EFƐZƐ 6:1 - WE NU GALE 1995

¹ Aa nɛ, obenɔ, nɛ dɔ́nggɔ́ Owi ko nɛ we duzu Nwa Yezu. Ki ni a dia mɔ ngboo.

EFƐZƐ 6:1 Iomraidhean Croise

Ndo Nyanga Dɛ Mɔ 28:7

Nɛ Ezau zɔa na, Yakɔbɔ zila we nu baa a do naa a, nɛ a la dɛ Mezopotami i.

Ndo Nyanga Dɛ Mɔ 37:13

Nɛ Yakɔbɔ sa mɔ hã Yozɛfu, nɛ a tɔ̃ hã a na: “Onya mɔ wa a tɛ li zɔ̃ Sikɛmɛ i tɛ fɔmɔ onadalamɛnɔ. Kɔ mi kɔ̃a na, mɔ nɛ́ 'do wa.” Nɛ Yozɛfu kɔ̃a.

Ndo Nyanga Dɛ Mɔ 48:12

Nɛ Yozɛfu kala obenɔ 'da a, kɛ wa zi ngɔ ku baa a ni, nɛ a gu nù ti baa a.

Ndo Nyanga Dɛ Mɔ 50:12

Nɛ obenɔ 'da Yakɔbɔ wa dɛa zi mɛnɔ vɛ̃, nɛ́ kɛ baa wa ba zi do nu ɛ hã wa ni.

NEHEMIE 9:13

Mɔ yula zi li nza i, nɛ mɔ zĩlĩ we wele we do wa tɛ ngɔ kala Sinai. Mɔ bia zi bɔlɔ wala do gbãlã zã bia we hã wa, nɛ mɔ hã ngbongbo mbula hã wa.

ƐSTƐRƐ 2:20

Ɛstɛrɛ tɔ̃̀ zi fala kpo hã wele na, ɛ a be Yuda ni gɔ, we kɛ Mardose bɛ̃a zi we nɛ hã a bɛ̃a. Nɛ a zele zi nu Mardose pii, ɔ nɛ kɛ a zi ti kɔ̃ a i ni.

YƆBƆ 33:27

Nɛ a ga zuma dɛ sanga owinɔ, nɛ a tɔ̃ na: “Mi tia zi do ngbangga, we kɛ mi dɛ̀ zi mbula 'da Gale gɔ. Nɛ nde Gale mbɔkɔ mi, nɛ a ha etumbu hã mi gɔ.

Zumanɔ 119:128

Na mɛ ni, we nu mɔ ɔ li mi fai a bɔlɔ, nɛ mi bɛ̃a gɛnɛ dɛ 'dã mɔ.

Zumanɔ 119:75

Aa NWA, mi ĩ na 'bili wenɔ 'da mɔ ma ɔ bɔlɔ, nɛ mɔ hã zi sape hã mi do gulu nɛ.

Zumanɔ 19:8

Mbula 'da NWA zɔ̀lɔ̀ mɔ kpo gɔ, ma hã mbé ngawi hã lɛ. Bia wenɔ 'da NWA mɛ a gbãlã we, ma hã hã zã hã owinɔ wa zɔlɔ ma ni.

GBA WENƆ 1:8

Aa bulu be 'daa, mɔ zélé baa mɔ do naa mɔ, nɛ mɔ tɛ bɛ mbula wa tɔ̃ hã mɔ ni gɔ.

GBA WENƆ 23:22

Mɔ zélé baa mɔ, we kɛ kpasi 'da mɔ dɛ kɔ̃ a. Mɔ tɛ zɔ̃ naa mɔ li mɔ yala, we kɛ a dɛa gbɛlɛ ia ni gɔ.

GBA WENƆ 30:11

Ombe winɔ wa fɔmbɔ baa wa, nɛ wa tɔ̃̀ dia we kpo hã naa wa gɔ.

GBA WENƆ 30:17

Fala kɛ wele mɔmɔ baa a, kɔ a bɛ̃ we dɔnggɔ naa a, nɛ oziki wa 'dɔ sɛ gbali a, nɛ oganakele wa nyɔngɔ sɛ wɔlɔ a.

GBA WENƆ 6:20

Be 'daa, mɔ dɛ́ mbula kɛ baa mɔ tɔ̃a hã mɔ ni. Nɛ tɛ mɔ tɛ èlè ngɔ mbula naa mɔ bia hã mɔ ni gɔ.

Yeremi 35:14

Yonadabɛ, be 'da Rekabɛ ba zi nu a hã obenɔ 'da a na, wa tɛ nɔ dɔ̃ gɔ. Nɛ Owi nu fɛlɛ kula 'da Rekabɛ, wa ba mbulanɔ ni dɛ kɔ sila wa. Wa bɛ̃a dɔ̃ tia do sɔɛ gɛ. Mba gɔ, wa zila we nu yaa wa. Nɛ nde mi NWA, mi tɛ mbese nɛ mbisa fai, nɛ nde nɛ zélé mi gɔ.

Yeremi 35:18

'Do ki ni, nɛ mi nɛa 'da Orekabɛ nɛ mi gba olo nu NWA ngɔ mɔ nyanga nza vɛ̃, Gale 'da obe Israɛlɛ hã wa na: “Nɛ zila wenɔ kɛ yaa nɛ Rekabɛ tɔ̃a zi hã nɛ ni, nɛ nɛ dɛa mbulanɔ 'da a vɛ̃ do wala olo nɛ.

Yeremi 35:8

Lɛ zila mbulanɔ 'da yaa lɛ Yonadabɛ vɛ̃. Nɛ lɛ do owukonɔ 'da lɛ, do obenɔ 'da lɛ vɛ̃, lɛ nɔ́ dɔ̃ gɔ.

OZE 14:9

We mɔ Oisraɛlɛ sɛ tɛ kpikima bina, we kɛ mi a mi gese sɛ nu sambala 'da wa, nɛ mi zɔ mɔ tɛ wa. Mi ɔ nɛ te kɛ ma hã gɔ̃lɔ̃ hã wa fai ni, nɛ wi hã dia dungu hã wa, wi a mi zu mi kpo.”

Levitɛnɔ 19:3

Ma wia na, wele do wele dɔ́nggɔ́ baa a do naa a, nɛ a lengge do kɔ tũ ɔmɔ tɛ wi, ɔ nɛ kɛ mi tɔ́a ni.

LUKA 2:51

Nɛ Yezu si do wa dɛ Nazarɛtɛ i, nɛ a zila we nu wa do dia nɛ. Nɛ naa a usu wenɔ ni vɛ̃ dɛ kɔ sila ɛ.

ROMA 12:2

Nɛ tɛ bà dɛa mɔ tɛ winɔ ngɔ nùi gɛ gɔ, nɛ nde nɛ há wala hã Gale na, a kifi linggamɛnɔ 'da nɛ, kɔ nɛ hɔ ombé wele. Na mɛ ni, nɛ nɛ ĩ sɛ ti mɛnɔ kɛ zã Gale kɔ̃a ni. Mɛ a mɛnɔ kɛ ma a dia, nɛ ma dɛ yangga tɛ̃a, nɛ ma wia ngboo ni.

ROMA 16:2

Nɛ kɔ̃́ gɛnɛ a kɔ tɔanɔ 'da nɛ do zu li Nwa, ɔ nɛ kɛ owinɔ 'da Gale wa kɔ̃ do gɛnɛ ongba wa ni. Nɛ nɛ gálá a do mɛnɔ vɛ kɛ a aka sɛ nɛ we nɛ ni. Mba gɔ, a dɛ dia mɔ hã Owele wena, nɛ a gala zi 'bɔ mi.

ROMA 7:12

Mbula 'da Mɔizɛ ma yula 'da Gale, nɛ wenɔ vɛ kɛ mbula be ni, ma yula 'da Gale, nɛ ma a bɔlɔ, nɛ ma a dia.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

Mbulanɔ 21:18

“Mbe gɔ, nɛ mbe wele do be zagbãlã be 'da a, nɛ zu a nganda wena. Nɛ gɛnɛ kɔ wa hã etumbu hã a, nɛ nde a kɔ̃̀ we zele Owele a gɔ.

1 TIMOTE 5:4

Kɔ fala kɛ wi fio wili do obe mɔ́ a tabi obe yaa a boe nde, nɛ ma wia na, obenɔ ni wa yambala we dɔnggɔ owele wa, nɛ wa gese dia dɛa mɔ hã owi ko wa. Ki ni ma a dia li Gale.

1 PETRO 2:13

Nɛ́ kɛ nɛ a owinɔ 'da Nwa Yezu Kristo ni, ma wia na, nɛ zele nu onwanɔ ngɔ nù gɛ. Nɛ nɛ zélé nu gã nwa ngɔ nù Roma kɛ a ngɔ winɔ vɛ ni.

RUTI 3:5

Nɛ Ruti gese hã Noemi na: “Mi dɛ sɛ kɛ mɔ tɔ̃a hã mi ni vɛ̃.”

1 SAMUƐLƐ 17:20

Fala nɛa we sa 'do nɛ do titole belee, nɛ Davidi kulu ngɔ, nɛ a la obatanɔ hã mbe wi zɔ mɔ tɛ wa. Nɛ a ba nyɔngɔmɛ ni, nɛ a la, ɔ nɛ kɛ baa a Yɛse ba do nu ɛ hã a ni. A nɛa, nɛ a hɔ tɛ fala ɔi 'da osoda Israɛlɛ, nɛ nde wa tɛ 'dafa tɛ wa we bi bole, nɛ wa he hiamɔ bolo.