EFƐZƐ 5:5 - WE NU GALE 1995

⁵ Mba gɔ, nɛ ĩ na, wi yɛnggɛ vĩ zu yɛli, tabi wi dɛ mɔ sape, tabi wi dɛ nga'ba lé sɛ kɔ le nwa 'da Kristo do Gale gɔ. Dɛ nga'ba ma ɔ nɛ dɔnggɔ kpikima ni.

EFƐZƐ 5:5 Iomraidhean Croise

Kulu Tɔa 20:17

“Mɔ tɛ è sila mɔ ngɔ mɔ mɔ́ ngba mɔ gɔ. Mɔ tɛ è sila mɔ ngɔ tɔa 'da a, kɛnɛ a, owi tonɔ 'da a, ngɔmbɔ, punda, tabi gele mɔ mɔ a kpo gɔ.”

Owi Nɛ Tonɔ 20:32

“Kɔ di dɔ̃ ni, mi la nɛ dɛ tambala kɔ̃ Gale. We nu a kɛ ma be dia zã 'da a ni, ma fɔmɔ sɛ nɛ. We kɛ a wia we hã ngawi hã nɛ, nɛ a wia 'bɔ we hã dia mɛnɔ kɛ a usu we winɔ 'da a ni hã nɛ.

Owi Nɛ Tonɔ 8:21

Mɔ wè we mba do lɛ kɔ toe gɛ gɔ, we kɛ sila mɔ a sa li Gale gɔ.

GALATI 5:19

Lɛ ĩ ti mɛnɔ kɛ wɔ kɔ kili tɛ wele tombo a we dɛ nɛ ni. Mɛnɔ ni, ma kɛ: yɛnggɛ vĩ zu yali, dɛ mɔ ndi li Gale, dɛ mɔ sape,

GALATI 5:21

'bã mɔ, te bá dɔ̃, dɛ nga'ba, do ogele 'dã mɛnɔ vɛ́ kɛ ma wia kɔ̃ do ma ni. Mi tɔ̃ hã nɛ, ɔ nɛ kɛ mi tɔ̃a zi 'bɔ hã nɛ ni na, owinɔ wa dɛ mɛnɔ ní ni, wa lé sɛ kɔ le nwa 'da Gale gɔ.

EFƐZƐ 5:3

Nɛ a owinɔ 'da Gale, kɔ nɛ tɛ yɛ̀nggɛ̀ vĩ zu yɛli, do dɛ̀ mɔ sape, do dɛ̀ nga'ba gɔ. Nɛ nɛ tɛ sà mbamba li mɛnɔ ni gɔ.

KƆLƆSƐ 1:13

A fua zi lɛ ti ngawi 'da ohi wi kɔ gba tũ, nɛ a a lɛ kɔ le nwa 'da Be 'da a, kɛ a ngɔ sila a ni.

KƆLƆSƐ 3:5

We duzu ma, nɛ bɛ̃́ gɛnɛ wɔ mɔ li nùi kɛ ma 'bana kɔ sila nɛ ni. Nɛ lá fala yɛnggɛ vĩ zu yɛli, do dɛ mɔ sape, lengge mɔ sape, kɔ̃ gɛnɛ 'dã wɔ kɔ sila wi, do dɛ nga'ba kpamɔ, kɛ ma ɔ nɛ dɔnggɔ gele gale ni.

1 TIMOTE 6:10

Mba gɔ, wɔ tɛ mbili, mɛ a gulu 'dã mɛnɔ vɛ. Ombe wele wa yɔa wala 'da Kristo kɛ wa kɔ̃a zi a ni do'do, we kɛ wa ba zi tɛ wa vɛ we mbili iko, nɛ wa kpa ngamɔ kɔ sila wa wena.

1 TIMOTE 6:17

Mɔ tɔ̃̀ hã owinɔ kɛ wa do kpamɔ ngɔ nù gɛ wena ni na, wa tɛ ɔ̀ do gã zu gɔ, nɛ wa tɛ gbìnì zã wa do kpamɛnɔ 'da wa kɛ ma 'danga sɛ dɔ̃ iko ni gɔ. Nɛ nde wa gbini zã wa do Gale kɛ a hã mɛnɔ vɛ́ hã lɛ dɛlɛ wena na, lɛ dɛ yangga do ma ni.

OHEBRE 13:4

E kɔ owinɔ wa ba ngba wa do wala do nɛ. Ma wia na, wi wili mba ngɔ mɔ ɔi tati nɛ do wuke 'da a ngboo, nɛ wuko mba ngɔ mɔ ɔi tati nɛ do wili a ngboo. Mba gɔ, Gale a 'bili sɛ ngbangga dɛ ngɔ owi yɛnggɛ vĩ zu yɛli, do owi ɔ do wili tabi wuko 'da ngba wa.

Yozue 7:21

Kɔ mɛnɔ mi kala ni, mi zɔa gã tulu kɛ ma yula tɛ Mezopotami, nɛ ma de wena. Nɛ mi zɔ 'bɔ ngɔ gili fɛ̃a mɔ bolo kama bɔa, nɛ mɔ mbali kilo kpo mbee bɔa. Nɛ ma dia tɛ mi nɛ ge nde ni, nɛ mi kala ma, nɛ mi zã kɔ ti tɔa tande 'da mi ni, nɛ mi mi ma dɛ di ni. Mi ia fɛ̃a mɔ bole do go'do kɔ̃ɛ. Kɔ nɛ kpa sɛ ma dɛ di ni.”

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.