Kulu Tɔa 10:2 - WE NU GALE 1995

² Mɔ tɔ̃ sɛ lɛnggɛ oɔngbamɛnɔ vɛ̃, kɛ mi dɛ we zɛlɛ do tɛ Oezipeto ni hã obenɔ 'da mɔ, do obe yaa mɔ. Na mɛ ni, nɛ nɛ ĩ sɛ na, mi a NWA.”

Kulu Tɔa 10:2 Iomraidhean Croise

2 SAMUƐLƐ 7:22

NWA Gale 'da mi, mɔ gã wena. Fo wi we kɔ̃ do mɔ bina. Mɔ zu mɔ kpo a Gale, ɔ nɛ kɛ lɛ zele fai ni.

Zumanɔ 44:1

Zuma 'da obe zã Kore

Zumanɔ 44:2

Aa Gale, mɛnɔ mɔ dɛa zi ma belee, nɛ ma kpa zi li oyaa lɛ do obaa lɛ ni, wa do tɛ wa, wa tɔ̃a zi lɛnggɛ nɛ hã lɛ, nɛ lɛ zila ma do zala lɛ ngboo.

Zumanɔ 58:11

Gale a bili sɛ nu gbã hã 'dã winɔ, nɛ ma hã sɛ yangga hã Owi bɔlɔ zunɔ, nɛ wa yɛnggɛ sɛ do 'dɔ lì tɔkɔ tɛ 'dã winɔ ni.

Zumanɔ 71:18

Ngangga gɛ, mi dɛa kpasa wi, nɛ zu mi kutu mbu, nɛ nde Gale, mɔ tɛ bɛ gɛnɛ mi gɔ. Mɔ ɔ́ do mi fala nɛ kpo, takɔ mi tɔ̃ lɛnggɛ mɛnɔ mɔ dɛa do ngawi 'da mɔ ni hã obe zã lɛ kɛ wa sanza gɛ.

Zumanɔ 78:3

Obaa lɛ wa tɔ̃a lɛnggɛ mɛnɔ ni hã lɛ, nɛ lɛ zila ma, nɛ lɛ ĩ 'bɔ ti ma.

Kulu Tɔa 13:14

Hã fala kɛ do 'do, hã obenɔ 'da nɛ wa aka nɛ na, nɛ dɛ ni we ge nde? Nɛ nɛ gese sɛ hã wa na, NWA do ngawi 'da a, kɛ ma nɛa ngɔ mɛnɔ vɛ̃ ni, a fua zi lo kɔ ngbá tɛ ngɔ nù Ezipeto.

Kulu Tɔa 14:18

nɛ Oezipeto wa ĩ sɛ na, mi a NWA.”

Kulu Tɔa 14:4

Nɛ mi NWA Gale, mi dɛ sɛ na, a dɛ nga zu, hã a ndaka 'do nɛ. Nɛ mi bi sɛ do a do osodanɔ 'da a, nɛ mi nɛ sɛ ngɔ wa, takɔ ma hã dɔ̃lɔ̃ li hã mi, sɛ a Oezipeto wa ĩ na, mi a NWA de.” Nɛ obe Israɛlɛ wa dɛa nɛ́ kɛ NWA tɔ̃a hã wa ni.

Kulu Tɔa 7:17

We duzu bɛ̃a we 'da a, ma kɛ NWA tɔ̃a na, di ngangga ni, a ĩ sɛ na, ɛ a NWA kɛ ɛ do ngawi ni. Nɛ mɔ Mɔizɛ, mɔ zɛ sɛ lì Nilɛ do dɔndɔlɛ, nɛ ma kifi sɛ tɔkɔ.

Kulu Tɔa 7:5

Do 'da fala kɛ mi fo sɛ obe Israɛlɛ ngɔ nù Ezipeto do ngawi 'da mi ni, nɛ Oezipeto wa ĩ sɛ na, mi a NWA.”

Kulu Tɔa 8:6

Nɛ nwa ngɔ nù Ezipeto gese na: “Mɔ sámbálá bindɛ!” Nɛ Mɔizɛ na: “Ma a dia. Mi dɛ sɛ ɔ nɛ kɛ mɔ aka mi ni, takɔ mɔ ĩ na, gale kɛ a wia kɔ̃ do NWA Gale 'da lɛ obe Israɛlɛ ni, a bina.

Ezai 38:19

Winɔ kɛ wa wia we dɔnggɔ mɔ, ɔ nɛ kɛ mi dɔnggɔ mɔ ngangga ni, wi tati a wanɔ wa 'bana nza ni 'diko. Obaa be wa be hã benɔ 'da wa na, mɔ a wi kɛ mɔ élé dɛ olo nu mɔ gɔ.

EZEKIƐLƐ 20:26

Mi ia wa na, wa hã odɔnggamɔ kɛ ma dɛ na, wa hɔ wi ndi li mi ni. Mi la wa na, wa dɔ kuti bulu benɔ 'da wa. Mi dɛa zi na mɛ ni, takɔ kili ba wa, nɛ wa ĩ na, mi a NWA.”

EZEKIƐLƐ 20:28

Mba gɔ, mi kã zi wa dɛ ngɔ nù kɛ mi kana tɛ mi we hã ma hã wa ni. Kɔ wa nɛa zi we zɔ zu kala do zu tenɔ kɛ ma 'bɔ wena ni, nɛ wa ma zi ngɔ hã dɔnggamɛnɔ 'da wa hã ogale bɛlɛnɔ dɛ di ni. Nɛ mi nɛa zi we zɔ dɔnggamɛnɔ kɛ wa dɔ, nɛ dɔ̃ɛ wa dɔnggɔ do ogale bɛlɛnɔ ni, nɛ ma hã nɔ̃lɔ̃ zã hã mi wena.

YƆƐLƐ 1:3

Nɛ tɔ̃́ we nɛ hã obenɔ 'da nɛ, nɛ wa tɔ̃ sɛ tɛ mɛ 'bɔ hã obenɔ 'da wa, sɛ nɛ obenɔ ni wa tɔ̃ tɛ mɛ 'bɔ hã onu fɛlɛ kulanɔ 'do gɛ de.

EFƐZƐ 6:4

Nɛ nɛ, obaa benɔ, nɛ tɛ fà we nɔ̃lɔ̃ zã obenɔ 'da nɛ gɔ, nɛ nde nɛ dálá wa do mbula, nɛ nɛ bɔ́lɔ́ wa ɔ nɛ kɛ zã Nwa kɔ̃a ni.

Mbulanɔ 4:9

Li nɛ sɔ̃́, nɛ nɛ dɛ́ zĩ na, da dɛ kɔ tɛ nɛ élé ngɔ mɛnɔ vɛ̃ nɛ zɔa zi do li nɛ ngboo ni gɔ. Nɛ lengge ma kɔ dungu nza 'da nɛ vɛ̃. Nɛ nɛ tɔ̃ sɛ we nɛ hã obe zã nɛ do obe yaa nɛ.