Kulu Tɔa 1:8 - WE NU GALE 1995

⁸ Do 'da fala ni, nɛ mbé nwa kpo ndo dɛa to nwa 'da a tɛ ngɔ nù Ezipeto. Nɛ nde a ĩ̀ zi ti Yozɛfu gɔ.

Kulu Tɔa 1:8 Iomraidhean Croise

Zumanɔ 105:25

Nɛ a kpolo sila Oezipeto, nɛ wa sɛnɛ Owi dɛa tonɔ 'da a, nɛ wa zɛlɛ tɛ wa.

Kulu Tɔa 3:16

Kɔ di ngangga ni, mɔ nɛ́, hã mɔ mbá li okumu Israɛlɛ, nɛ mɔ tɔ̃ hã wa na: ‘NWA Gale kɛ oyaa nɛ wa dɔnggɔ zɛ́ a, Gale 'da Abrahama, Izaka do Yakɔbɔ, a bia tɛ̃ a hã mi. Nɛ a tɔ̃a hã mi na, ɛ zɔa tɛlɛ tɛ ngamɛ kɛ nɛ do ma tɛ ngɔ nù Ezipeto gɛ.

Kulu Tɔa 3:7

Nɛ NWA tɔ̃ 'bɔ hã a na: “Mi zɔa tɛlɛ tɛ kɛ Oezipeto wa hã do ngamɛnɔ hã owinɔ 'da mi ni. Nɛ mi zila kɛ owinɔ 'da mi, obe Israɛlɛ wa he kɔ̃a tɛ wa ti kɔ̃ owinɔ kɛ wa kala wa do ngbá ni. Mi ĩ ti ngamɛ 'da wa vɛ̃.

Kulu Tɔa 3:9

Mi zila hiamɛ 'da obe Israɛlɛ, nɛ mi zɔa tɛlɛ tɛ ngamɛ kɛ wa kpa ma ti kɔ̃ Oezipeto ni.

WI LENGGE WE 9:15

Nɛ mbe wele kpo ɔ zi kɔ le ni, a a wi sã, nɛ nde a do hã zã boe. Nɛ a kpasa le do hã zã 'da a. Nɛ nde 'do nɛ, nɛ ta zu owinɔ ila ngɔ wi sã ni fai.

Owi Nɛ Tonɔ 7:18

Nɛ 'do nɛ, nɛ mbé gã nwa hɔa ngɔ Ezipeto, nɛ a ma ngɔ dɛ to nwa 'da a, nɛ nde a ĩ̀ zi ti Yozɛfu gɔ.

Owi Nɛ Tonɔ 7:19

Nɛ gã nwa ni dɛa zi 'dã hã dɛ tɛ owinɔ 'da lɛ. A hã nga dɛa to hã wa, nɛ a ba nu a na, wa la onzɔ benɔ 'da wa dɛ nza, takɔ wa fe.

Mbulanɔ 26:6

Nɛ nde owi Ezipeto wa zɛlɛ tɛ lɛ, nɛ wa hã ngamɔ hã lɛ, nɛ lɛ dɛa to ngbá.

Owi kpe dati 2:10

Nɛ ongba Yozue kɛ wa gã zi do a fala nɛ kpo ni, wa fia 'bɔ. Nɛ nde owinɔ kɛ wa kua wa dɛ 'do wa ni, wa zɔ̀ zi oɔngbamɛnɔ kɛ nwa dɛa hã obe Israɛlɛ ni gɔ, nɛ wa ĩ̀ zi ti nwa ngboo gɔ.