EFƐZƐ 5:2 - WE NU GALE 1995

² Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

EFƐZƐ 5:2 Iomraidhean Croise

Ndo Nyanga Dɛ Mɔ 8:21

Nɛ zɛ dɔnggamɛ ni unu NWA, nɛ ma de tɛ a wena, nɛ a tɔ̃ do kɔ sila a na: “Mi fɔmbɔ sɛ 'bɔ nùi we duzu 'dã dɛa mɛnɔ kɛ owinɔ wa dɛ ma ni gɔ. Gɛnɛ kɔ mi ĩ na, 'dã linggamɔ lia zi kɔ sila wele belee do be tɛ a, nɛ nde mi gbɛ sɛ 'bɔ Otunu li mɛnɔ ɔ nɛ kɛ mi dɛa gɛ gɔ.

Kulu Tɔa 29:18

Nɛ mɔ dɔ sɛ sa'de ni vɛ̃ we dɔnggɔ do mi Gale, nɛ zɛ̃ we nɛ ma unu sɛ mi, nɛ ma de tɛ mi.

Kulu Tɔa 29:25

'Do nɛ, nɛ mɔ kala odɔnggamɛnɔ ni kɔ̃ wa, nɛ mɔ dɔ ma dɛ ngɔ gbagala hã mi, nɛ zɛ̃ we nɛ ma unu sɛ mi, nɛ ma de tɛ mi.

Levitɛnɔ 1:13

'Do nɛ, nɛ wi ni a fɔlɔ sɛ kala zã sa'de, do ogbɔgɔlɔ nyanga nɛ. Nɛ mbe nganga kpo, a be sɛ ma hã NWA, nɛ a dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:17

'Do nɛ, nɛ a ɛ̃ sɛ sanga nɔɛ bɔa, nɛ a tata a, nɛ o'baka nɛ ma 'bana dɛ tɛ nɛ. Nɛ a dɔ sɛ ma vɛ̃ li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:9

Nɛ wi ni a fɔlɔ sɛ kala zã sa'de ni mba do ogbɔgɔlɔ nyanga nɛ, nɛ mbe nganga kpo dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 3:16

Nɛ nganga a dɔ sɛ mɛnɔ ni vɛ̃ dɛ ngɔ gbagala. Mɛ sɛ a nyɔngɔmɔ kɛ wa dɔ hã NWA, he zɛ̃ nɛ unu a, nɛ ma de tɛ̃ a. Wele kɛndɔnɔ vɛ̃ a mɔ NWA.

AMƆSI 5:21

NWA tɔ̃a na: “Mi kɔ̃̀ gɛnɛ ɛngganɔ kɛ nɛ dungu we dɔnggɔ do mi ni gɔ. Mi kɔ̃̀ 'bɔ gɛnɛ sambalanɔ 'da nɛ gɔ.

MATIE 20:28

We duzu kɛ mi Be 'da Wele, mi tɛ̀ na Owele wa dɛ to hã mi gɔ, nɛ nde mi tɛa we dɛ to hã Owele, nɛ mi hã 'bɔ tɛ mi hã fio, takɔ mi gɔnɔ zu ogba gili wele.”

YOANƐ 13:34

Mi hã mbé mbula hã nɛ na, nɛ kɔ̃́ gɛnɛ ngba nɛ. Nɛ ma wia na, nɛ kɔ̃ gɛnɛ ngba nɛ, ɔ nɛ kɛ mi kɔ̃a do gɛnɛ nɛ ni.

YOANƐ 6:51

Mi a nyɔngɔmɛ kɛ ma yula ngɔ i, nɛ ma hã kpasi ni. Fala kɛ wele nyɔngɔ ma, nɛ a sɛ do kpasi fai. Nyɔngɔmɛ mi hã sɛ ma hã nɛ ni, mɛ a kili tɛ mi. Mi hã sɛ ma, takɔ winɔ ngɔ nù gɛ, wa kpasa.”

ROMA 15:16

nɛ a ia mi do wi dɛa toe 'da Yezu Kristo sanga ogele winɔ. Mi dɛa to be Dia Sakoe 'da a, ɔ nɛ kɛ mi a nganga ni, takɔ owinɔ kɛ wa a Oyuda gɔ ni, wa hɔ dia dɔnggamɔ kɛ mi hã ma hã Gale ni. Dɔnggamɛ ni, Hi Wi Santo 'dafa ma na, ma ɔ santo li Gale, nɛ ma hã yangga hã a.

ROMA 4:25

Yezu ni hã zi tɛ̃ a, nɛ wa gbɛa a ngɔ finda te we duzu 'dã mɛnɔ 'da lɛ, nɛ Gale tunu a kɔ fio, takɔ a ba lɛ na, lɛ a Owi bɔlɔ zu li a.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

ROMA 8:37

Nɛ nde kɔ mɛnɔ ni vɛ́, lɛ nɛ ngɔ ma nɛa fai, we ngawi 'da Kristo, kɛ a kɔ̃a gɛnɛ lɛ ni.

1 KORINTƐ 16:14

Nɛ dɛ́ toe 'da nɛ vɛ̃ do kɔ̃a zã.

1 KORINTƐ 5:7

We duzu ma, nɛ fó 'dã mɛ, kɛ ma ɔ nɛ ã ina hana mapa ni sanga nɛ do'do. We kɛ ni gɔ, nɛ ma yɛ'bɛ sɛ sanga nɛ vɛ, ɔ nɛ kɛ ina mapa yɛ'bɛ kɔ zanga mapa, nɛ ma hana ma ni. Ma wia na, nɛ ɔ sa nɛ mbé zanga mapa, kɛ wa à ina hana mapa tɛ nɛ gɔ ni. Gbãlã we, nɛ hɔa sa wi li Gale ia, we duzu Kristo kɛ a fia we nɛ ni. Mba gɔ, we duzu lɛ, Kristo ɔ nɛ bata kɛ wa gbɛ a 'da fala ɛngga Hɔ Nza kɔ Ngbá ni.

2 KORINTƐ 2:14

Gɛnɛ kɔ na mɛ ni, nɛ nde lɛ hã́ iɔ̃nae hã Gale, we kɛ a hã ngawi hã lɛ 'da fala fai, nɛ lɛ nɛ ngɔ mɛnɔ vɛ do wala 'da Kristo ni. A ia lɛ do Owi be sakoe 'da Kristo, nɛ sakoe ni ma yɛ'bɛ falanɔ vɛ ɔ nɛ fala tɛ yɔmbɔ ni.

2 KORINTƐ 2:15

Nɛ lɛ tɛ mɛ 'bɔ, lɛ ɔ nɛ dia yɔmbɔ, kɛ Kristo hã ma hã Gale ni. Nɛ fala tɛ yɔmbɛ ni unu sanga owinɔ wa ngɔ wala kpasi, do wanɔ wa ngɔ wala fio ni.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

GALATI 1:4

Kristo fia zi we 'dã mɛnɔ 'da lɛ, takɔ a fo lɛ ti ngawi 'da 'dã mɛnɔ ngɔ nù gɛ. A dɛa ni do kɔ̃a zã 'da Baa lɛ Gale.

GALATI 2:20

Wi do kpasi, wi a mi gɔ, nɛ nde Kristo a kpasa kɔ mi. Kpasi kɛ mi do ma ngangga gɛ, mi do ma we kɔ̃a we kɛ mi kɔ̃a do zu li Be 'da Gale, kɛ a kɔ̃a zi gɛnɛ mi wena, nɛ a fia we mi ni.

EFƐZƐ 1:4

Mba gɔ, dati kɛ na Gale dɛ nùi ni, nɛ nde a saka zɛ́ lɛ, nɛ a mba lɛ kpo do Kristo, takɔ lɛ ɔ santo li a, nɛ mɔ kɔ'dɔ wi tɛ ɔ̀ kɔ lɛ gɔ.

EFƐZƐ 3:17

Nɛ a dɛ́ na, Kristo ɔ dɛ kɔ sila nɛ fai we duzu kɔ̃a we nɛ kɔ̃a do a ni. Mi aka 'bɔ Gale na, tɛlɛ tɛ kɛ nɛ kɔ̃a do a, nɛ nɛ kɔ̃ 'bɔ do ongba nɛ ni, ma bá nù kɔ sila nɛ fai.

EFƐZƐ 3:19

Gbãlã we, gɛnɛ kɔ wele wè tɛ ĩ ti kɔ̃a zã 'da Kristo vɛ do dia nɛ gɔ, nɛ nde mi aka Gale na, nɛ ĩ ti ma, takɔ nɛ ba tɛlɛ tɛ Gale ngboo.

EFƐZƐ 4:15

Nɛ nde ma wia na, lɛ be gbãlã we 'da Gale dɛ nza, nɛ lɛ dɛ ma do kɔ̃a zã. Lɛ dɛ́ ni, nɛ kɔ̃a we 'da lɛ ma gã sɛ dɛ dati gbaa, nɛ lɛ mba sɛ kpo do Kristo, kɛ a a zu Eklezia ni.

EFƐZƐ 4:2

Nɛ bá tɛ nɛ dɛ nù, nɛ nɛ ɔ́ do gɛa sila, do du sila. Nɛ nɛ kúnú sila nɛ ngɔ dɛa mɔ tɛ ngba nɛ we be kɔ̃a zã 'da nɛ hã wa.

EFƐZƐ 5:15

Li nɛ sɔ̃́ kɔ dungi 'da nɛ. Nɛ tɛ dɛ̀ mɔ tɛ nɛ ɔ nɛ oyɔnda wi gɔ, nɛ nde nɛ dɛ́ mɔ do hã zã.

EFƐZƐ 5:25

Nɛ nɛ, Owi wilinɔ, nɛ kɔ̃ gɛnɛ wukonɔ 'da nɛ, ɔ nɛ kɛ Kristo kɔ̃a do gɛnɛ Eklezia, nɛ a hã zi kili tɛ a we ma ni.

Mbulanɔ 27:6

we kɛ ma wia na, tanɔ nɛ nɛ dɛ do gbagala hã NWA Gale 'da nɛ ni, ma tɛ ɔ̃ do ta kɛ wa sɛa ma sɛa gɔ. Nɛ dɔ sɛ sa'de we dɔnggɔ do nwa dɛ ngɔ gbagala ni.

FILIPƐ 4:18

Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.

KƆLƆSƐ 3:14

Nɛ dɛ ngɔ mɛnɔ ni vɛ̃, nɛ kɔ̃́ gɛnɛ ngba nɛ, we kɛ kɔ̃a ngba wi ma mba nɛ ngboo dɛ tɛ ngba nɛ, nɛ nɛ hɔ kpo.

1 TƐSALONIKƐ 4:9

Kɔ ma wè 'bɔ na, lɛ kɔmɔ mbɛti hã nɛ ngɔ kɔ̃ ngba wi sanga nɛ Owi Kristonɔ kɔma gɔ. Mba gɔ, Gale a bia tɛlɛ tɛ kɛ nɛ wia tɛ kɔ̃ do ngba nɛ ni hã nɛ.

1 TIMOTE 2:6

A ba zi kili tɛ a we gɔnɔ zu winɔ vɛ. A dɛa ni do ngba soe kɛ Gale wia ni, we be na, Gale kɔ̃a we kpasa winɔ vɛ.

1 TIMOTE 4:12

Dɔ li wele gbó do mɔ, we kɛ mɔ 'bana do be zagbãlã iko ni gɔ. Nɛ nde ma wia na, Owi kɔ̃a wenɔ wa nɛ 'do dia wila we nu mɔ, do dia dɛa to tɛ mɔ, do kɔ̃a zã, do kɔ̃a we, do dia mɛnɔ mɔ dɛ li Gale ni.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 8:3

Gã nwa nganganɔ vɛ̃ wa e wa ni, dɛa to 'da wa, mɛ a hã dɔnggamɔ do dɔ sa'de hã Gale. Na mɛ ni, ma wia tɛ mɛ 'bɔ na, gã nwa nganga 'da lɛ kpa mɔ dɔnggɔ do Gale.

OHEBRE 9:14

Ní a tɔkɔ tɛ Kristo nɛ̀ ngɔ ki ni do ngawi gɔ nde? Do wala 'da Hi Wi Santo kɛ a fai boe ni, Kristo hã zi kili tɛ̃ ɛ ngboo we dɔnggɔ do Gale, ɔ nɛ dɔnggamɔ kɛ fo ndi tɛ nɛ bina ni. Nɛ tɔkɔ tɛ̃ a ma fɔlɔ lɛ, nɛ ma fua sila lɛ ngɔ yia dɛa mɛnɔ lɛ dɛ zi ni, takɔ lɛ dɛ to hã Gale, wele kpasi.

OHEBRE 9:23

Omɛnɔ zɛ́ kɔ tɔa tande 'da Gale ni, mɛ a hi ngbongbo mɛnɔ li nza i ni. Nɛ ma wia zɛ́ na, wa fɔlɔ mɛnɔ do tɔkɔ sa'de dɔnggamɛnɔ, takɔ ma ɔ sa li Gale. Nɛ nde we mɛnɔ li nza i ni, takɔ ma ɔ sa li Gale, nɛ ma wia na, wa kpa 'bɔ mbé dɔnggamɔ kɛ ma nɛa ngɔ osa'denɔ ni.

OHEBRE 9:26

Ma ɔ sɔ na mɛ ni, nɛ a kpa sɔ zɛlɛ tɛ fala dɛlɛ wena, yolo do 'da fala Gale dɛa zɛ́ do nùi ni, gbaa we hɔ sɔɛ gɛ. Nɛ nde a hɔa ngɔ nù gɛ fala kpo. A hɔa do 'da fala ndɔti nùi kɔla ia gɛ, nɛ a hã kili tɛ a ngboo hã Gale, takɔ a fò do ku'da 'dã mɔ zu owele.

1 PETRO 4:8

Nɛ dati mɛnɔ vɛ, ma wia na, nɛ kɔ̃ gɛnɛ ngba nɛ do sila nɛ kpo. We kɛ 'da fala nɛ kɔ̃ gɛnɛ ngba nɛ, nɛ nɛ lénggé sɛ do 'dã mɛnɔ wa dɛ ni gɔ.

1 YOANƐ 3:16

Yezu bia tɛlɛ tɛ kɛ wele wia we kɔ̃ do gɛnɛ ngba a ni hã lɛ: A hã tɛ̃ a, nɛ a fia we duzu lɛ. Kɔ ní, nɛ lɛ wia we hã tɛ mɛ 'bɔ tɛ lɛ we duzu ongba lɛ.

1 YOANƐ 3:23

Ombulanɔ kɛ Gale hã ma hã lɛ ni, ma kɛ: Lɛ kɔ̃́ zu li Be 'da a Yezu Kristo, nɛ lɛ kɔ̃́ gɛnɛ ngba lɛ, ɔ nɛ kɛ Yezu ba zi do nu a hã lɛ ni.

USU MƐNƆ 1:5

Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.