Kulu Tɔa 10:1 - WE NU GALE 1995

¹ Nɛ NWA Gale tɔ̃ hã Mɔizɛ na: “Mɔ nɛ́ 'da nwa ngɔ nù Ezipeto, hã mɔ tɔ̃ lɛnggɛ do a. Wi a mi hã mi dɛa na, a, do owi olo li a, wa dɛ nga zu ɔ nɛ mɛ gɛ, takɔ mi dɛ oɔngbamɛnɔ gɛ vɛ̃, hã wa zɔ.

Kulu Tɔa 10:1 Iomraidhean Croise

Zumanɔ 7:11

Aa Gale, mɔ a ngele kele zu mi, mɔ a mɔ amba ngɔ owinɔ wa dɛ olo nu mɔ ni.

Kulu Tɔa 10:20

Gɛnɛ kɔ na mɛ ni, nɛ NWA Gale dɛa na, nwa ngɔ nù Ezipeto dɛ nga zu, nɛ a tɛ è obe Israɛlɛ ní hã wa la gɔ.

Kulu Tɔa 3:20

We duzu ma, mi be sɛ kɔ̃ mi li a, nɛ mi dɛ sɛ oɔngbamɔ kpi do kpi ngɔ nùi 'da a we zɛlɛ tɛ wa. 'Do nɛ, nɛ a e sɛ nɛ na nɛ la.

Kulu Tɔa 4:21

Nɛ NWA tɔ̃ 'bɔ hã a na: “Mi dɛa na, mɔ ɔ wi dɛ oɔngbamɔ. Kɔ fala kɛ mɔ hɔ ngɔ nù Ezipeto 'di, nɛ mɔ dɛ́ ma vɛ̃ dɛ dati nwa ngɔ nùi ni. Nɛ mi, mi dɛ sɛ ta 'bɔ na, nwa ni dɛ nga zu, nɛ a tɛ è obe Israɛlɛ ní hã wa la gɔ.

Kulu Tɔa 7:4

A zélé sɛ nu nɛ gɔ. Nɛ do ngawi 'da mi, mi hã sɛ nga etumbu hã Oezipeto. 'Do nɛ, nɛ mi fo sɛ owinɔ 'da mi, obe Israɛlɛ ngɔ nùi ni do dia nɛ.

Kulu Tɔa 9:12

Nɛ NWA Gale dɛa na, nwa ngɔ nù Ezipeto dɛ nga zu. Nɛ a dɛa nga zu, kpasaa ɔ nɛ kɛ NWA Gale tɔ̃a zi hã Mɔizɛ ni, nɛ a lènggè do mɛ kɛ Mɔizɛ do Aroni wa aka kɔ̃ a ni gɔ.

Kulu Tɔa 9:16

Kɔ mi la a do tunu li a, we be ngawi 'da mi, takɔ sako dɔ̃lɔ̃ li 'da mi ma yɛ'bɛ ngɔ nù gɛ vɛ̃.

Kulu Tɔa 9:27

Nwa ngɔ nù Ezipeto nɛa we zɔ ni, nɛ a sa mɔ hã Mɔizɛ do Aroni, nɛ a tɔ̃ hã wa na: “Kɛ gɛ, mi dɛ de gɔ. Mi do owinɔ 'da mi, lɛ tia do we. NWA Gale dɛ mɛnɔ 'dɛ ɛ do wala olo nɛ.

YOANƐ 12:40

“Mi Gale, mi lɔa li wa do'do na, da dɛ kɔ gbali wa zɔ́ mɔ gɔ. Nɛ mi ɛnzɛ hã zã wa do'do na, da dɛ kɔ zu wa bá mɔ, kɔ wa kífí sila wa, hã mi kpasa wa gɔ.”

ROMA 9:17

Wa kɔma kɔ 'Buki 'da Gale na, Gale tɔ̃a hã nwa ngɔ nù Ezipeto na: “Mi ia zi mɔ do nwa, takɔ do wala 'da mɔ, nɛ mi be ngawi 'da mi hã winɔ, nɛ sako dɔ̃lɔ̃ li 'da mi yɛ'bɛ ngɔ nù gɛ vɛ.”

ROMA 9:18

Na mɛ ni, Gale ĩ 'bako hã wi kɛ a kɔ̃a we ĩ 'bako hã a ni, nɛ a nganda zu wi kɛ a kɔ̃a we nganda zu a ni.

Yozue 11:20

Mba gɔ, NWA Gale dɛa zi na, owinɔ ni vɛ̃ wa ɔ do nga zu we bi do obe Israɛlɛ. Na mɛ ni, obe Israɛlɛ wa wè zi we ĩ 'bako hã wa gɔ. Ma hã wa kumu zi wa vɛ̃, ɔ nɛ kɛ NWA Gale do tɛ̃ a ba zi do nu a hã Mɔizɛ ni.

1 SAMUƐLƐ 4:8

'Bako do lɛ wena. Wi kpasa sɛ lɛ ti kɔ̃ Gale kɛ a do nganda wena ni a wio nde? A a Gale kɛ a hã zi ongamɛnɔ kpi do kpi hã Oezipeto tɛ li gba zɔ̃ i ni.