Kulu Tɔa 10:3 - WE NU GALE 1995

³ Mɔizɛ do Aroni wa nɛa, nɛ wa kpa nwa ngɔ nù Ezipeto, nɛ wa tɔ̃ hã a na: “NWA Gale 'da obe Israɛlɛ aka mɔ na, mɔ 'bana tɛ bɛ̃ we nu ɛ pii nde? Ma wia na, mɔ e owinɔ 'dɛ ɛ ni, takɔ wa nɛ li gba zɔ̃ 'di, hã wa dungu ɛngga we dɔnggɔ do ɛ.

Kulu Tɔa 10:3 Iomraidhean Croise

1 Onwanɔ 18:21

nɛ Elia nɛ, nɛ a yolo dɛ dati winɔ vɛ̃, nɛ a na: “Nɛ nɛ 'do NWA Gale, nɛ nɛ nɛ 'bɔ 'do ogale bɛlɛnɔ, nɛ nɛ dɔnggɔ wa bɔa nɛ. Kɔ nɛ nɛ la fala dɛ ní soe ki nge nde? Tabi nwa a ngbongbo Gale, nɛ ma wia na, nɛ dɔnggɔ a, tabi ngbongbo Gale wi a Bala, nɛ nɛ dɔnggɔ a!” Nɛ wele kpo wèlè we gɔ.

1 Onwanɔ 21:29

“Mɔ zɔa tɛlɛ tɛ kɛ Akabɛ ba tɛ̃ ɛ dɛ nù dati mi ni gɔ nde? Kɔ we duzu ma, mi tómbó sɛ ngamɔ dɛ ngɔ nu fɛlɛ kuza 'da a do 'da fala a 'bana nza ni gɔ. Nɛ nde mi dɛ sɛ ma do 'da fala kɛ be 'da a a dungu sɛ nwa olo a ni.”

2 Onwanɔ 22:19

nɛ mɔ zila 'bɔ we mɛ kɛ mi dɛ sɛ do le Yeruzalɛmɛ, do winɔ kɔ nɛ ni vɛ̃. 'Bakoe kɛ Owi Yeruzalɛmɛ wa kpa sɛ ni, Owele wa zele sɛ we nɛ, nɛ kili ma ba sɛ wa wena. Fala kɛ wele kɔ̃ we fɔmbɔ mbe le nde, nɛ a e sɛ li Yeruzalɛmɛ kɔ fɔmba 'da a. Nɛ nde mɔ nwa, 'da fala kɛ mɔ zila wenɔ kɔ 'buki ni, nɛ mɔ ĩ ti 'dã mɛ 'da mɔ, nɛ sila mɔ 'bɔa, nɛ mɔ gbala ma hã mi, nɛ mɔ ɛ̃a tulu tɛ mɔ, nɛ mɔ hia kɔ̃a dati mi. We duzu kɛ mɔ dɛa na mɛ ni, mi zila sambala 'da mɔ, nɛ mi kɔ̃a gɛnɛ nɛ.

2 Sakonɔ 33:12

Nɛ 'da fala kɛ Manase kɔ ngamɛ ni, nɛ a ĩ ti 'dã mɛnɔ 'da a vɛ̃, nɛ a gbini sila a dati NWA Gale 'da oyaa a.

2 Sakonɔ 33:19

Nɛ wa kɔma 'bɔ tɛlɛ tɛ kɛ a sambala zi nɛ, do kɛ Gale gisa nu nɛ hã a ni. Nɛ wa kɔma 'bɔ we 'dã mɛnɔ kɛ a dɛa zi dɛ 'da Gale, do falanɔ kɛ a dɛa zi we dɔnggɔ do ogale bɛlɛnɔ, nɛ a zĩ okpikima gale Asera do ogele kpikimanɔ se'de dati kɛ na, a gbini sila a ngɔ 'dã mɛnɔ 'da a dati Gale ni. Mɛnɔ ni wa kɔma zi ma vɛ̃ kɔ 'buki li nɛ a: “Dɛa tonɔ 'da Hozai.”

2 Sakonɔ 34:27

Nɛ mɔ zila 'bɔ we mɛ kɛ mi dɛ sɛ do le Yeruzalɛmɛ do winɔ kɔ nɛ ni vɛ̃. Nɛ mɔ ĩ zi ti 'dã mɛ 'da mɔ, nɛ ma gbini sila mɔ, nɛ mɔ gbala ma hã mi, nɛ mɔ ɛ̃a tulu tɛ mɔ, nɛ mɔ hia kɔ̃a dati mi. We duzu kɛ mɔ dɛa ní ni, mi zila sambala 'da mɔ, nɛ mi kɔ̃a gɛnɛ nɛ.

2 Sakonɔ 7:14

Hã fala kɛ owinɔ 'da mi, kɛ mi ia li mi zu wa ni, wa ba tɛ wa dɛ nù, hã wa bɛ̃ gɛnɛ 'dã mɛnɔ 'da wa vɛ̃, hã wa kɔlɔ do mi, hã wa sambala mi, nɛ mi, kɛ mi dungu li nza i ni, mi gɛ sɛ zala mi we zele wa. Nɛ mi fo sɛ ku'da 'dã mɛnɔ zu wa, nɛ mi dɛ sɛ na, odia mɔ dɛlɛ ngɔ nùi 'da wa dɛ dati.

YƆBƆ 42:6

Nɛ sape ba li mi olo wenɔ vɛ̃ mi tɔ̃a ni, nɛ mi kpolo nu mi, nɛ mi te dɛ bulu nù, nɛ mi so bũ dɛ zu mi.

Kulu Tɔa 10:4

Fala kɛ mɔ bɛ̃, nɛ bindɛ, ɛ tombo sɛ odɔla ngɔ nùi 'da mɔ,

Kulu Tɔa 16:28

Nɛ NWA tɔ̃ hã Mɔizɛ na: “Nɛ 'bana bɛ̃ we nu mi pii nde?

Kulu Tɔa 4:23

Hã ɛ ba nu ɛ hã mɔ na, mɔ e a ni, takɔ a nɛ we gbɛ sa'de we dɔnggɔ do ɛ, nɛ mɔ bɛ̃a. Kɔ nɛ́ kɛ mɔ bɛ̃a ni, ɛ gbɛ sɛ kuti bulu be 'da mɔ.”

Kulu Tɔa 5:1

'Do nɛ, nɛ Mɔizɛ do Aroni wa nɛa, nɛ wa kpa nwa ngɔ nù Ezipeto, nɛ wa tɔ̃ hã a na: “NWA Gale 'da obe Israɛlɛ, a ba nu a na, mɔ lá owinɔ 'dɛ ɛ, obe Israɛlɛ, kɔ wa nɛ hã wa dungu ɛngga we dɔnggɔ do ɛ tɛ li gba zɔ̃ 'di.”

Kulu Tɔa 9:17

Gɛnɛ kɔ na mɛ ni, nɛ nde a 'bana tɛ kele wala ti owinɔ 'da mi, nɛ a kɔ̃́ we hã wala hã wa na wa la gɔ.

GBA WENƆ 1:22

“Aa nɛ, Owi bi gbãlã zãnɔ gɛ, nɛ nɛ dɛ yangga dɛa mɔ bɔnɔ nɛ dɛ gɛ, gbaa soe ki nge nde? Aa nɛ, kɛ nɛ fi tɔɛ zu mi gɛ, nɛ dɛ sɛ yangga we mɔmɔ mi gbaa soe ki nge nde? Nɛ kpa sɛ hã zã soe ki nge nde?

GBA WENƆ 1:24

“Mi sa mɔ hã nɛ na, nɛ tɛ 'da mi nga, nɛ nɛ bɛ̃a we zele mi. Mi ɛfɛ kɔ̃ mi hã nɛ we gbaka nɛ, nɛ nɛ zɔa ma li nɛ yala.

GBA WENƆ 18:12

Ma wia na, mɔ ba tɛ mɔ dɛ nù, sɛ nɛ mɔ kpa sɛ dɔ̃lɔ̃ li de. We kɛ wali ma kã wele dɛ li fio.

Ezai 1:5

Nɛ 'bana dɛ nga zu fai, nɛ kɔ̃a na, a gbangba 'da ngamɛ 'da nɛ nde? Zu nɛ vɛ̃ do dani, nɛ sila nɛ ba zɛlɛ.

Ezai 2:11

Do tũi ni, wi kɛ a ka mɔ do wali, nɛ a bili sɛ zu a nù, nɛ wi dɛ ngatɛ, a kpa sɛ sape. Owinɔ wa ĩ sɛ na, nwa zu a kpo a gã wi.

Yeremi 13:10

Tua kɛ owinɔ ngɔ nùi ni, wa a o'dã wele, wa bɛ̃a we zele we nu mi. Wa dɛ yia nga zu ɔ nɛ kɛ zã wa kɔ̃a ni. Wa gu gba zu golo dati ogele galenɔ, nɛ wa dɔnggɔ wa. Ma kɛ wa mbulu sɛ ɔ nɛ kɛ 'dɛ̃ gɛ mbulu, nɛ ma wè 'bɔ mɔ hi hi'da gɔɛ ni.”

Yeremi 13:18

NWA tɔ̃a hã mi na: “Mɔ sá mɔ hã nwa ngɔ le gɛ do naa a, nɛ mɔ tɔ̃ hã wa na, wa kulu ngɔ ngɔ kpongbo nwa 'da wa, kɔ wa dungu dɛ bulu nù, we duzu kɛ dia ndasa nwa 'da wa, ma tia zu wa do'do.

Yeremi 50:29

NWA tɔ̃a na: “Aa nɛ, Owi da nzabelenɔ, nɛ nɛ́ hã nɛ bí le Babilɔnɛ. Nɛ dɛ́ fala ɔinɔ 'da nɛ zĩ do wa takpa, nɛ nɛ kélé wala yu ti wa! Nɛ gésé olo 'dã mɛnɔ wa dɛa zi ni hã wa, nɛ nɛ dɛ́ do wa ɔ nɛ kɛ wa dɛa zi do ogele winɔ ni. Mba gɔ, wa zɔ zi tɛ wa na, wa nɛa ngɔ mi NWA Gale santo 'da obe Israɛlɛ.

EZEKIƐLƐ 5:6

Nɛ nde owinɔ kɔ le ni, wa bɛ̃a mbulanɔ 'da mi, nɛ wa bɛ̃ 'bɔ we nu mi. Wa dɛa 'dã mɔ, nɛ ma 'danga nɛa ngɔ 'dã mɛ 'da owinɔ kɛ zã wa ni. Mba gɔ, wa zɔa mbulanɔ 'da mi li wa yala, nɛ wa bɛ̃a we dɛ ma.

DANIƐLƐ 5:22

“Nɛ mɔ be 'da a Baltazarɛ, mɔ ĩ ma de wena, nɛ nde mɔ bà tɛ mɔ dɛ nù gɔ.

Tɔlɔ Mɔ 14:27

“O'dã winɔ gɛ wa nɛ la fala bi tɛ wa hã mi soe ki nge nde? Mi zila bi tɛ wi 'da wa, nɛ ma ngba mi do'do.

ROMA 2:4

Mɔ zɔ gã dia zã 'da Gale, do du sila 'da a, do gɛa sila 'da a dɛ 'da winɔ li mɔ yala iko nde? Mɔ ĩ̀ na, Gale bia dia zã 'da a hã mɔ, takɔ mɔ kifi sila mɔ gɔ nde?

OHEBRE 12:25

Kɔ nɛ dɛ́ nganda na, dɔ nɛ bɛ̃́ we zele we nu Gale, kɛ a wele we hã nɛ ni gɔ. Mba gɔ, owinɔ wa bɛ̃a zɛ́ we zele we nu wi kɛ a gba do nu Gale hã wa ngɔ nù nga ni, wa wè zɛ́ tɛ yu etumbu gɔ. Na mɛ ni, fala kɛ lɛ zèlè we nu Wele kɛ a wele we hã lɛ yolo do li nza i ni gɔ, nɛ nde lɛ wé sɛ tɛ mɛ 'bɔ do yu ma gɔ.

ZAKE 4:10

Nɛ bá tɛ nɛ dɛ nù dati Nwa Gale, nɛ a ba sɛ nɛ dɛ ngɔ.

1 PETRO 5:6

We duzu ma, nɛ bá tɛ nɛ dɛ nù dati Gale, kɛ a do nganda vɛ̃ ni, nɛ a ba sɛ nɛ dɛ ngɔ, do ngba soe kɛ a wia ni.