EFƐZƐ 6:2 - WE NU GALE 1995

² Kuti mbula kɛ Gale ia ma, nɛ a kpua mbulu ngɔ nɛ, mɛ a kɛ na: “Mɔ dɔ́nggɔ́ baa mɔ do naa mɔ,

EFƐZƐ 6:2 Iomraidhean Croise

Kulu Tɔa 20:12

“Mɔ dɔnggɔ baa mɔ do naa mɔ, nɛ zu mɔ ma kutu sɛ mbu ngɔ nùi kɛ mi NWA Gale 'da mɔ, mi hã ma hã mɔ ni.

GBA WENƆ 20:20

Mɔ kana nu mɔ tɛ baa mɔ do naa mɔ, nɛ mɔ zɔ sɛ kpasi 'da mɔ tɛ bi nɛ, ɔ nɛ kɛ mwinda bi, nɛ gba tũ kpe olo nɛ ni.

Yeremi 35:18

'Do ki ni, nɛ mi nɛa 'da Orekabɛ nɛ mi gba olo nu NWA ngɔ mɔ nyanga nza vɛ̃, Gale 'da obe Israɛlɛ hã wa na: “Nɛ zila wenɔ kɛ yaa nɛ Rekabɛ tɔ̃a zi hã nɛ ni, nɛ nɛ dɛa mbulanɔ 'da a vɛ̃ do wala olo nɛ.

Yeremi 35:7

A tɔ̃a zi 'bɔ hã lɛ na, lɛ tɛ dɛ tɔa gɔ, lɛ tɛ wà fɔ gɔ, nɛ lɛ tɛ mì fɔ vinɔ tabi lɛ tɛ òsò ma gɔ. Nɛ nde lɛ ɔ fai kɔ tɔa tande, sɛ a 'do lɛ ma nyɛlɛ ngɔ nùi kɛ lɛ ɔ ngɔ nɛ nɛ́ ogɛnɛnɔ gɛ de.

EZEKIƐLƐ 22:7

Nɛ owinɔ kɔ le 'da nɛ, wa zɔ baa wa do naa wa li wa yala iko. Wa nyɔngɔ 'do gɛlɛ ogɛnɛnɔ, nɛ wa zɛlɛ tɛ obe gulanɔ do wi fio wilinɔ.

MALAKI 1:6

NWA tɔ̃a na: “Mi NWA ngɔ mɔ nyanga nza vɛ̃, mi tɔ̃ hã nɛ onganganɔ na: Bulu be dɔnggɔ baa a dɔngga, nɛ wi dɛa to dɛ mbula nu nwa ngɔ a dɛa. Nɛ ĩ na, mi a baa nɛ, kɔ gulu kɛ nɛ dɔ́nggɔ́ mi gɔ we ge nde? Mi a nwa ngɔ nɛ, kɔ gulu kɛ nɛ dɛ́ mbula nu mi gɔ we ge nde? Nɛ zɔ mi li nɛ yala, nɛ nɛ aka na: ‘Lɛ zɔ mɔ li lɛ yala nɛ nde?’

ROMA 13:7

Nɛ gésé ku'da 'da wele do wele hã a. Nɛ nɛ fútá takonɔ tɛ̃ ɛ do tɛ ɛ hã owinɔ kɛ nɛ wia tɛ futa ma hã wa ni. Nɛ nɛ dɛ́ kili wanɔ kɛ nɛ wia we dɛ kili wa ni, nɛ nɛ dɔ́nggɔ́ wa.

EFƐZƐ 6:3

nɛ mɔ dungu sɛ do dia nɛ, nɛ zu mɔ ma kutu sɛ mbu ngɔ nù gɛ.”

Mbulanɔ 27:16

“ ‘Wele kɛ a hã sape hã baa a do naa a, nɛ Gale fɔmbɔ a.’ Nɛ owinɔ vɛ̃ wa gese sɛ na: ‘Ma na mɛ ni!’

Mbulanɔ 5:16

“ ‘Mɔ dɔ́nggɔ́ baa mɔ do naa mɔ, ɔ nɛ kɛ mi ba zi do nu mi hã mɔ ni. Mɔ dɛ na mɛ ni, nɛ zu mɔ ma kutu sɛ mbu ngɔ nùi kɛ mi NWA Gale 'da mɔ, mi ba hã mɔ ni.

1 TIMOTE 5:4

Kɔ fala kɛ wi fio wili do obe mɔ́ a tabi obe yaa a boe nde, nɛ ma wia na, obenɔ ni wa yambala we dɔnggɔ owele wa, nɛ wa gese dia dɛa mɔ hã owi ko wa. Ki ni ma a dia li Gale.