EFƐZƐ 4:9 - WE NU GALE 1995

⁹ Kɛ 'Buki tɔ̃a na: “A kũ dɛ ngɔ i” ni, gulu nɛ na ge nde? Gulu nɛ na, dati kɛ na Kristo kũ dɛ ngɔ i ni, a zĩlĩ zi gbaa nù nga.

EFƐZƐ 4:9 Iomraidhean Croise

Ndo Nyanga Dɛ Mɔ 11:5

Nɛ NWA yula li nza i, nɛ a zĩlĩ nù nga we zɔ le do gba ngala tɔa kɛ winɔ wa tɛ dɛ ma ni.

Zumanɔ 139:15

'Da fala kɛ mɔ zi tɛ dɛ kili tɛ mi, nɛ mɔ kpɔ zi gbãlã tɛ mi dɛ nu ngbɛ ɛ kɔ zã naa mi i, nɛ mi gã zi do usu nɛ ni, nɛ nde mɔ kpo ùsù zi tɛ̃ ɛ li mɔ gɔ.

Zumanɔ 63:9

Mi na tɛ mi vɛ̃ do mɔ, nɛ mɔ a wi yolo gba sala 'do mi.

Zumanɔ 8:5

nɛ mi aka tɛ mi na: Wele tɛ mɛ a ge, takɔ mɔ lengge do a ni ni? Wele wia tɛ mɛ mbe mɔ dati mɔ Gale wia, takɔ mɔ sɔnzɔ do a nde?

Kulu Tɔa 19:20

NWA zĩlĩ dɛ zu kala Sinai, nɛ a sa mɔ hã Mɔizɛ, nɛ Mɔizɛ kũ dɛ 'da a 'di.

GBA WENƆ 30:4

“Wi kɛ a kũ 'da Gale ngɔ i, nɛ a kpolo tɛ̃ a ni a wio nde? Wi kɛ a kala bũ, nɛ a 'be dɛ tambala kɔ̃ a ni a wio nde? Wi kɛ a usu fua lìnɔ kɔ koe tuli 'da a ni a wio nde? Wi ia ongbala Sɔkpɔ nùi a wio nde? Fala kɛ mɔ ĩ ti a, nɛ mɔ sa li a hã mi. Nɛ li be 'da a a ge nde?

Ezai 44:23

Aa mɔ, li nza ngɔ i, mɔ dɛ́ yangga! Aa nɛ, gba 'du kɔ̃nɔ ngɔ nù gɛ, nɛ zɛ́ kɔ̃ nɛ do yangga! Aa nɛ, okalanɔ do otenɔ zamɔ gɛ, nɛ dɛ́ yangga, nɛ nɛ zɛ́ kaliã! Mba gɔ, NWA Gale kpasa owinɔ 'da a, obe Israɛlɛ, nɛ ma bia dɔ̃lɔ̃ li 'da a.

EZEKIƐLƐ 31:14

Na mɛ ni, mbé te ga sɛ 'bɔ nɛ́ ki ni gɔ. Gɛnɛ kɔ ma ɔ kɛ zã nu lì, nɛ nde ma ngálá sɛ 'bɔ gbaa, nɛ ma to kutunɔ gɔ. We kɛ te ma ɔ nɛ wele ni. A fe, nɛ a zĩlĩ dɛ 'da wanɔ kɛ wa ɔ kɔ le 'da fionɔ i ni.

MATIE 12:40

Ɔ nɛ kɛ Yonasi ɔa zi kɔ zã gã kɔyɛ tũ talɛ ni, mi Be 'da Wele, mi ɔ sɛ ti zunu tũ talɛ.

YOANƐ 20:17

Nɛ Yezu tɔ̃ hã a na: “Mɔ tɛ 'bè tɛ mi gɔ, we kɛ mi tɛ kṹ 'da Baa mi i gɔ. Kɔ mɔ nɛ́ we tɔ̃ hã owinɔ 'da mi na, mi kũ dɛ 'da Baa mi, kɛ a 'bɔ a Baa nɛ ni. Mi kũ dɛ 'da Gale 'da mi, kɛ a 'bɔ a Gale 'da nɛ ni.”

YOANƐ 3:13

Gele wele kpo tɛ kũ̀li nza i gɔ, wi tati a mi Be 'da Wele, kɛ mi yula ngɔ i, nɛ mi zĩlĩ dɛ nù nga gɛ iko!

YOANƐ 6:33

Mba gɔ, nyɔngɔmɛ kɛ Baa mi hã ma ni, mɛ a kɛ ma yula li nza i, nɛ ma hã kpasi hã winɔ ngɔ nù gɛ.”

YOANƐ 6:38

Mba gɔ, mi yula li nza i, nɛ mi zĩlĩ nù nga, takɔ mi dɛ mɛnɔ kɛ zã Wi tombo mi kɔ̃a ni, nɛ nde mi dɛ́ a mɛ kɛ zã mi kɔ̃a ni gɔ.

YOANƐ 6:41

Oyudanɔ wa nɛa we zele ní, nɛ wa lungu Yezu, we kɛ a tɔ̃a na, ɛ a nyɔngɔmɔ kɛ ma yula li nza i ni.

YOANƐ 6:51

Mi a nyɔngɔmɛ kɛ ma yula ngɔ i, nɛ ma hã kpasi ni. Fala kɛ wele nyɔngɔ ma, nɛ a sɛ do kpasi fai. Nyɔngɔmɛ mi hã sɛ ma hã nɛ ni, mɛ a kili tɛ mi. Mi hã sɛ ma, takɔ winɔ ngɔ nù gɛ, wa kpasa.”

YOANƐ 6:58

Mi a nyɔngɔmɔ kɛ ma yula li nza i. Mi ɔ̀ nɛ nyɔngɔmɛnɔ kɛ oyaa nɛ wa nyɔngɔ zɛ́, nɛ wa fia vɛ̃ ni gɔ. Wi kɛ a nyɔngɔ nyɔngɔmɛ kɛ ma yula li nza i ni, a fé sɛ gɔ, a sɛ do kpasi fai!”

YOANƐ 6:62

Kɔ fala nɛ zɔ sɛ mi Be 'da Wele tɛ kũ dɛ li nza i, fala zɛ́ mi nɛ dati ni, nɛ nɛ lengge sɛ na ge nde?

YOANƐ 8:14

Nɛ Yezu gese hã wa na: “Gɛnɛ kɔ mi tɔ̃ we ngɔ mi do tɛ mi wele nɛ, nɛ nde wenɔ mi tɔ̃ ni, mɛ a gbãlã we. Mba gɔ, mi ĩ ti fala mi yula nɛ ni, do kɛ mi la sɛ dɛ tɛ nɛ ni. Kɔ nɛ, nɛ ĩ̀ ti fala mi yula nɛ ni gɔ, nɛ nɛ ĩ̀ 'bɔ ti fala mi la sɛ dɛ te nɛ ni gɔ.

OHEBRE 2:7

Mɔ ia a do ti anzɛnɔ 'do be ngba soe sĩ. Nɛ mɔ hã dĩ do dɔ̃lɔ̃ li hã a,

OHEBRE 2:9

Kɔ lɛ zɔa na mɛ gɛ: Gale ia zi Yezu do ti anzɛnɔ 'do be ngba soe sĩ, takɔ a fe we winɔ vɛ. Gale dɛa ni we dia zã 'da a dɛ 'da lɛ. Nɛ ngangga ni, Gale hã dɔ̃lɔ̃ li hã a, nɛ a ia a do nwa we fie a fia ni.