ƐSTƐRƐ 7:4 - WE NU GALE 1995

⁴ Mɔ ĩ́ na, wa bia gole mi, do owinɔ kɛ mi kɔ nu kɔnggɔ wa ni na, wa 'bili gɛlɛ lɛ, nɛ wa kumu lɛ vɛ̃, nɛ ma wè na, wa dɛ 'bako bi sĩ hã lɛ gɔ. Ɔ do kɛ na, wa be sɔ gole lɛ na, lɛ hɔ ongbá, nɛ mi kpe sɔ nu mi iko, we kɛ gulu tulu mɔ tɛ ki ni sɔ bina.”

ƐSTƐRƐ 7:4 Iomraidhean Croise

NEHEMIE 5:5

Ĩ na, lɛ vɛ̃ a Owi nu fɛlɛ kula kpo! Benɔ 'da lɛ wa là ngba wa do wanɔ 'da onya lɛ Oyudanɔ ni gɔ! Nɛ nde ma wia na, lɛ a obenɔ 'da lɛ do ngbá. Ombe boko benɔ 'da lɛ wa hɔa 'bɔ ngbá ia. Kɔ lɛ wè tɛ dɛ si do tɛ̃ ɛ gɔ, we kɛ ofɔnɔ 'da lɛ, do ote vinɔnɔ 'da lɛ, ma hɔa mɔ owinɔ lɛ ba ku'da kɔ̃ wa ni ia.”

ƐSTƐRƐ 3:13

Wa tombo ombɛtinɔ ni do Owele tɛ kɔ 'bili tɛ nùnɔ vɛ̃ ngɔ nùi 'da nwa ni. Kɔ mbɛtinɔ ni, wa kɔma na: “Owinɔ wa tɛ dɛ̀ 'bako hã obe Yudanɔ gɔ, wa 'bili gɛlɛ wa, nɛ wa gbɛ wa. Ma wia na, wa gbɛ wa vɛ̃, wanɔ wa 'bana ngɔ nga tɛ wa, do okpasa winɔ, owukonɔ do obenɔ. Nɛ wa kala odia mɛnɔ 'da wa.” Wa saka tũ kpo, we kumu obe Yudanɔ. Mɛ zi a kɔ̃ zɛkɛ 'bu ngɔ nɛ talɛ, zɛkɛ 'da 'bu ngɔ nɛ bɔa, tabi zɛkɛ Adarɛ.

ƐSTƐRƐ 3:9

Mɔ zɔ a dia nde, nɛ mɔ ba nu mɔ do mbɛti na, wa mbiti wa do'do. Mɔ dɛ ní, nɛ mi hã sɛ gba gili fɛ̃a mɔ bolo, kɛ dĩ nɛ tɔnɛ kama talɛ, hã Owi tonɔ kɛ wa 'dafa mɔ mbati ngɔ nùi gɛ na, wa a ma kɔ kpamɛ 'da mɔ.”

ƐSTƐRƐ 7:5

Nwa Sɛrsɛsi zila ni vɛ̃, nɛ a aka kɛnɛ a Ɛstɛrɛ na: “Wi dɛa do nɛ ni gɛ a wio nde? Nɛ wi ni ngboo a ni do nde?”

ƐSTƐRƐ 7:6

Nɛ Ɛstɛrɛ gese na: “Wi sɛnɛ lɛ, kɛ a nɛ kumu lɛ vɛ̃ gɛ, wi a Hamanɛ, 'dã wi gɛ.” Hamanɛ zila ni, nɛ kili ba a la li ngele dati nwa do kɛnɛ a.

ƐSTƐRƐ 8:11

Wa kɔma zi kɔ ombɛtinɔ ni na, nwa ba nu ɛ hã obe Yudanɔ kɔ olenɔ ngɔ nùi 'da a vɛ̃ na, wa mba li ngba wa, nɛ wa bi na, da dɛ kɔ Owele wa gbɛ wa gɔ. A ba 'bɔ nu a hã obe Yuda na, wa tɛ dɛ̀ 'bako we nu kɔnggɔ owinɔ, kɛ wa kɔ̃a we bi do wa ni gɔ. Wa 'bílí gɛlɛ wa, nɛ wa gbɛ̃ wa. Nɛ ma wia 'bɔ na, wa gbɛ owukonɔ, do obenɔ 'da owinɔ ni, nɛ wa kálá odia mɔ olo wa.

ƐSTƐRƐ 8:6

Mi nɛ dɛ nɛ nɛ nde, takɔ mi kunu sila mi, nɛ mi zɔ owinɔ kɛ mi kɔ nu kɔnggɔ wa tɛ kpa 'bako ni. Mi wé sɛ tɛ kunu sila mi na, wa kumu owinɔ kɛ mi do wa nu kɔnggɔ kpo ni dɛ li mi gɔ.”

ƐSTƐRƐ 9:25

Nɛ nde Ɛstɛrɛ nɛa zi, nɛ a kpa nwa, nɛ nwa ba nu ɛ, nɛ wa kɔma do mbɛti na, 'dã mɛnɔ vɛ̃ kɛ Hamanɛ 'dafa we dɛ do obe Yuda ni, wa dɛ do a. We duzu ma, nɛ wa gãlã Hamanɛ do obenɔ 'da a tɛ nu ote, nɛ wa fia.

DANIƐLƐ 6:2

Dariusi kpa zi linggamɔ gɔnɔ sanga nùi 'da a do 'bili tɛ nù kama do 'bu nɛ bɔa, nɛ a e kosolo nwa ngɔ nù kpo kpo.

AMƆSI 2:6

Nɛ zélé we kɛ NWA tɔ̃a gɛ: “Oisraɛlɛ wa tɛ dɛ 'dã mɔ 'do ngbɛ ɛ do 'do ngbɛ ɛ. Ma kɛ mi 'bili ia, mi kpóló sɛ 'bɔ nu mi gɔ. Mi nɛ gese olo 'dã mɛnɔ 'da wa hã wa. Wa 'dɔlɔ wi bɔlɔ zu do ngbá, we kɛ a wè we gese ku'danɔ wa ia zu a ni gɔ. Wa bia gole wi sã, we kɛ a wè we futa mbili olo mɔ nyanga wi 'da a gɔ.

LUKA 12:45

Nɛ nde fala kɛ wi dɛa toe ni tɔ̃ do kɔ sila a na, wele ɛ kpóló sɛ tɛ̃ a dɔ̃ gɔ, kɔ a ma ngɔ zɛ ongba a wi dɛa tonɔ, owi wilinɔ do owukonɔ, kɔ a dungu nù we nyɔngɔ mɔ, do nɔ dɔ̃ nɛ ma ba a iko,

Mbulanɔ 28:68

Nɛ NWA a a sɛ nɛ kɔ masua, nɛ a gese nɛ dɛ ngɔ nù Ezipeto i. Gɛnɛ kɔ a tɔ̃a zi na, nɛ zɔ́ sɛ 'bɔ ma gɔ ni, nɛ a gese sɛ nɛ dɛ i mɔ. Nɛ hɔ i mɔ, nɛ nɛ yamba sɛ we be gole tɛ nɛ do ngbá hã owi sɛnɛ nɛ. Nɛ nde wele kpo kɔ̃́ sɛ we oso nɛ gɔ.”

Yozue 9:23

Kɔ we bɛlɛnɔ nɛ tɔ̃a zi ni, Gale fɔmbɔ nɛ ia. Nɛ sɛ fai a ongbánɔ 'da lɛ. Nɛ fa sɛ gua, nɛ nɛ so lì we duzu tɔa Gale 'da lɛ.”

1 SAMUƐLƐ 22:23

Nɛ nde ma wia na, mɔ 'bana dɛ kɛ zã mi gɛ, nɛ mɔ tɛ dɛ̀ kili gɔ. Wi sɛnɛ mɔ kɛ a fa we gbɛ mɔ ni, a 'bɔ a kpo wi a fa we gbɛ mi ni. Kɔ nɛ́ kɛ mɔ dɛ kɛ zã mi gɛ ni, mɔ kpo dɛ́ sɛ mɔ gɔ.”