“Mi ba sɛ te ti owi lɔa lìnɔ, nɛ mi kã sɛ wa do li wala kɛ wa bà kuti nɛ gɔ ni. Mi dɛ sɛ na, gba tũi kɛ wa kɔ nɛ ni, ma kifi sa fala hã wa. Mi kpe sɛ gɔtɔ kɔ̃nɔ dati wa, nɛ li walanɔ 'da wa ma lɔ sɛ. Mɛnɔ kɛ mi kpua mbulu nɛ gɛ a ni. Mi dɛ sɛ ma ɔ nɛ kɛ mi tɔ̃a ni.
A tɔ̃a hã mi na: “Mi kɔ̃̀ tati nɛ na, mɔ dɛ to hã mi we gese obe Israɛlɛ kɛ wa 'bana nza kɔla 'duli ni iko gɔ. Nɛ nde mi ia 'bɔ mɔ na, mɔ ɔ nɛ nyɛa we, we be li wala hã ogele winɔ, takɔ mi kpasa owinɔ, kɛ wa pɛsa do ngɔ nù gɛ vɛ̃ ni.”
Mi tɔ̃ sɛ hã Owi bɔlɔkɔnɔ na, wa hɔ́ nza hã wa sí do dia nɛ. Nɛ mi tɔ̃ sɛ 'bɔ hã Owi kɔ gba tũnɔ na, wa hɔ́ dɛ sa fala. Owinɔ ni wa ɔ sɛ nɛ obata kɛ wa nɛ, nɛ wa nyɔngɔ owɔkɔsɔnɔ tɛ ngɔ kalanɔ i ni.
Sanga nɛ gɛ vɛ̃, wi kɛ a dɔnggɔ NWA dɔnggɔ ni, nɛ ma wia na, a zele we nu wi dɛa toe 'da NWA. Fala kɛ wele kpa ngamɔ, kɔ a yɛnggɛ kɔ gba tũ, nɛ ma wia na, a gbini zã a do NWA Gale, nɛ a hã tɛ̃ a hã a.
Mɔ NWA, mɔ hã yangga hã wa wena, mɔ dɛa na yangga 'da wa ma gã. Wa zɛ nu wa, nɛ wa dɛ sa dati mɔ, ɔ nɛ kɛ wele dɛ sa 'da fala kala kpalɛ ni. Wa he mɔ do yangga, ɔ nɛ owi kɛ̃ sanga kpamɔ, kɛ wa kala ma li bolo ni.
Nɛ dɔ́nggɔ́ NWA Gale 'da nɛ, dati kɛ na a fi gba tũi kɔ nɛ kɔ zu nyanga nɛ ngɔ kalanɔ ni. Nɛ 'bɔ 'da tua wese, nɛ nde a kpolo sɛ ma do gba tũ, kɛ ma tũ kpirr, ɔ nɛ gba tũ kolo ni.
Kɔ wi kpamɛ ni nɛa we zɔ ni, nɛ a dɔnggɔ kapita wi zũi ni, we duzu hã zã 'da a. Mba gɔ, o'dã winɔ ngɔ nùi gɛ, wa ĩ ti dɛ mɔ hã zã dɛ sanga tɛ ngba wa nɛa ngɔ owinɔ 'da Gale.”
Nɛ Yezu tɔ̃ hã wa na: “Sa fala 'bana tɛ sa ngɔ nɛ we be kɔ̃ tũ sĩ iko. Kɔ nɛ́ kɛ sa fala 'bana ni, ma wia na, nɛ yɛnggɛ do kɔ sa fala, da dɛ kɔ gba tũ gbángá nɛ gɔ. Wi kɛ a yɛnggɛ kɔ gba tũ ni, a ĩ̀ ti fala a nɛ nɛ ni gɔ.
Nɛ Yezu bia 'bɔ mbé we hã ogili winɔ na: “Mi a sa fala kɛ ma sa ngɔ nù gɛ ni. Kɔ wele kɛ a tɛ 'dɔkɔlɔ mi ni, a yɛ́nggɛ́ sɛ 'bɔ kɔ gba tũ gɔ. A yɛnggɛ sɛ kɔ sa fala, nɛ ma be wala kpasi hã a.”
Mi tombo mɔ, takɔ mɔ hũi li winɔ na, wa hɔ nza kɔ tũ fala, kɔ wa le kɔ sa fala. Mɔ fo sɛ winɔ kɔ ngawi 'da Satana, nɛ mɔ kã wa dɛ 'da Gale, nɛ wa kɔ̃ zu li mi Yezu. Nɛ Gale a fo sɛ ku'da 'dã mɛnɔ zu wa, nɛ a a wa sanga owinɔ 'da a.’
Wa ĩ ti Gale ĩ, nɛ nde wa kɔ̃̀ we dɔnggɔ a ɔ nɛ kɛ ma wia do a ni gɔ, nɛ wa kɔ̃̀ 'bɔ we hã iɔ̃nae hã a gɔ. Linggamɛnɔ 'da wa ma busu, nɛ gbãlã zã wa bi do'do, nɛ wa 'bɔ do dia linggamɔ zu wa bina.
Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.
Nɛ lɛ winɔ vɛ kɛ tuli fua tɛ ɛ li lɛ ia ni, yele ngbala dɔ̃lɔ̃ li 'da Nwa yele tɛ lɛ, nɛ ma kifi lɛ na, lɛ we kɔ̃ do Nwa. Nɛ dɔ̃lɔ̃ li ni, ma gã kɔ lɛ dɛ dati gã fai. Nɛ mɛnɔ ni vɛ, wi dɛ ma kɔ lɛ, wi a Hi Wi 'da Nwa.
Gale kɛ a tɔ̃a zɛ́ na: “E kɔ sa fala yele kɔ tũ fala” ni, a 'bɔ a dɛa na, ma yele kɔ sila lɛ, nɛ ma fĩ li lɛ we ĩ ti yele ngbala dɔ̃lɔ̃ li 'da a, kɛ ma ndele bula li Kristo ni.
Nɛ tɛ mbà tɛ dɛa mɔ do owinɔ kɛ wa kɔ̃̀ zu li Kristo gɔɛ ni gɔ, we kɛ nɛ wè kɔ̃ do wa gɔ. De mɔ wia tɛ ɔ fala nɛ kpo do 'dã mɔ nde? Nɛ sa fala wia tɛ mba ngbɛ ɛ do tũ fala nde?
Nɛ yɛnggɛ zi do li 'dã wala ɔ nɛ kɛ owinɔ nù gɛ wa yɛnggɛ ni. Nɛ nɛ zi 'dɔkɔlɔ nwa ngɔ o'dã hi winɔ kɔ bũi sanga li ngɔ gɛ. Nɛ tia do sɔɛ gɛ, 'dã hi wi ni 'bana dɛ to sanga owinɔ kɛ wa bɛa gɛnɛ we nu Gale ni.
Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.
We kɛ lɛ bí bole do Owele ɔ nɛ lɛ gɛ gɔ, nɛ nde lɛ bi do ohi winɔ kɛ wa do ngawi, nɛ wa a onwa do ogã wi ngɔ gba tũi, do o'dã hi winɔ kɛ wa yɛnggɛ do kɔ gba kuti ni.
Nɛ dɛ́ yangga, nɛ nɛ hã iɔ̃nae hã Baa lɛ Gale, we duzu kɛ a 'dafa nɛ na, nɛ we wi kpa de mɛnɔ kɛ a a ma kɔ sa fala 'da a ngɔ i, we 'bɔ do 'da winɔ 'da a ni.
Mba gɔ, zi dati, lɛ zi tɛ mɛ 'bɔ a oyɔnda wi, Owi nga zu. Lɛ yɔa zi wala, nɛ lɛ zi a ngbá 'da wɔ kɔ kili tɛ lɛ, do mɛnɔ kpi do kpi kɛ ma hã zi yangga hã lɛ ni. Lɛ zi a o'dã wi, Owi dɛ bɔnɛ dia mɔ mɔ ngba lɛ. Lɛ sɛnɛ zi ongba lɛ, nɛ wa sɛnɛ tɛ mɛ 'bɔ lɛ.
Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.