ƐSTƐRƐ 7:8 - WE NU GALE 1995

⁸ A hɔa, nɛ a te dɛ ngɔ mɔ dungu ti Ɛstɛrɛ ni, we ala nu a hã a. 'Da fala ni, nɛ nwa yolo kɔ fɔ 'di, nɛ a le dɛ 'da wa nga, tɛ fala wa nyɔngɔ sɔ do mɛ ni. A nɛa we zɔ kɛ Hamanɛ tia dɛ ngɔ mɔ dungu ti kɛnɛ a ni, nɛ a he mɔ na: “Wi dɛ 'dã mɛ gɛ, a kɔ̃a 'bɔ we wɛlɛ kɛnɛ mi nde? Nɛ a dɛ 'bɔ ma do kɔ tɔa 'da mi nga dɛ li mi ngboo nde?” Nwa nɛa we kpe nu ɛ nɛ́, nɛ Owi dɛa tonɔ 'da a, wa kele bula li Hamanɛ do tulu, we be na wa gbɛ sɛ a.

ƐSTƐRƐ 7:8 Iomraidhean Croise

ƐSTƐRƐ 1:5

Ma nɛa we hɔ ndɔti nɛ, nɛ nwa sa mɔ hã owinɔ vɛ̃, wi sã tabi wi kpamɔ kɛ wa kɔ gba ngbo 'da a tɛ Suzɛ ni, nɛ a dɛ gbalimɔ hã wa. Gbalimɛ ni dɛa tɛ̃ ɛ dɛ kɔ obe fɔnɔ kɛ zã tɔa nwa 'da Sɛrsɛsi ni, nɛ ma ɔa pɔsɔ kpo.

ƐSTƐRƐ 1:6

Wa dɛa zi da, nɛ wa fi ofɛ̃a tulu gɛza do yoo nɛ ngɔ nɛ. Wa kpua otulunɔ ni do fila fɛlɛ dɛ tɛ gba sala wa dɛa do dia ta marbrɛ, nɛ wa kɔ'bɔ nu fɛlɛ do fɛ̃a mɔ bolo. Wa dɛa omɔ dungu do mɔ mbali, do fɛ̃a mɔ bolo. Nɛ wa fi mɔ dungunɔ ni tɛ fala kpo, wa gɛza ma de wena do ofila be ta, ofɛ̃a nɛ, otũ nɛ, ombe ma nde ndila.

ƐSTƐRƐ 6:12

'Do nɛ, nɛ Mardose kpolo tɛ̃ ɛ dɛ nu ngbo 'di. Nɛ Hamanɛ si dɔ̃ dɔ̃ dɛ nu tɔa 'da a 'di, nɛ a usu li a do sape.

ƐSTƐRƐ 7:10

Wa gãlã Hamanɛ nu du te kɛ a 'dafa zi we Mardose ni, nɛ a fia. 'Do nɛ, nɛ dã 'da nwa mbɔka, nɛ sila a gɛ̃.

YƆBƆ 9:24

'Da fala kɛ 'dã wi ba to nwa ngɔ nù gɛ iko, nɛ Gale kpe nu owi gɔnɔ wenɔ 'da a dɛ ngɔ 'dã mɛ 'da wi ni. Mba gɔ, fala kɛ wi dɛ mɛnɔ ni a Gale gɔ, nɛ nde mbé wi dɛa ma a wio nde?

Ezai 22:17

Mɔ a gã wele kpaa, nɛ nde nwa a ba sɛ mɔ, nɛ a da sɛ mɔ nyɛlɛ wena. A 'bo sɛ mɔ ɔ nɛ kili nù ni,

Ezai 49:23

Onwanɔ wa zɔ sɛ mɔ tɛ obenɔ 'da nɛ, ɔ nɛ kɛ baa be zɔ do mɔ tɛ be 'da a ni. Nɛ owuko nwanɔ wa dala sɛ wa ɔ nɛ kɛ naa be dala do be 'da a ni. Onwanɔ wa bili sɛ zu wa nu dati nɛ, wa dɛ sɛ kili nɛ, nɛ wa dɔnggɔ sɛ nɛ. Na mɛ ni, nɛ nɛ ĩ sɛ na mi a NWA. Nɛ nɛ ĩ sɛ 'bɔ na, wi kɛ a gbini zã a do mi, nɛ nde a kpá sape fala kpo gɔ.”

AMƆSI 3:12

NWA tɔ̃a na: “Fala kɛ gbɔgbɔ ba bata, nɛ wi dala bata wia we kala tati a onyanga bata bɔa, tabi zala a kɔ nu gbɔgbɛ ni. Ma ɔ sɛ ni we Oisraɛlɛ, tɛ kɔ le Samaria. Wa ɔ nù ngɔ odia bunggu do odia mɔ ɔi. Nɛ nde mɛ ma 'bana sɛ olo wa, tati a o'bulu mɛnɔ 'da wa iko.”

MARKO 14:65

Nɛ ombe winɔ wa ma ngɔ tufu sa nu wa dɛ tɛ̃ a. Nɛ wa ɛnzɛ li a do tulu, nɛ wa umu kɔ̃ wa, nɛ wa zɛ a, nɛ wa na, a sa li wi zɛa a ni. Nɛ owi zɔ mɔ nu ngbonɔ, wa ba a, nɛ wa ma ngɔ zɛ a.