nɛ a wele nu a tɛ wa, nɛ a to na: “Nɛ kó, takɔ nɛ dɛlɛ, hã nɛ yɛ'bɛ ngɔ nùi, nɛ nùi ma ɔ do mɔ nɛ. Nɛ nɛ ɔ́ nwa ngɔ mɛnɔ vɛ, ngɔ okɔyɔnɔ 'dɔ lì i, do onɔɛnɔ li ngɔ i, do osa'denɔ ngɔ nù gɛ vɛ̃.”
Mi dɛ sɛ na, obe zã mɔ wa dɛlɛ, nɛ wa hɔ gã nu kɔnggɔ wele. Nɛ mi wele sɛ 'bɔ nu mi tɛ mɔ na, sako li mɔ dɔ̃lɔ̃, nɛ tala gele winɔ wa kpa sɛ wila nu we duzu mɔ.
Nɛ 'do ki ni, nɛ NWA tɔ̃ hã Abrama na, a hɔ kɔ tɔa tande dɛ nza. A nɛa we hɔ nɛ, nɛ NWA tɔ̃ hã a na: “Mɔ bá li mɔ ngɔ, hã mɔ zɔ sɔlanɔ, tabi mɔ we sɛ we tɔlɔ ma nde? Nɛ nde obe zã mɔ wa dɛlɛ sɛ ɔ nɛ sɔlanɔ kɛ wele wè tɛ tɔlɔ ma gɔɛ ni.”
mi wele sɛ nu mi tɛ mɔ, nɛ mi dɛ sɛ na, obe zã mɔ wa dɛlɛ wena nɛ osɔlanɔ li nza, tabi gbãlã kɛnzɛ nu gã lì ni. Nɛ obe zã mɔ wa nɛ sɛ ngɔ owi sɛnɛ wa, nɛ wa kala sɛ lenɔ 'da wa.
'Do ki ni, nɛ wa kulu ngɔ di ni, nɛ wa zã 'bɔ kɔ lì kɛ talɛ, nɛ wa mɔ̃̀lɔ̃̀ wá zu ki ni gɔ. Nɛ Izaka e li zu nɛ na Rɛhɔbɔtɛ. Gulu nɛ na: “Lɛ ngbɔa dɛ dati.” Nɛ a tɔ̃ 'bɔ na: “NWA gbala nu nùi 'da lɛ dɛ dati, takɔ lɛ kpa dia dungu dɛ fala gɛ.”
Mi dɛ sɛ na, obe zã mɔ wa dɛlɛ ɔ nɛ osɔlanɔ li nza gɛ, nɛ mi hã sɛ 'bili tɛ nùnɔ gɛ hã wa. Nɛ mi wele sɛ nu mi tɛ nu kɔnggɔ owinɔ ngɔ nù gɛ vɛ̃ do wala 'da wa,
Obe zã mɔ wa dɛlɛ sɛ ɔ nɛ gbãlã kɛnzɛ ngɔ nùi gɛ. Nɛ nùi 'da wa ma gã sɛ dɛ 'do si ba gɔtɔ, si 'biti gba wese, si gbãlã ngɔ, do si 'biti gɛ̃a wese. Mi wele sɛ nu mi tɛ nu kɔnggɔ owinɔ ngɔ nù gɛ vɛ do wala 'da mɔ, do obe zã mɔ.
Nɛ a tɔ̃ 'bɔ hã a na: “Mi a Gale kɛ mi do nganda vɛ̃. Mi hã sɛ gba gili obe hã mɔ. Mɔ ko sɛ odɔa be, nɛ mɔ hɔ yaa nu kɔnggɔ gba gili Owele, nɛ onwa wa yolo sɛ dɛ kɔ obe zã mɔ ni.
Nɛ anzɛ kɛ a fua zi mi kɔ ngamɛ ni, a wele nu a tɛ obulu benɔ 'da mɔ. Nɛ e kɔ li mi ma 'bana ngɔ nù gɛ fai do wala 'da wa, ɔ nɛ kɛ li obaa mi Abrahama do Izaka 'bana ngɔ nù gɛ ni. E kɔ wa ko obe, nɛ obe zã wa dɛlɛ wena, nɛ wa yɛ'bɛ do ngɔ nùi gɛ vɛ̃.”
'Da fala kɛ wa tɛ hã zi ngamɔ hã obe Israɛlɛ wena ni, nɛ wa ko zi tɛ mɛ 'bɔ wena, nɛ wa dɛlɛ dɛ dati. Na mɛ ni, nɛ wa kpa do ngɔ nù Ezipeto vɛ̃, nɛ kili wa ba zi Oezipeto wena.
'Do nɛ, nɛ obe Israɛlɛ wa kulu ngɔ kɔ le Ramsɛsi, nɛ wa la dɛ Sukɔtɛ. Wa zi owi wili koto kama gazɛlɛ, nɛ wa tɔ̀lɔ̀ zi owukonɔ do obenɔ do ogbɛlɛnɔ gɔ.
Nɛ mi dɛa na, mɔ kpasa, nɛ mɔ gã ɔ nɛ kpalɛ ni. Mɔ gã, nɛ mɔ nganda, nɛ mɔ hɔ dia be zɔnga. Bele mɔ kunu de wena, nɛ sala ti mɔ hɔa, nɛ nde mɔ zi do kũlĩ tɛ mɔ iko.
Gale 'da lɛ obe Israɛlɛ, a saka zɛ́ oyaa lɛ. Nɛ 'da fala kɛ wa zɛ́ ngɔ gele nùi tɛ Ezipeto i ni, nɛ a dɛa na, wa sanza. Nɛ Gale fua wa ngɔ gele nùi ni dɛ nza do ngawi 'da a.
'Da fala oyaa nɛ wa hɔa zi tɛ ngɔ nù Ezipeto i ni, nɛ nde wa zi tati a Owele 'bu wa sambo iko. Nɛ ngangga ni, NWA Gale 'da nɛ dɛa na nɛ ko, nɛ nɛ dɛlɛ ɔ nɛ osɔlanɔ li nza i ni.
Nɛ wi ni a tɔ̃ sɛ hã NWA Gale nɛ́ mɛ gɛ: ‘Yaa mi zi a Aramɛ, a ɔ́ zi kpo fala gɔ. A la zi dɛ Ezipeto, nɛ a ɔa i mɔ fala nɛ kpo do owinɔ wa kã a ni. 'Do nɛ, nɛ owinɔ ni wa kua, nɛ wa dɛlɛ, nɛ wa hɔ gã nu kɔnggɔ, nɛ wa nganda wena.