma, nɛ ma yeke, nɛ mi dɛ ma do kpikima be wili ngɔmbɛ mɔ zɔa a ni.”

Kulu Tɔa 35:22

Owi wilinɔ do owukonɔ kɛ wa do dia sila ni, wa tɛa do omɔ zala wi mɔ mbali, mɔ nu kɔ̃ wi, pɛtɛ, do omɔ gɛlɛ wi kpi do kpi, nɛ wa yaka ma dɛ dati NWA, nɛ wa dɔnggɔ do a.

GBA WENƆ 13:22

Wi dɛ de mɔ la dia mɔ hã nu fɛlɛ a. Nɛ nde wa hã sɛ kpamɔ mɔ 'dã wi hã wi bɔlɔ zu.

AZE 2:8

Mba gɔ, mɔ mbalinɔ do fɛ̃a mɔ bolonɔ ngɔ nù gɛ vɛ̃, wele nɛ a mɔ mi.

MATIE 20:15

Mi wè we dɛ do mbili 'da mi ɔ nɛ kɛ zã mi kɔ̃a ni gɔ nde? Tabi mɔ dɛ 'dã sila we duzu kɛ mi a dia wele ni nde?’ ”