ƐSTƐRƐ 7:9 - WE NU GALE 1995

⁹ Nɛ mbe wele kpo kɔ Owi dɛa tonɔ ni, li a a Harbona, a tɔ̃ hã nwa na: “Nwa, mɔ zɔ̃, Hamanɛ do tɛ̃ a ngboo, a 'dafa du te, takɔ a gãlã Mardose nu nɛ, hã a fe. Mardose gɛ a wi kɛ a tɔ̃a zi 'da we hã mɔ, nɛ mɔ fè gɔ we duzu a ni. Te kɛ Hamanɛ 'dafa ni, du nɛ mɛtrɛ 'bu nɛ bɔa ngɔ nɛ mɔlɔ.” Nɛ nwa ba nu ɛ na: “Wa gãlã Hamanɛ nu nɛ, hã a fe.”

ƐSTƐRƐ 7:9 Iomraidhean Croise

2 Onwanɔ 9:32

Nɛ Yehu ba li a ngɔ, nɛ a zɔ mɔ tɛ̃ a, nɛ a he mɔ na: “Wi kɔ̃a we si 'do mi a wio nde?” Nɛ owi zɔ mɔ tɛ tɔa 'da nwa bɔa tabi talɛ, wa ge'de gɛlɛ wa do li hole dɛ 'da a nza i, nɛ Yehu tɔ̃ hã wa na:

ƐSTƐRƐ 1:10

Do kpo soe kɛ gbalimɛ dɛa tũ sambo ni, nɛ nwa Sɛrsɛsi zi do yangga wena, we kɛ a nɔa dɔ̃. Nɛ a sa mɔ hã ohɔla wi wili sambo, kɛ wa dɛ to ti kɔ̃ a ni, li wa a: Mɛhumanɛ, Bizta, Harbona, Bigta, Abagta, Zetarɛ do Karkasi.

ƐSTƐRƐ 5:14

Ongba Hamanɛ mba do kɛnɛ a, wa nɛa we zele ni, nɛ wa tɔ̃ hã a na: “Mɔ 'dafa te, kɛ du nɛ mɛtrɛ 'bu nɛ bɔa ngɔ nɛ mɔlɔ ni, hã bindɛ do titole, nɛ mɔ aka nwa, nɛ mɔ gãlã Mardose nu nɛ, nɛ a fe. Olo nɛ, nɛ sila mɔ ma gɛ̃ sɛ, nɛ mɔ kpe sɛ do nwa do yangga, we nɛ tɛ gbalimɛ 'da kɛnɛ a 'di.” We 'da wa dia tɛ Hamanɛ, nɛ a dɛa du te we gãlã do Mardose, we gbɛ a.

ƐSTƐRƐ 6:14

We ni 'bana dɛ nu wa iko, nɛ ohɔla wi wilinɔ 'da nwa wa hɔ. Wa nɛa we hɔ nɛ, nɛ wa dà'bà tɛ wa gɔ, wa kpa Hamanɛ dɔ̃, nɛ wa kã a tɛ gbalimɛ 'da Ɛstɛrɛ 'di.

ƐSTƐRƐ 6:2

Nɛ wa tɔlɔ ngboo a fala lɛnggɛ 'da Terɛkɛ do Bigtanɛ, winɔ bɔa kɔ Owi dɛa tonɔ 'da nwa, kɛ toe 'da wa zi a zɔ mɔ nu otɔanɔ 'da nwa, nɛ wa ba zi zã zu we gbɛ nwa ni. Nɛ wa tɔlɔ 'bɔ tɛlɛ tɛ kɛ Mardose tɔ̃a zi 'da nɛ ni.

ƐSTƐRƐ 8:7

Nɛ nwa Sɛrsɛsi gisa hã Ɛstɛrɛ, do Mardose be Yuda ni na: “Nɛ zélé, mi ba zi nu mi, nɛ wa gãlã Hamanɛ nu te, nɛ a fia, we kɛ a kɔ̃a zi we kumu obe Yuda. Nɛ mi kala 'bɔ odia mɛnɔ olo a ni, nɛ mi hã ma hã mɔ Ɛstɛrɛ.

ƐSTƐRƐ 9:14

Nwa ba mbé nu a, nɛ wa kɔma mbɛti mbula, nɛ wa tɔlɔ dɛ nza tɛ kɔ le Suzɛ. Olo nɛ, nɛ wa gãlã wɔlɔ obenɔ 'da Hamanɛ 'bu ni dɛ nu odu te.

ƐSTƐRƐ 9:25

Nɛ nde Ɛstɛrɛ nɛa zi, nɛ a kpa nwa, nɛ nwa ba nu ɛ, nɛ wa kɔma do mbɛti na, 'dã mɛnɔ vɛ̃ kɛ Hamanɛ 'dafa we dɛ do obe Yuda ni, wa dɛ do a. We duzu ma, nɛ wa gãlã Hamanɛ do obenɔ 'da a tɛ nu ote, nɛ wa fia.

Zumanɔ 141:10

E kɔ o'dã winɔ do tɛ wa ngboo, wa te li bilinɔ wa ndɔa ni, nɛ mi, mi gbili ma, nɛ ma tɛ bà mi gɔ.

Zumanɔ 35:8

E kɔ ngamɔ gbanga wa, e kɔ wa wele nɛ wa te kɔ̃ɛ wa gu ni, hã wa fe.

Zumanɔ 73:19

Mɔ hã ngamɔ hã wa, nɛ wa fia do ti, nɛ wa kumu vɛ̃.

DANIƐLƐ 6:24

Nwa nɛa we zele ni, nɛ sila a dunu do yangga, nɛ a ba nu a na, wa fo Daniɛlɛ kɔ kɔ̃ɛ 'da ogbɔgbɔnɔ dɛ nza. Daniɛlɛ nɛa we hɔ kɔ kɔ̃ɛ dɛ nza, nɛ wa zɔ na, fo dani tɛ̃ a bina, we kɛ a gbini zã a do Gale 'da a.

DANIƐLƐ 6:7

Wa nɛa we tɔ̃ ni do'do, nɛ wa dà'bà gɔ, nɛ wa la 'da nwa i, nɛ wa tɔ̃ hã a na: “Aa nwa Dariusi, e kɔ mɔ 'bana tɛ dɛa to nwa fai!

1 SAMUƐLƐ 17:51

Goliatɛ nɛa we te nɛ, nɛ Davidi yu dɛ 'da a mɔ, nɛ a hɔ dɛ ngɔ a, nɛ a gbɔtɔ du kɔya 'da a, nɛ a 'bili gɛlɛ a. Ofilisti wa nɛa we zɔ na, nganga bole 'da lo fia do'do ni, nɛ wa yu.