ƐSTƐRƐ 4:3 - WE NU GALE 1995

³ Kɔ 'bili tɛ nù kpo kpo, falanɔ vɛ̃ kɛ mbɛti mbula 'da nwa hɔa ni, obe Yuda wa dɛa gã 'bako. Wa bɛ̃a nyɔngɔmɔ, nɛ wa hia kɔ̃a, nɛ wa ala nu wa. Nɛ gili ombe wa he'de tulu gɛla, nɛ wa ɔ dɛ zã bũ.

ƐSTƐRƐ 4:3 Iomraidhean Croise

ƐSTƐRƐ 1:1

We lɛ nɛ tɔ̃ nɛ gɛ, ma dɛa zɛ́ tɛ̃ e kɔ le 'da nwa Sɛrsɛsi. Sɛrsɛsi zi a nwa ngɔ 'bili tɛ nù kama do 'bu nɛ bɔa ngɔ nɛ sambo. Nùi 'da a ndila zi Indɛ, gbaa nɛ ma Sɔkpɔ Etiopi.

ƐSTƐRƐ 3:12

Kɔ̃ zɛkɛ 'da kpo lia 'bu ngɔ nɛ talɛ, nɛ wa sa mɔ hã Owi dɛ mbɛtinɔ 'da nwa. Nɛ Hamanɛ tɔ̃ hã wa na, wa dɛ mbɛti, kɔ wa tombo ma hã Owi olo li nwa, do owi fɔmɔ 'bili tɛ nùnɔ, do onwa ngɔ onu fɛlɛ winɔ kpi do kpi. Wa dɛa mbɛtinɔ ni, do tɛlɛ tɛ kɔma mɛnɔ, do olɛnggɛnɔ vɛ̃ ngɔ nùi 'da nwa ni. Nɛ wa dɛ li nwa Sɛrsɛsi ti nɛ, nɛ wa to ti nɛ do pɛtɛ 'da a.

ƐSTƐRƐ 4:16

“Mɔ sí, nɛ mɔ mba li obe Yudanɔ kɔ Suzɛ gɛ vɛ̃, nɛ nɛ tɛ nyɔngɔ mɔ gɔ, nɛ nɛ wélé nu nɛ tɛ mi na, dɔ mi fé gɔ. 'Do wese talɛ do tũ talɛ, nɛ tɛ 'bè tɛ nyɔngɔ mɔ gɔ, nɛ nɛ tɛ nɔ 'bɔ mbamba lì gɔ. Mi ta 'bɔ do owuko dɛa tonɔ 'da mi, lɛ dɛ sɛ ní. Olo nɛ, nɛ mi gbini sɛ mbula, nɛ mi nɛ sɛ dati nwa. Fala kɛ ma we na mi fe nde, nɛ mi fe sɛ.”

ƐSTƐRƐ 4:2

A hɔa dati tɔa 'da nwa, nɛ a yolo nù, we kɛ wele kpo wè zi we le kɔ ngbo 'da nwa do tulu gɛla gɔ.

ƐSTƐRƐ 4:4

Owukonɔ do ohɔla wi wilinɔ, kɛ wa dɛ toe ti Ɛstɛrɛ, kɛnɛ nwa ni, wa tɔ̃a we mɛ Mardose dɛa ni hã a. Ɛstɛrɛ zila ni, nɛ zu a vĩ, nɛ a kala odia tulu, nɛ a tombo do nɛ hã Mardose na, a fo tulu gɛla do'do, kɔ a he'de gele ki ni. Nɛ Mardose bɛ̃a.

ƐSTƐRƐ 9:31

Nɛ kɔ mbɛtinɔ ni 'bɔ, wa kɔma zi na, obe Yuda wa dúngú ɛngga Purimɛ. Nɛ wa dúngú ma ngboo do kɔ̃ tũnɔ kɛ lo, Ɛstɛrɛ do Mardose lo ia ni. Mbula ni, ma wia na, obe Yuda do nu fɛlɛ wa vɛ̃, wa dɔnggɔ ma, ɔ nɛ kɛ wa dɔnggɔ tũ bɛ̃ nyɔngɔmɛnɔ do tũ ala nu wi ni.

YƆBƆ 2:8

Yɔbɔ nɛa, nɛ a dungu dɛ zã gili bũ, nɛ a ba sangbãlã dɛ kɔ̃ a we gbɛlɛ do tɛ̃ a.

Ezai 22:12

Do ngba soe ni, nɛ NWA Gale ngɔ mɔ nyanga nza vɛ̃ tɔ̃a hã nɛ na: “Nɛ bí tɛ nɛ, nɛ álá nu nɛ, nɛ kɛ́lɛ́ mili zu nɛ do'do, nɛ nɛ he'de tulu gɛla.”

Ezai 22:4

Kɔ we duzu ma, nɛ e mi ni, hã mi he kɔ̃a ngamɛ kɛ owinɔ 'da mi wa kpa ma gɛ, nɛ nɛ tɛ gà mi gɔ.

Ezai 58:5

Do ngba soe ni, nɛ ba tɛ nɛ dɛ nù, nɛ nɛ bɛ̃ nyɔngɔmɔ, nɛ nɛ bili zu nɛ nù ɔ nɛ kɛ sala tɔ̃ bili nɛ ni, nɛ nɛ he'de tulu gɛla, nɛ nɛ ɔ dɛ bulu nù. Nɛ lénggé na, bɛ̃ nyɔngɔmɛ kɛ ma hã yangga hã mi gɛ, mɛ a ki ni nde?

EZEKIƐLƐ 27:30

Wa zɔa le 'da nɛ, nɛ wa he kɔ̃a nɛ, nɛ wa kimili tɛ wa do zã bũ, nɛ wa so fumbɛlɛ dɛ zu wa.

DANIƐLƐ 9:3

Mi bɛ̃a nyɔngɔ mɔ, nɛ mi he'de tulu gɛla, we 'bakoe 'da mi. Nɛ mi yolo dati NWA we sambala a, do we ala nu mi hã a.

YONASI 3:6

'Da fala nwa kɔ le Ninivɛ zila we mɛ ma la ni, nɛ a kulu ngɔ ngɔ kpongbo nwa 'da a, nɛ a hɔlɔ tulu nwa 'da a, nɛ a he'de saki, nɛ a dungu nù dɛ zã bũ.

MATIE 13:42

nɛ wa a wa li gba nyɛa we. Nɛ wa he sɛ kɔ̃a tɛ nyɔngɔ li gogo wa dɛ di ni.

MATIE 22:13

Nɛ nwa ni hã nu ɛ hã Owi tonɔ 'da a na: ‘Nɛ ɛ́nzɛ́ kɔ̃ a do nyanga a, kɔ nɛ dá a nza kɔ gba tũ, tɛ fala kɛ a he sɛ kɔ̃a, nɛ a nyɔngɔ li gogo a ni.’ ”

MATIE 25:30

Kɔ nɛ bá yɔnda wi dɛa toe gɛ, hã nɛ da a nza kɔ gba tũ, tɛ fala kɛ a he sɛ kɔ̃a, nɛ a nyɔngɔ li gogo a ni.’ ”

Yozue 7:6

Nɛ Yozue do okumu Israɛlɛ wa ɛ̃a tulu tɛ wa do 'bako. Nɛ wa ndɔ bũ zu wa, nɛ wa te nzɛlɛ dɛ dati Sanduku Gba Tɔkɛ 'da NWA. Nɛ wa ɔa dɛ di ni gbaa gɛ̃a wese.

1 SAMUƐLƐ 11:4

Owi nɛ tonɔ ni wa nɛa, nɛ wa hɔ kɔ le Gibea, le 'da Saulo. Nɛ wa tɔ̃ we mɛ ma la do wa ni, hã owinɔ kɔ le ni. Owinɔ wa nɛa we zele we ni, nɛ wa he wena.