ƐSTƐRƐ 10:3 - WE NU GALE 1995

³ Tɛ ngɔ nùi 'da nwa, Mardose, be Yuda ni hɔa zi gã wi mbati, nɛ ngawi 'da a nɛa zi dɛ 'do kɛ 'da nwa Sɛrsɛsi. Onya a be Yudanɔ wa kɔ̃a zi a wena, nɛ wa dɔnggɔ zi 'bɔ a wena. Nɛ kɔ dɛa toe 'da a, a fa zi na, onya ɛ wa dungu a dia, nɛ wa tɛ dùngù do kili kɔ sila wa we Owi sɛnɛ wa gɔ.

ƐSTƐRƐ 10:3 Iomraidhean Croise

Ndo Nyanga Dɛ Mɔ 41:40

Mɔ sɛ a gã wi ngɔ tonɔ ngɔ nùi 'da mi gɛ vɛ̃. Nɛ owinɔ 'da mi vɛ̃ wa dɛ sɛ mbulanɔ 'da mɔ vɛ̃. Nɛ mɔ sɛ ngboo dɛ 'do mi.

Ndo Nyanga Dɛ Mɔ 45:10

A ɔ sɛ tɛ Gosɛnɛ, kɛ mɛ a 'bili tɛ nù Ezipeto, sɛ nɛ a kɔlɔ do mi dɔ̃ɔ de. A sɛ fala nɛ kpo do obenɔ 'da a, obe yaa a, do onadalamɛnɔ 'da a vɛ̃.

Ndo Nyanga Dɛ Mɔ 45:11

Mi hã sɛ nyɔngɔmɛnɔ hã a, do nu fɛlɛ kula 'da a, do onadalamɛnɔ 'da a na, da dɛ kɔ wa zɔ́lɔ́ nyɔngɔmɔ fala kpo gɔ. We kɛ gba wɛ ma 'bana 'bɔ gbaa 'do sabɛlɛ mɔlɔ.’ ”

2 Sakonɔ 28:7

Nɛ Zikri, nga soda kɔ nu kpala Efraimɛ gbɛa Maseya, mbe kpo kɔ obenɔ 'da nwa, do Azrikamɛ, wi zɔ mɔ tɛ tɔa 'da nwa, do Ɛlkana, wi kɛ bɔa dɛ ti nwa.

NEHEMIE 2:10

Kɔ Sanɛbalatɛ, be Horoni, do kosolo a Tobia, be Amoni, wa nɛa we zele na mi hɔa we dɛ de dɛa mɔ we obe Israɛlɛ ni, nɛ ma hã̀ yangga hã wa gɔ.

ƐSTƐRƐ 2:5

Do 'da fala ni, nɛ nde mbe be Yuda kpo, li a a Mardose, a ɔ zi dɛ Suzɛ ni. A a be 'da Yairɛ, tɛ nu fɛlɛ kula 'da Simei do Kisi, wi nu kpala Bɛnzamɛ.

ƐSTƐRƐ 3:2

Owi tonɔ kɔ tɔa 'da nwa vɛ̃, wa gu gba zugolo, nɛ wa bili zu wa nù dati Hamanɛ. We kɛ nwa ba zi nu ɛ ní. Nɛ nde Mardose zu ɛ kpo kɔ̃̀ zi we dɛ ni gɔ.

DANIƐLƐ 5:16

Nɛ nde mi zila na, mɔ wia we tɔ̃ gulu be to, do omɛnɔ ma usu tɛ̃ ɛ ni dɛ nza. Fala kɛ mɔ tɔlɔ kɔma mɛ ni, kɔ mɔ tɔ̃ gulu nɛ hã mi, nɛ mi he'de sɛ tulu dɔ̃lɔ̃ li hã mɔ. Mi fi sɛ mɔ gɛlɛ wi mɔ mbali gɛlɛ mɔ, nɛ mɔ sɛ a wi kɛ talɛ kɔ dɛa to nwa ngɔ nùi gɛ.”

DANIƐLƐ 5:29

Baltazarɛ nɛa we zele ni, nɛ a ba nu a do ti hã Owi tonɔ 'da a na, wa he'de tulu dɔ̃lɔ̃ li hã Daniɛlɛ, nɛ wa fi mɔ gɛlɛ wi mɔ mbali gɛlɛ a. Nɛ a ia Daniɛlɛ do wi kɛ talɛ kɔ dɛa to nwa ngɔ nùi.

DANIƐLƐ 6:3

Nɛ a e 'bɔ ogã wi talɛ ngɔ okosolo nwanɔ na, wa tɔ̃ nu dɛa tonɔ 'da wa hã wa, nɛ wa zɔ na, da dɛ kɔ wele 'dángá kpamɛnɔ 'da nwa gɔ. Daniɛlɛ zi a kpo kɔ ogã wi ngɔ okosolo nwanɔ ni.

ROMA 10:1

Onyae, mɛ kɛ mi kɔ̃a do sila mi vɛ, nɛ mi aka Gale we nɛ, mɛ a kɛ na, a kpasa onya mi Oyudanɔ.

ROMA 14:18

Wi kɛ a dɛ toe 'da Kristo na mɛ ni, nɛ a hã yangga hã Gale, nɛ Owele wa dɔnggɔ 'bɔ a.

1 SAMUƐLƐ 18:16

Nɛ owinɔ ngɔ nù Israɛlɛ do Yuda vɛ, wa kɔ̃a gɛnɛ Davidi, we kɛ a hã a kpe ti wa li bolonɔ.

1 SAMUƐLƐ 23:17

A tɔ̃a hã a na: “Mɔ tɛ dɛ̀ kili gɔ. Baa mi wé sɛ we e kɔ̃ ɛ tɛ mɔ gɔ. A ĩ de wena na, mɔ sɛ a nwa ngɔ nù Israɛlɛ, nɛ mi sɛ a kosolo nwa 'da mɔ.”