EFƐZƐ 5:6 - WE NU GALE 1995

⁶ Dɔ wele ɔ́lɔ́ nɛ do lɛnggɛ bɛlɛ gɔ. Nɔ̃lɔ̃ zã 'da Gale ma te sɛ ngɔ Owi bɛ gɛnɛ a, we duzu 'dã mɛnɔ ni.

EFƐZƐ 5:6 Iomraidhean Croise

2 Onwanɔ 18:20

Mɔ lengge na, wila we nu mɔ wia tɛ nɛ ngɔ osoda do ngawi, we bi bolo olo wa nde? Mɔ bɛ̃a we nu mi, nwa ngɔ nù Asiri. Nɛ wi mɔ gbini zã mɔ do a, nɛ mɔ dɛ nga zu hã mi ni a wio nde?

Zumanɔ 78:31

nɛ zã Gale nɔ̃lã dɛ tɛ wa, nɛ a gbɛa osɔ̃a tɛ zagbãlãnɔ sanga wa do'do.

Yeremi 27:9

Nɛ tɛ zèlè nu Owi gba olo nu mi Gale, do Owi zɔ gulu mɛnɔ, do Owi tɔ̃ gulu yalɛnɔ gɔ. Owinɔ ni wa tɔ̃ hã nɛ na, nɛ hɔ́ sɛ ngbá 'da nwa ngɔ nù Babilonia gɔ.

Yeremi 29:31

mi tombo toe gɛ hã owinɔ kɔlɔ 'duli i ni do zu li Sɛmaya na: “Mi NWA, mi hã sɛ etumbu hã Sɛmaya do obe zã a vɛ̃. Mi tòmbò a gɔ, nɛ nde a tɛ wele we hã nɛ ɔ nɛ kɛ a a wi gba olo nu mi ni. A dɛa na, nɛ kɔ̃ gɛnɛ bɛlɛnɔ ɛ tɔ̃ ni. Kɔ be zã a kpo 'báná sɛ sanga obe Israɛlɛ gɔ. Nɛ be zã a kpo zɔ́ sɛ odia mɛnɔ kɛ mi dɛ sɛ we owinɔ 'da mi ni gɔ. Mba gɔ, a dɛa na owinɔ 'da mi wa bɛ̃ we nu mi. Mi nwa, mi tɔ̃a ni.”

Yeremi 37:9

Mi NWA, mi tɔ̃ hã nɛ na, osoda Babilɔnɛ wa sɛ boe fai, nɛ tɛ lènggè na wa si si gɔ. Nɛ lengge ní, nɛ nde nɛ ɔkɔlɔ tɛ nɛ iko!

Mike 3:5

NWA Gale dãlã we dɛ tɛ Owi gba olo nu a, kɛ wa tɔ̃ bɛlɛ do zu li a hã obe Israɛlɛ ni. A na: “Fala kɛ wele hã mbili hã nɛ, nɛ nɛ tɔ̃ hã a na, a kpa sɛ dia dungu. Kɔ fala kɛ a hã̀ mbili hã nɛ gɔ, nɛ nɛ tɔ̃ na, Owele wa bi sɛ a.

MATIE 24:24

We duzu kɛ ombe wele wa hɔ sɛ, nɛ wa dɛ ogã ɔngbamɔ do ogba sɔ̃ mɔ we ɔkɔlɔ winɔ na, lo a Mɛsiya, tabi lo a Owi gba olo nu Gale. Nɛ mbe gɔ, hã ma we, nɛ wa ɔlɔ sɛ winɔ kɛ Gale saka wa ni.

MATIE 24:4

Nɛ Yezu gese hã wa na: “Li nɛ sɔ̃́, da dɛ kɔ owele wa ɔ́lɔ́ nɛ gɔ.

MARKO 13:22

We duzu kɛ ombe wele wa hɔ sɛ, nɛ wa dɛ oɔngbamɔ do ogba sɔ̃ mɔ we ɔkɔlɔ winɔ na, lo a Mɛsiya, tabi lo a owi gba olo nu Gale. Nɛ mbe gɔ, hã ma we, nɛ wa ɔlɔ sɛ winɔ kɛ Gale saka wa ni.

MARKO 13:5

Nɛ Yezu ma ngɔ tɔ̃ hã wa na: “Li nɛ sɔ̃́ na, da dɛ kɔ wele ɔ́lɔ́ nɛ gɔ.

ROMA 1:18

Gbãlã we, mãlã 'da Gale yolo li nza i, nɛ ma te dɛ ngɔ winɔ vɛ kɛ wa bɛ̃ Gale, nɛ wa dɛ 'dã mɛnɔ kpi do kpi, nɛ 'dã mɛnɔ ni ma vĩ zu winɔ na, wa tɛ ĩ̀ ti gbãlã we 'da Gale gɔ ni.

KƆLƆSƐ 2:18

Nɛ tɛ lènggè do winɔ kɛ wa a tɛ wa do mɛnɔ wa zɔa li yalɛ, nɛ wa dɛ yangga ba tɛ wa dɛ nù, do dɔnggɔ anzɛnɔ nɛ́ ogale ni gɔ. Nɛ tɛ hã̀ wala hã wa na, wa nɛ ngɔ nɛ gɔ. We kɛ linggamɛnɔ 'da wa mɛ a linggamɔ mɔ́ wele iko, nɛ kɔ sila wa dunu do wali.

KƆLƆSƐ 2:4

Mi tɔ̃a hã nɛ ní na, dɔ wele kpo ɔ́lɔ́ nɛ do ɛ̃fɛ̃ lɛnggɛ iko gɔ.

KƆLƆSƐ 2:8

Li nɛ sɔ̃̀, dɔ wele kpo ɔ́lɔ́ nɛ do bia we bɛlɛ kɛ ma yula kɔ hã zã mɔ́ wele iko ni gɔ. Ki ni, mɛ a mɔ olo oyaa wa, nɛ ma yula 'da o'dã hi winɔ nù gɛ, nɛ nde ma yòlò 'da Kristo gɔ.

KƆLƆSƐ 3:6

Mɛnɔ ni ma nɔ̃lɔ̃ zã Gale dɛ tɛ owinɔ wa dɛ ma ni wena.

2 TƐSALONIKƐ 2:3

Da dɛ kɔ wele ɔlɔ nɛ do gele we gɔ. Mba gɔ, dati kɛ na kɔ̃ tũi ni ma we, nɛ Owele wena wa bé sɛ gɛnɛ Gale, nɛ Wi 'danga mbula 'da Gale a be sɛ tɛ a nza. A a wi kɛ Gale a gbɛ sɛ a do ndɔti nɛ.

OHEBRE 13:9

Nɛ tɛ kɔ̃̀ na, owi be ogele bia wenɔ kpi do kpi, wa vĩ zu nɛ gɔ. Mɛ kɛ ma kpãlã sila lɛ, mɛ a dia zã 'da Gale dɛ 'da lɛ, nɛ nde mɛ a dɛ mbula ngɔ nyɔngɔmɔ gɔ. Owinɔ kɛ wa dɛ mbulanɔ ni, wa kpá si mɔ olo nɛ gɔ.

OHEBRE 3:19

Nɛ lɛ zɔa na, wa lè fala kpe tɛ wi ni gɔ, we duzu kɛ wa kɔ̃̀ zɛ́ we nu Gale gɔ.

1 PETRO 2:8

Nɛ wa kɔma 'bɔ na: “Mɛ a ta kɛ owinɔ wa kɔ do nyanga wa, nɛ ma fi wa nù ni.” Ta ni ma kɔa nyanga wa, we kɛ wa bɛ̃a we zele nu Gale. We duzu ma, Gale 'bili zɛ́ we 'da wa belee na, ma dɛ sɛ tɛ̃ ɛ hã wa na mɛ ni.

1 YOANƐ 4:1

Aa nɛ, oyali ngba mi, nɛ tɛ kɔ̃̀ we 'da winɔ kɛ wa tɔ̃ na, lo do Hi Wi 'da Gale kɔ lo boe ni do ti 1 iko gɔ. Nɛ nde nɛ yámbá wa dati, takɔ nɛ ĩ na, Hi Wi kɛ wa do ma ni, ma yula 'da Gale nde. Mba gɔ, ngangga gɛ owi gba olo nu Gale do bɛlɛ, wa dɛlɛ ngɔ nù gɛ wena.