Kulu Tɔa 11:1 - WE NU GALE 1995

¹ NWA Gale tɔ́a hã Mɔizɛ na: “Mi kɔ̃a we hã tala ngamɔ hã nwa ngɔ nù Ezipeto do owinɔ 'da a. Nɛ 'do nɛ, nɛ a e sɛ nɛ na nɛ la. A ndaka sɛ nɛ ngɔ nùi 'da a pii.

Kulu Tɔa 11:1 Iomraidhean Croise

Levitɛnɔ 26:21

“Kɔ fala kɛ nɛ 'bana tɛ mɛ tɛ dɛ nga zu hã mi, nɛ nɛ bɛ̃ we nu mi, nɛ mi gã sɛ 'bɔ 'da etumbu olo 'dã mɛ 'da nɛ fala sambo.

Ndo Nyanga Dɛ Mɔ 15:14

Nɛ mi hã sɛ etumbu hã owinɔ kɛ wa kala wa do ngbá ni. Nɛ obe zã mɔ wa kulu sɛ ngɔ kɔ le ni, nɛ wa si sɛ do gba gili kpamɔ wena.

Kulu Tɔa 9:14

Nɛ nde di ngangga ni, mi kana tɛ mi we hã ongamɔ kpi do kpi hã a, do owi olo li a, do owinɔ ngɔ nùi 'da a. Mi dɛ sɛ ni, takɔ a ĩ na, wele kpo ngɔ nù gɛ, kɛ a wia kɔ̃ do mi ni, a bina.

Kulu Tɔa 3:20

We duzu ma, mi be sɛ kɔ̃ mi li a, nɛ mi dɛ sɛ oɔngbamɔ kpi do kpi ngɔ nùi 'da a we zɛlɛ tɛ wa. 'Do nɛ, nɛ a e sɛ nɛ na nɛ la.

Mbulanɔ 4:34

Tabi, mbé gele gale, kɛ a fua owinɔ 'da a ti mbula 'da ogele wele, nɛ a kala wa do winɔ 'da a ɔ nɛ wele kɛ 'da nɛ dɛa zi do nɛ tɛ Ezipeto i ni boe nde? A dɛa ogba sɔ mɔ do oɔngbamɔ, nɛ a bia ngawi 'da a dɛ li nɛ vɛ̃. Fo mbé gele gale ɔ nɛ a ni bina. Nɛ nde NWA Gale 'da nɛ a fua zi nɛ kɔ ngbá tɛ Ezipeto i, ɔ nɛ kɛ nɛ zɔa zi do li nɛ ni.

USU MƐNƆ 16:9

Nɛ wese ma ngɔ to nganda wena, nɛ ma dɔa winɔ, nɛ winɔ wa ma ngɔ dã zu li Gale kɛ a do ngawi we tombo ngamɛnɔ ni. Gɛnɛ kɔ na mɛ ni, nɛ nde wa là fala 'dã mɛnɔ 'da wa we dɔnggɔ Gale gɔ.

YƆBƆ 10:17

Mɔ tombo otemɔɛ, nɛ wa tɔ̃ hã mɔ na, mi dɛa 'dã mɔ. Nɛ zã mɔ nɔ̃lɔ̃ dɛ tɛ mi nganda wena, nɛ mɔ lengge mbé ngamɔ, we hã ma hã mi hã fai iko.

1 SAMUƐLƐ 6:4

Ofilisti wa nɛa we zele ni, nɛ wa aka wa na: “Mɛ lɛ nɛ hã nɛ ni a ge nde?” Nɛ wa gese na: “Nɛ hã́ mɔ mbali kɛ ma be oyolenɔ ma gbala nɛ ni, do ozula mɔlɔ kɛ wa dɛa wa do mɔ mbali ni. Nɛ hã sɛ ma ni do 'da zu ogã wi ngɔ nɛ mɔlɔ ni. Mba gɔ, we kɛ kpo zɛlɛmɛ ni, ma ba zi nɛ vɛ̃ do Onwanɔ 'da nɛ mɔlɔ ni.

Kulu Tɔa 6:1

Nɛ NWA Gale gese hã Mɔizɛ na: “Di ngangga ni, mɔ zɔ sɛ mɛ kɛ mi nɛ dɛ do nwa ngɔ nù Ezipeto ni. Nɛ mi ngbɔkɔ sɛ a do ngawi 'da mi, takɔ a e obe Israɛlɛ ni, hã wa la. Mi ngbɔkɔ sɛ a do ngawi 'da mi, nɛ a ndaka sɛ obe Israɛlɛ ngɔ nùi 'da a do'do.”

Kulu Tɔa 12:29

Ma hɔa gbogbo zã tũi, nɛ NWA Gale gbɛa Okuti bulu benɔ 'da Oezipeto vɛ̃. Okuti bulu benɔ vɛ̃ wa fia, yolo ngɔ be 'da nwa ngɔ nù Ezipeto gbaa we hɔ ngɔ be 'da wi bɔlɔkɔ, mba do kuti be wili sa'denɔ.