EFƐZƐ 5:3 - WE NU GALE 1995

³ Nɛ a owinɔ 'da Gale, kɔ nɛ tɛ yɛ̀nggɛ̀ vĩ zu yɛli, do dɛ̀ mɔ sape, do dɛ̀ nga'ba gɔ. Nɛ nɛ tɛ sà mbamba li mɛnɔ ni gɔ.

EFƐZƐ 5:3 Iomraidhean Croise

Zumanɔ 10:3

Na mɛ ni, nɛ 'dã wi ni, a dɔnggɔ tɛ̃ a na, linggamɔ zu ɛ dɛa tɛ̃ ɛ, nɛ ɛ kpa dia mɔ do nga ngu'du. Nɛ nde a lénggé do dɔnggɔ NWA Gale gɔ, a mɔmɔ a mɔma iko.

Zumanɔ 119:36

Mɔ é wɔ dɛ mbulanɔ 'da mɔ kɔ sila mi, nɛ ma nɛ ngɔ wɔ fa kpamɔ.

Kulu Tɔa 18:21

Dɛ ngɔ nɛ, mɔ sáká kɔ owinɔ, nɛ mɔ kala wanɔ kɛ wa a wi dĩ, nɛ wa dɛ kili Gale dɛa, nɛ wa a wi bɔlɔ zu, nɛ wa dɛ́ to olo avoka gɔ ni. Wanɔ ni, mɔ é wa do owi zɔ mɔ tɛ ongba wa. Mɔ e sɛ wa ngɔ ogili wele koto kpo, kama kpo, 'bu nɛ mɔlɔ, tabi Owele 'bu.

Kulu Tɔa 20:17

“Mɔ tɛ è sila mɔ ngɔ mɔ mɔ́ ngba mɔ gɔ. Mɔ tɛ è sila mɔ ngɔ tɔa 'da a, kɛnɛ a, owi tonɔ 'da a, ngɔmbɔ, punda, tabi gele mɔ mɔ a kpo gɔ.”

Kulu Tɔa 23:13

Nɛ zélé mbulanɔ vɛ̃ kɛ mi NWA, mi hã ma hã nɛ gɛ. Nɛ tɛ sàmbàlà ogele gale fala kpo gɔ, nɛ nɛ tɛ sà mbamba li wa gɔ.

GBA WENƆ 28:16

Nwa kɛ a zɛlɛ tɛ owinɔ ni, gbãlã zã a bina. Nɛ nde nwa kɛ a kɔ̃̀ we fa mbili iko gɔ ni, a dɛ sɛ to nwa 'da a, nɛ 'do a nyɛlɛ.

Yeremi 22:17

Nɛ nde mɔ, mɔ fa tati a dia mɛ 'da mɔ wele nɛ. Mɔ gbɛ Owi dia gulu we, nɛ mɔ zɛlɛ tɛ owinɔ 'da mɔ.

Yeremi 6:13

We duzu kɛ wele do wele, be tabi kpasa wi, a fa tati a kpasi 'da a zu a kpo. Nɛ owi gba olo nu mi, do onganganɔ, wa vɛ̃ a owi zũ iko.

Yeremi 8:10

Gulu nɛ a mi nwa, mi kala sɛ fɔnɔ 'da wa, do wukonɔ 'da wa, nɛ mi 'dɔlɔ wa hã ogele wele. We duzu kɛ wele do wele, be tabi kpasa nɛ, a fa tati a kpasi 'da a zu a kpo. Nɛ owi gba olo nu mi do onganganɔ, wa vɛ̃ a owi zũ iko.

EZEKIƐLƐ 33:31

Nɛ owinɔ 'da mi wa mba ngba wa dɛ 'da mɔ we zele mɔ. Wa zele, nɛ nde wa dɛ́ kɛ wa zila ni gɔ. Wa kɔ do nu wa iko, nɛ nde wa dɛ tati a mɔ kɛ ma gala wa wele nɛ ni.

Levitɛnɔ 15:18

“Fala kɛ wi wili do wuko wa ɔ do ngba wa, nɛ ma wia na, wa fɔlɔ tɛ wa bɔa nɛ. Nɛ nde wa 'bana sɛ owi ndi li Gale gbaa we hɔ gɛ̃a wese.

Mike 2:2

Fala kɛ nɛ zɔ tɔa, tabi fɔ, kɔ ma de tɛ nɛ, nɛ nɛ kala ma kɔ̃ Owele nɛ. Nɛ zũ 'bɔ nùi 'da owinɔ, nɛ nɛ kala odia mɛnɔ kɔ̃ wa do obenɔ 'da wa.

Tɔlɔ Mɔ 25:1

'Da fala obe Israɛlɛ wa tɛ ɔ dɛ Sitimɛ ni, nɛ wa yɛnggɛ vĩ zu yɛli do owuko Moabɛ.

MATIE 15:19

Mba gɔ, 'dã linggamɔ yolo kɔ zã wele, sɛ nɛ ma tombo a we gbɛ wi, ɔ do kɛnɛ ngba a tabi wili mɔ́ ngba a, yɛnggɛ vĩ zu yali, zũ mɔ, 'bili bɛlɛ do zu li wele, do dã dɛla de.

LUKA 12:15

'Do nɛ, nɛ a tɔ̃ hã winɔ vɛ̃ na: “Li nɛ sɔ̃́! Dɔ wɔ kpamɔ ga li sila nɛ gɔ. Mba gɔ, dungu nza 'da wele ma zɔ̀ gili kpamɛnɔ 'da a gɔ.”

LUKA 16:14

Yezu nɛa we tɔ̃ wenɔ ni do'do, nɛ Ofariziɛnɔ wa mɔmɔ a wena, we kɛ wa kɔ̃ gɛnɛ mbili wena.

Owi Nɛ Tonɔ 15:20

Nɛ nde ma wia na, lɛ kɔmɔ mbɛti hã wa na, da dɛ kɔ wa nyɔ́ngɔ́ mulu sa'denɔ kɛ wa dɔnggɔ do kpikimanɔ ni gɔ. Nɛ wa fɔ́mɔ́ kili tɛ wa na, wa tɛ yɛ̀nggɛ̀ vĩ zu yali gɔ, nɛ wa tɛ nyɔ̀ngɔ̀ sa'de kɛ wa sa'ba gɛlɛ a sa'ba iko ni gɔ, nɛ wa tɛ nyɔ̀ngɔ̀ tɔkɔ gɔ.

Owi Nɛ Tonɔ 20:33

Mi 'bã̀ zi kpamɔ, tabi tulu mɔ́ wele gɔ.

ROMA 1:29

Kɔ sila winɔ ni dunu do 'dã mɔ kpi do kpi: 'Dã sila, dɛ nga'ba, ɔ do mãlã, dɛ bɔnɛ, gbɛ wele, kpa we, dɛ 'dã hã, ɔlɔ wele, do tɔ̃ ngalangba.

ROMA 16:2

Nɛ kɔ̃́ gɛnɛ a kɔ tɔanɔ 'da nɛ do zu li Nwa, ɔ nɛ kɛ owinɔ 'da Gale wa kɔ̃ do gɛnɛ ongba wa ni. Nɛ nɛ gálá a do mɛnɔ vɛ kɛ a aka sɛ nɛ we nɛ ni. Mba gɔ, a dɛ dia mɔ hã Owele wena, nɛ a gala zi 'bɔ mi.

ROMA 6:13

Nɛ tɛ hã̀ tɛ nɛ we dɛ 'dã mɔ gɔ, nɛ nɛ tɛ è kifi tɛ nɛ fi wala dɛ 'dã mɔ gɔ. Nɛ nde ɔ nɛ kɛ Gale kpasa nɛ kɔ fio ia ni, nɛ hã́ tɛ nɛ vɛ we dɛ to hã a, nɛ é kifi tɛ nɛ fi wala dɛ bɔlɔ zu dɛa mɔ.

1 KORINTƐ 10:8

Nɛ lɛ tɛ yɛ̀nggɛ̀ vĩ zu yali, ɔ nɛ kɛ ombe sanga wa wa yɛnggɛ zi ni gɔ. We duzu vĩ zu yali ni, ma kɛ Gale gbɛa zi ombe sanga wa 'bu koto bɔa ngɔ wa talɛ li wese kpo ni.

1 KORINTƐ 5:1

Winɔ wa tɔ̃ we 'da nɛ na, mɔ sape dɛa tɛ́ ɛ sanga nɛ. Nɛ mɛ a gã mɔ sape kɛ gɛnɛ kɔ opaganɔ, nɛ nde wa wè tɛ dɛ ma gɔ ni. Mi zila na mbe sanga nɛ ni a ɔ do kɛnɛ baa a.

1 KORINTƐ 6:13

Nɛ tɔ̃a na: “Gale dɛa nyɔngɔmɔ we zã wi, nɛ a dɛ zã wi we nyɔngɔmɔ.” Mɛ a gbãlã we, ĩ na, Nwa Gale a 'danga sɛ mɛnɔ ni bɔa nɛ. Gale dɛ̀ kili tɛ wele, takɔ wele dɛ do mɔ sape gɔ. Nɛ nde a dɛa ma, takɔ wele dɛ do to hã Nwa Yezu. Nɛ wi a a hã a zɔ mɔ tɛ kili tɛ wi.

1 KORINTƐ 6:18

Nɛ yú vĩ zu yali! Mba gɔ, ogele 'dã mɛnɔ kɛ wele dɛ ni, ma lé kɔ kili tɛ a gɔ. Nɛ nde wi yɛnggɛ vĩ zu yali, a dɛ 'dã mɔ dɛ kili tɛ a ngboo.

2 KORINTƐ 12:21

Nɛ mi 'bɔ do kili na, dɔ mi nɛ hɔ 'da nɛ i, nɛ mi kpá sape li Gale gɔ. Nɛ mi he sɛ kɔ̃a we duzu ombe gili winɔ sanga nɛ ni, kɛ wa dɛa zi 'dã mɛnɔ, nɛ wa là fala nɛ gɔ, nɛ wa 'bana tɛ dɛ mɔ sape, do yɛnggɛ vĩ zu yali, do dɛ 'dã mɛnɔ vɛ́ ni.

EFƐZƐ 5:12

(Mɛ a sape wena we tɔ̃ lɛnggɛ mɛnɔ kɛ winɔ wa dɛ do usu nɛ ni.)

EFƐZƐ 5:5

Mba gɔ, nɛ ĩ na, wi yɛnggɛ vĩ zu yɛli, tabi wi dɛ mɔ sape, tabi wi dɛ nga'ba lé sɛ kɔ le nwa 'da Kristo do Gale gɔ. Dɛ nga'ba ma ɔ nɛ dɔnggɔ kpikima ni.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

KƆLƆSƐ 3:5

We duzu ma, nɛ bɛ̃́ gɛnɛ wɔ mɔ li nùi kɛ ma 'bana kɔ sila nɛ ni. Nɛ lá fala yɛnggɛ vĩ zu yɛli, do dɛ mɔ sape, lengge mɔ sape, kɔ̃ gɛnɛ 'dã wɔ kɔ sila wi, do dɛ nga'ba kpamɔ, kɛ ma ɔ nɛ dɔnggɔ gele gale ni.

1 TƐSALONIKƐ 4:3

Gale kɔ̃a na, nɛ ɔ́ owinɔ 'da a ngboo, nɛ nɛ yú dɛ mɔ sape.

1 TƐSALONIKƐ 4:7

Gale sà zi mɔ hã lɛ we dɛ mɔ sape gɔ, nɛ nde a sa mɔ hã lɛ na, lɛ ɔ owinɔ 'da a ngboo.

1 TIMOTE 2:10

Nɛ nde wa dɛ́ de dɛa mɔ nɛ́ kɛ ma wia do owukonɔ kɛ wa zɔ tɛ wa nɛ́ owinɔ 'da Gale ni.

1 TIMOTE 3:3

A tɛ ha tɛ a we dɔ̃ gɔ, nɛ zã a tɛ nɔ̃̀lɔ̃̀ dɔ̃ dɔ̃ gɔ. Nɛ nde a ɔ́ wi gɛ̃a sila, do wi dɛ na, nɛ wɔ mbili tɛ gà li sila a gɔ.

1 TIMOTE 6:10

Mba gɔ, wɔ tɛ mbili, mɛ a gulu 'dã mɛnɔ vɛ. Ombe wele wa yɔa wala 'da Kristo kɛ wa kɔ̃a zi a ni do'do, we kɛ wa ba zi tɛ wa vɛ we mbili iko, nɛ wa kpa ngamɔ kɔ sila wa wena.

2 TIMOTE 3:2

Mba gɔ, Owele wa lengge sɛ do kili tɛ wa wele nɛ iko, nɛ wa kɔ̃ sɛ gɛnɛ mbili wena. Wa ma sɛ ngɔ dɔnggɔ tɛ wa, nɛ zu wa ma gã sɛ wena. Wa dã sɛ zu li Gale, nɛ wa bɛ sɛ we nu owi ko wa. Wa dɔ́nggɔ́ sɛ wi dɛ de mɔ hã wa gɔ, nɛ wa dĩ́lĩ́ sɛ fala mɛnɔ 'da Gale gɔ.

TITO 1:11

Kɔ ma wia na, mɔ kpe nu wa, we kɛ wa fi kafi li sila ombe nu fɛlɛ kulanɔ vɛ̃, nɛ wa be wenɔ kɛ ma wè gɔ ni. Wa dɛ ní we kpa mbili olo nɛ do 'dã hã iko.

TITO 1:7

Mba gɔ, wi zɔ mɔ tɛ eklezia a wi dɛa toe 'da Gale, nɛ ma wè na, a dɛ mɔ kɛ wa sa kɔ'da tɛ̃ a we nɛ ni gɔ. A tɛ ɔ̀ wi dɛ gã zu tabi wi nɔ̃lɔ̃ zã gɔ. Nɛ a tɛ ò wi bá dɔ̃ tabi wi kpa we gɔ. A tɛ fà we kpa mbili do 'dã hã gɔ.

TITO 2:3

Nɛ kɛ 'da okpasa wukonɔ, mɔ tɔ̃ 'bɔ hã wa na, wa dɛ mɔ tɛ wa we do kɛ Gale kɔ̃a gɛnɛ nɛ ni. Wa tɛ tɔ tɛ wele gɔ, nɛ wa tɛ hã̀ tɛ wa we nɔ dɔ̃ gɔ. Ma wia na, wa ɔ Owi tɔ̃ dia mbula,

OHEBRE 12:16

Li nɛ sɔ̃́, dɔ wele kpo sanga nɛ bá tɛ̃ a we yɛnggɛ vĩ zu yɛli gɔ, tabi a zɔ́ mɔ santo li a yala, ɔ nɛ kɛ Ezau dɛa zi ni gɔ. Ezau tɛka zi nwa kuti be kɛ ma wia sɔ na, a kpa ma olo baa a ni, nɛ a kpula ma do sani nyɔngɔmɔ kpo.

Yozue 7:21

Kɔ mɛnɔ mi kala ni, mi zɔa gã tulu kɛ ma yula tɛ Mezopotami, nɛ ma de wena. Nɛ mi zɔ 'bɔ ngɔ gili fɛ̃a mɔ bolo kama bɔa, nɛ mɔ mbali kilo kpo mbee bɔa. Nɛ ma dia tɛ mi nɛ ge nde ni, nɛ mi kala ma, nɛ mi zã kɔ ti tɔa tande 'da mi ni, nɛ mi mi ma dɛ di ni. Mi ia fɛ̃a mɔ bole do go'do kɔ̃ɛ. Kɔ nɛ kpa sɛ ma dɛ di ni.”

1 PETRO 5:2

nɛ zɔ́ mɔ tɛ winɔ 'da Gale kɛ a a wa dɛ kɔ̃ nɛ ni, ɔ nɛ kɛ Owi zɔ mɔ tɛ bata, wa zɔ do mɔ tɛ batanɔ 'da wa ni. Nɛ tɛ zɔ̀ mɔ tɛ wa, ɔ nɛ kɛ Owele wa ngbɔkɔ nɛ ngbɔka ni gɔ, nɛ nde nɛ zɔ́ mɔ tɛ wa do yangga, nɛ́ kɛ Gale kɔ̃a ni. Nɛ tɛ dɛ̀ toe ni we wɔ tɛ mbili gɔ, nɛ nde nɛ bá tɛ nɛ we nɛ do sila nɛ vɛ̃.

2 PETRO 2:10

Nɛ nde dati ngboo, a hã sɛ gã etumbu hã owinɔ kɛ wa dɛ 'dã mɔ kɛ wɔ zã wa kɔ̃a, nɛ wa bɛ na, Gale a Nwa ngɔ lo gɔ ni. Owi be we bɛlɛnɔ kɛ mi tɔ̃a sɔ we 'da wa hã nɛ ni, wa do kili bina, nɛ zu wa nganda wena. Nɛ wa dɛ́ 'bɔ kili dã Owi dɔ̃lɔ̃ linɔ li nza i ni gɔ.

2 PETRO 2:14

Gbali wa kɛnggɛlɛ tati a owuko ndumbanɔ we fa wa, nɛ wɔ tɛ 'dã mɔ é kɔ sila wa fala kpo gɔ. Wa ɔkɔlɔ winɔ kɛ sila wa ngàndà gɔ ni, nɛ wa fi wa kɔ 'dã mɔ. Wɔ mbili gã kɔ sila wa wena. Nɛ nde Gale fɔmba wa ia.

2 PETRO 2:3

Owi 'bili bɛlɛnɔ ni, wa sɛ do wɔ mbili wena, nɛ wa ɔkɔlɔ sɛ nɛ do bɛlɛnɔ 'da wa we kpa mɔ kɔ̃ nɛ. Nɛ nde Gale 'bili zi we 'da wa belee ia, nɛ etumbu 'bɔ 'da wa 'bɔa iko.

USU MƐNƆ 2:14

Nɛ nde mi kɔ'dɔ nɛ we 'dã mɔ kpo: Ombe sanga nɛ ni wa kɔ̃a gɛnɛ bia we kɛ Balamɛ bia zɛ́ ma ni. Balamɛ tɔ̃a zi hã Balakɛ na, a be 'dã wala hã obe Israɛlɛ, nɛ a ɔlɔ wa na, wa nyɔngɔ osa'denɔ kɛ wa gbɛ wa we dɔnggɔ do okpikimanɔ ni, nɛ wa dɛ mɔ sape.

USU MƐNƆ 2:21

Mi hã ngba soe hã a na, a kifi sila a. Nɛ nde a kɔ̃̀ we la fala dɛ mɔ sape ni gɔ.

USU MƐNƆ 21:8

Nɛ nde owi yu ngamɛnɔ, do owi bɛ̃ we nu Gale, owi dɛ mɔ sapenɔ, owi gbɛ winɔ, owi yɛnggɛ vĩ zu yɛlinɔ, owi dɛ sɔ̃nɔ, Owi dɔnggɔ kpikimanɔ, do owi 'bili bɛlɛnɔ vɛ, wa da sɛ wa li gba nyɛa we, kɛ ma nyɛ gile gile ni. Ki ni a bɔa fie hã ni.”

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.

USU MƐNƆ 9:21

Owinɔ ni wa là 'bɔ fala gbɛ winɔ, do dɛ sɔ̃nɔ, do yɛnggɛ vĩ zu yɛlinɔ, do zũ mɛnɔ gɔ.

1 SAMUƐLƐ 8:3

Nɛ nde obenɔ 'da Samuɛlɛ wa hɔ̀ a gɔ. Wa lengge tati a do mbilinɔ winɔ wa 'dɔlɔ hã wa ni, nɛ nde wa gɔ́nɔ́ wenɔ do bɔlɔ nɛ gɔ.