ƐSTƐRƐ 7:10 - WE NU GALE 1995

¹⁰ Wa gãlã Hamanɛ nu du te kɛ a 'dafa zi we Mardose ni, nɛ a fia. 'Do nɛ, nɛ dã 'da nwa mbɔka, nɛ sila a gɛ̃.

ƐSTƐRƐ 7:10 Iomraidhean Croise

Ndo Nyanga Dɛ Mɔ 40:22

Nɛ a ba bɔa wele kɛ, nɛ a gãlã a nu te. Nɛ gulu yalɛ dɛ tɛ̃ ɛ nɛ́ kɛ Yozɛfu tɔ̃a ni.

ƐSTƐRƐ 2:1

Otũ ma la 'do nɛ bi sĩ, nɛ sila Sɛrsɛsi gɛ̃a. Nɛ a lengge mɛ kɛ Vasti dɛa ni, do mbula kɛ a ba ngɔ a ni.

ƐSTƐRƐ 5:14

Ongba Hamanɛ mba do kɛnɛ a, wa nɛa we zele ni, nɛ wa tɔ̃ hã a na: “Mɔ 'dafa te, kɛ du nɛ mɛtrɛ 'bu nɛ bɔa ngɔ nɛ mɔlɔ ni, hã bindɛ do titole, nɛ mɔ aka nwa, nɛ mɔ gãlã Mardose nu nɛ, nɛ a fe. Olo nɛ, nɛ sila mɔ ma gɛ̃ sɛ, nɛ mɔ kpe sɛ do nwa do yangga, we nɛ tɛ gbalimɛ 'da kɛnɛ a 'di.” We 'da wa dia tɛ Hamanɛ, nɛ a dɛa du te we gãlã do Mardose, we gbɛ a.

ƐSTƐRƐ 7:7

Nwa nɛa we zele we Ɛstɛrɛ tɔ̃a ni, nɛ dã ba a nganda wena, nɛ a la wa dɛ kɛ zã mɛsa ni, nɛ a hɔ dɛ kɔ be fɔ kɛ zã tɔa 'di. Hamanɛ zɔa ni, nɛ a ĩ na, nwa a gbɛ sɛ ɛ iko. Nɛ a ndo ala nu a hã kɛnɛ nwa Ɛstɛrɛ na, a kpasa ɛ.

ƐSTƐRƐ 7:8

A hɔa, nɛ a te dɛ ngɔ mɔ dungu ti Ɛstɛrɛ ni, we ala nu a hã a. 'Da fala ni, nɛ nwa yolo kɔ fɔ 'di, nɛ a le dɛ 'da wa nga, tɛ fala wa nyɔngɔ sɔ do mɛ ni. A nɛa we zɔ kɛ Hamanɛ tia dɛ ngɔ mɔ dungu ti kɛnɛ a ni, nɛ a he mɔ na: “Wi dɛ 'dã mɛ gɛ, a kɔ̃a 'bɔ we wɛlɛ kɛnɛ mi nde? Nɛ a dɛ 'bɔ ma do kɔ tɔa 'da mi nga dɛ li mi ngboo nde?” Nwa nɛa we kpe nu ɛ nɛ́, nɛ Owi dɛa tonɔ 'da a, wa kele bula li Hamanɛ do tulu, we be na wa gbɛ sɛ a.

ƐSTƐRƐ 8:7

Nɛ nwa Sɛrsɛsi gisa hã Ɛstɛrɛ, do Mardose be Yuda ni na: “Nɛ zélé, mi ba zi nu mi, nɛ wa gãlã Hamanɛ nu te, nɛ a fia, we kɛ a kɔ̃a zi we kumu obe Yuda. Nɛ mi kala 'bɔ odia mɛnɔ olo a ni, nɛ mi hã ma hã mɔ Ɛstɛrɛ.

ƐSTƐRƐ 9:14

Nwa ba mbé nu a, nɛ wa kɔma mbɛti mbula, nɛ wa tɔlɔ dɛ nza tɛ kɔ le Suzɛ. Olo nɛ, nɛ wa gãlã wɔlɔ obenɔ 'da Hamanɛ 'bu ni dɛ nu odu te.

ƐSTƐRƐ 9:25

Nɛ nde Ɛstɛrɛ nɛa zi, nɛ a kpa nwa, nɛ nwa ba nu ɛ, nɛ wa kɔma do mbɛti na, 'dã mɛnɔ vɛ̃ kɛ Hamanɛ 'dafa we dɛ do obe Yuda ni, wa dɛ do a. We duzu ma, nɛ wa gãlã Hamanɛ do obenɔ 'da a tɛ nu ote, nɛ wa fia.

YƆBƆ 18:8

A ba sɛ wala kɛ wa ndɔa bili li nɛ ni, nɛ a te sɛ li bili wa ndɔa hã a ni,

YƆBƆ 20:8

Ma ɔ sɛ nɛ kɛ wele yala zu a, tabi a zɔa mɔ do li yalɛ, nɛ fala sa, nɛ nde ta zu a ila ngɔ nɛ do'do ni.

Zumanɔ 37:15

Nɛ nde kpili ni ma gbini sɛ, nɛ du kɔya ma gbo sɛ sila a wele nɛ.

Zumanɔ 7:16

A zã 'du kɔ, nɛ a gu ma hã ogele winɔ, nɛ nde a wele nɛ, a tia kɔ kɔ̃ɛ kɛ a zã ni.

Zumanɔ 94:23

Mɔ dɛ sɛ na, 'dã mɛ 'da wa te dɛ zu wa, nɛ mɔ gbɛ sɛ wa do kpo 'dã mɛnɔ wa dɛ ni. Mɔ NWA Gale 'da lɛ, mɔ kumu sɛ wa vɛ̃.

GBA WENƆ 11:27

Mɔ fa we dɛ de mɔ, nɛ Gale a kɔ̃ sɛ gɛnɛ mɔ. Nɛ nde ngamɔ ma kpa sɛ wi kɛ a lengge tati a we dɛ 'dã mɔ ni.

GBA WENƆ 11:8

Wi bɔlɔ zu hɔ nza kɔ 'bako, nɛ 'dã wi te kɔ 'bako olo a.

GBA WENƆ 26:27

Wi kɛ a zã kɔ̃ dati ngba a ni, nɛ a wele nɛ a te sɛ kɔ nɛ. Nɛ wi kɛ a fa we kimili ta na, ma te ngɔ ngba a ni, nɛ ma te sɛ dɛ ngɔ a wele nɛ.

Yeremi 34:17

Ma kɛ mi NWA, mi tɔ̃ hã nɛ na, nɛ bɛ̃a we nu mi, nɛ nɛ dà kɔ̃ nɛ tɛ onya nɛ be Yudanɔ gɔ. Gulu nɛ a mi NWA, mi da sɛ tɛ mɛ 'bɔ kɔ̃ mi tɛ nɛ, nɛ bolo, do 'dã zɛlɛ, do gba wɔ ma gbɛ sɛ nɛ. Mi dɛ sɛ na, onu kɔnggɔ winɔ ngɔ nù gɛ vɛ̃, wa zɔ mɛ mi nɛ dɛ do nɛ ni, nɛ wa tana kili.

EZEKIƐLƐ 5:13

Zã mi ma nɔ̃lɔ̃ sɛ nganda wena, nɛ sila mi mbɔ́kɔ́ sɛ gɔ gbaa na, mi bili nu gbã hã nɛ sɛ nɛ de. Na mɛ ni, nɛ nɛ ĩ sɛ na, mi NWA Gale, mi wila we hã nɛ. We kɛ mi bɛ̃a gɛnɛ 'dã mɛ 'da nɛ bɛ̃a.

DANIƐLƐ 6:24

Nwa nɛa we zele ni, nɛ sila a dunu do yangga, nɛ a ba nu a na, wa fo Daniɛlɛ kɔ kɔ̃ɛ 'da ogbɔgbɔnɔ dɛ nza. Daniɛlɛ nɛa we hɔ kɔ kɔ̃ɛ dɛ nza, nɛ wa zɔ na, fo dani tɛ̃ a bina, we kɛ a gbini zã a do Gale 'da a.

DANIƐLƐ 6:25

'Do nɛ, nɛ nwa ba nu a na, wa kala winɔ wa da zi Daniɛlɛ ni, hã wa da wa kɔ kɔ̃ɛ 'da ogbɔgbɔnɔ, fala nɛ kpo do owukonɔ do obenɔ 'da wa. Wa 'bana dɛ li ngɔ gɛ iko, nɛ ogbɔgbɔnɔ wa kala wa, nɛ wa o gbãlã tɛ wa dati kɛ na, wa ala dɛ go'do kɔ̃ i ni.

ZAKARIA 6:8

Nɛ NWA sa mɔ hã mi, nɛ a tɔ̃ hã mi na: “Mɔ zɔ ombalatanɔ kɛ wa la dɛ ngɔ nùi si gbãlã ngɔ i ni, wa dɛ sɛ na, Hi Wi 'da mi zĩlĩ ngɔ nùi ni.”

Owi kpe dati 15:7

Nɛ Samsoni tɔ̃ hã Ofilisti na: “We duzu kɛ nɛ dɛa ní ni, mi dɛ sɛ tɛ mɛ 'bɔ nɛ́ kɛ nɛ dɛa ni. Fala kɛ mi bìlì nu gbã mɛ nɛ dɛa gɛ gɔ, nɛ nde sila mi ma gɛ̃ sɛ gɔ.”