Kulu Tɔa 1:12 - WE NU GALE 1995

¹² 'Da fala kɛ wa tɛ hã zi ngamɔ hã obe Israɛlɛ wena ni, nɛ wa ko zi tɛ mɛ 'bɔ wena, nɛ wa dɛlɛ dɛ dati. Na mɛ ni, nɛ wa kpa do ngɔ nù Ezipeto vɛ̃, nɛ kili wa ba zi Oezipeto wena.

Kulu Tɔa 1:12 Iomraidhean Croise

Ndo Nyanga Dɛ Mɔ 46:3

Nɛ Gale tɔ̃ na: “Mi a Gale, mi a Gale 'da baa mɔ. Mɔ tɛ dɛ̀ kili nɛ Ezipeto i gɔ, we kɛ mi dɛ sɛ na, obe zã mɔ wa hɔ i mɔ, nɛ nu kɔnggɔ wa dɛlɛ.

NEHEMIE 9:23

Mɔ hã onu fɛlɛ kula hã wa dɔa nɛa ngɔ osɔlanɔ li nza i. Mɔ kã wa dɛ tɛ ngɔ nù Kanana, kɛ mɔ tɔ̃a zi hã oyaa wa na, wa nɛ, kɔ wa ba ma do mɔ́ wa ni.

YƆBƆ 5:2

Do gbãlã we, kɔ sila bɔnɛ ma gbɛ wi kɛ a zɔlɔ hã zã ni, nɛ yia wi fe fio nɔ̃lɔ̃ zã 'da a.

Zumanɔ 105:24

Nɛ nwa dɛa na, owinɔ 'dɛ ɛ wa sanza, nɛ wa nganda nɛ ngɔ owi sɛnɛ wa.

Zumanɔ 107:38

A wele nu a tɛ wa, nɛ wa ko ogba dɔa be. Nɛ a ia onadalamɛnɔ 'da wa na, wa dɛlɛ.

Kulu Tɔa 1:20

Na mɛ ni, obe Israɛlɛ wa dɛlɛ zi dɛla pii, nɛ wa nganda zi wena. Nɛ Gale zɔa na, owuko ba ngbɛnɔ wa zila we nu ɛ ni, nɛ a dɛa dia mɔ hã wa, nɛ wa kua obe mɔ́ wa.

Kulu Tɔa 1:7

Nɛ dɛ olo nɛ, nɛ obe Israɛlɛ wa sanza, nɛ wa dɛlɛ zi wena, nɛ wa nganda zi 'bɔ wena, nɛ wa kpa zi ngɔ nù Ezipeto vɛ̃.

Kulu Tɔa 1:9

Nɛ a tɔ̃ hã owinɔ 'da a na: “Nɛ zɔ̃, obe Israɛlɛ wa dɛlɛ wena, nɛ wa nganda 'bɔ nɛa ngɔ lɛ.

GBA WENƆ 21:30

Fala kɛ mɔ dɛ mɛ kɛ zã nwa Gale sɛnɛ ma ni, nɛ nde hã zã, do ĩ ti mɛ 'da mɔ ma yala iko.

GBA WENƆ 27:4

Nga zu do nɔ̃lɔ̃ zã 'danga wena. Nɛ nde sɛnɛmɔ 'danga nɛa ngɔ ma wena.

YOANƐ 12:19

Nɛ Fariziɛnɔ wa tɔ̃a dɛ sanga wa na: “Nɛ zɔ́, winɔ vɛ̃ wa nɛ 'dɔkɔlɔ a iko! Le wè tɛ dɛ mɔ kpɔ gɔ.”

ROMA 8:28

Lɛ ĩ na, Gale dɛ na, omɛnɔ vɛ ma sɔkpɔ do dia nɛ we owinɔ kɛ wa kɔ̃a gɛnɛ a, nɛ a saka wa ɔ nɛ kɛ a 'dafa zɛ́ do kɔ sila a ni.

Mbulanɔ 26:5

Nɛ wi ni a tɔ̃ sɛ hã NWA Gale nɛ́ mɛ gɛ: ‘Yaa mi zi a Aramɛ, a ɔ́ zi kpo fala gɔ. A la zi dɛ Ezipeto, nɛ a ɔa i mɔ fala nɛ kpo do owinɔ wa kã a ni. 'Do nɛ, nɛ owinɔ ni wa kua, nɛ wa dɛlɛ, nɛ wa hɔ gã nu kɔnggɔ, nɛ wa nganda wena.