EFƐZƐ 4:6 - WE NU GALE 1995

⁶ Gale zu a kpo, nɛ a a Baa winɔ vɛ́. A a nwa ngɔ winɔ vɛ, nɛ a dɛ to do wala 'da winɔ vɛ, nɛ a ɔ kɔ sila lɛ vɛ.

EFƐZƐ 4:6 Iomraidhean Croise

Ndo Nyanga Dɛ Mɔ 14:19

nɛ a wele nu a tɛ̃ a, nɛ a tɔ̃ na: “Gale kɛ a nɛa ngɔ mɔ vɛ̃, kɛ a dɛa li nza do nù, a wélé nu a tɛ mɔ.

Zumanɔ 95:3

Mba gɔ, NWA a Gale kɛ a gã wena, a a gã nwa ngɔ ogalenɔ vɛ̃.

Ezai 63:16

we kɛ mɔ a baa lɛ. Oyaa lɛ, Abrahama do Yakɔbɔ wa ĩ̀ ti lɛ gɔ, nɛ ta zu wa 'bɔ ngɔ lɛ bina. Nɛ nde mɔ NWA, mɔ a baa lɛ, mɔ a wi kpasa lɛ 'da fala fai.

MALAKI 2:10

Lɛ vɛ̃, Baa lɛ kpo iko gɔ nde? Nɛ wi dɛa lɛ, wi a Gale kpo gɛ gɔ nde? Kɔ gulu kɛ lɛ sɛnɛ ngba lɛ, nɛ lɛ 'danga gba tɔkɛ Gale gba zi ma do oyaa lɛ ni we ge nde?

Tɔlɔ Mɔ 16:22

Mɔizɛ do Aroni wa nɛa we zele ni, nɛ wa gu li wa nù, nɛ wa he mɔ na: “Aa Gale! Mɔ a mɔ dɛa mɛnɔ nyanga nza gɛ vɛ̃. Kɔ gulu kɛ wele kpo iko dɛ 'dã mɔ, nɛ zã mɔ nɔ̃lɔ̃ dɛ tɛ winɔ vɛ̃ ni we ge nde?”

MATIE 6:13

Mɔ tɛ là lɛ, kɔ sila lɛ ɔkɔlɔ lɛ gɔ, nɛ nde mɔ fó lɛ kɔ 'dã mɔ do'do.’ [We kɛ mɔ a Nwa, nɛ mɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.]

MATIE 6:9

Kɔ nɛ sambala Gale, nɛ nɛ tɔ̃́ na: ‘Baa lɛ li nza i, e kɔ winɔ wa dɔnggɔ zu li mɔ kɛ ma santo.

YOANƐ 14:23

Nɛ Yezu gese hã a na: “Wi kɛ a kɔ̃ gɛnɛ mi, nɛ a dɛ sɛ olo nu mi, nɛ Baa mi a kɔ̃ sɛ gɛnɛ a. Nɛ lɛ do Baa mi, lɛ tɛ sɛ, nɛ lɛ ɔ do a fai.

YOANƐ 17:26

Mi bia tɛlɛ tɛ mɔ hã wa, kɔ mi kɔ̃a we be ma hã wa dɛ dati gbaa na, wa kɔ̃ gɛnɛ ngba wa, ɔ nɛ kɛ mɔ kɔ̃a do gɛnɛ mi ni, nɛ mi ɔ dɛ kɔ sila wa ngboo.”

YOANƐ 20:17

Nɛ Yezu tɔ̃ hã a na: “Mɔ tɛ 'bè tɛ mi gɔ, we kɛ mi tɛ kṹ 'da Baa mi i gɔ. Kɔ mɔ nɛ́ we tɔ̃ hã owinɔ 'da mi na, mi kũ dɛ 'da Baa mi, kɛ a 'bɔ a Baa nɛ ni. Mi kũ dɛ 'da Gale 'da mi, kɛ a 'bɔ a Gale 'da nɛ ni.”

ROMA 11:36

Mba gɔ, mɛnɔ vɛ́ ma yula 'da a, nɛ a a zɔ mɔ tɛ ma, nɛ ma ɔ we duzu a. E kɔ Gale kpa dɔ̃lɔ̃ li kɔ sabɛlɛ do sabɛlɛ! Amɛ.

1 KORINTƐ 12:6

Wala dɛ do to hã Gale ma dɛlɛ wena, nɛ nde Gale zu a kpo hã a 'dafa tonɔ ni vɛ dɛ kɔ wele do wele na, a dɛ ma.

1 KORINTƐ 8:6

Nɛ nde we lɛ, lɛ ĩ na Gale kpo, a a Baa lɛ, kɛ mɛnɔ vɛ yula kɔ a, nɛ lɛ dungu we a ni. Nɛ Nwa 'da lɛ kpo, wi a Yezu Kristo, kɛ a dɛa mɛnɔ vɛ do ngawi 'da Gale, nɛ lɛ kpasa we a ni.

2 KORINTƐ 6:16

We mɔ́ kpikima tɛ tɔa 'da Gale boe nde? Tɔa 'da Gale wele kpasi, wi a lɛ, ɔ nɛ kɛ a ngboo a tɔ̃a na: “Mi ɔ sɛ dɛ sanga winɔ 'da mi, nɛ mi yɛnggɛ sɛ fala nɛ kpo do wa. Mi sɛ a Gale 'da wa, nɛ wa sɛ a winɔ 'da mi” ni.

EFƐZƐ 1:21

Gale ia Kristo ngɔ ohi winɔ li ngɔ gɛ vɛ, kɛ wa a onwa, tabi ogã wi, nɛ wa do ngawi wena ni. Nɛ a ia li zu a, nɛ li ni nɛa ngɔ li gã winɔ vɛ kɛ li wa dɔ̃lɔ̃ sɔɛ gɛ, do ngba soenɔ ma tɛ sɛ ni.

EFƐZƐ 2:22

Nɛ nɛ mba vɛ́ kpo do Kristo, nɛ nɛ hɔa tɔa 'da Gale. Tɔa ni, mɛ a tɔa kɛ Hi Wi 'da Gale ɔ kɔ nɛ ni.

EFƐZƐ 3:17

Nɛ a dɛ́ na, Kristo ɔ dɛ kɔ sila nɛ fai we duzu kɔ̃a we nɛ kɔ̃a do a ni. Mi aka 'bɔ Gale na, tɛlɛ tɛ kɛ nɛ kɔ̃a do a, nɛ nɛ kɔ̃ 'bɔ do ongba nɛ ni, ma bá nù kɔ sila nɛ fai.

EFƐZƐ 6:23

E kɔ Baa lɛ Gale, do Nwa 'da lɛ Yezu Kristo, wa hã gɛ̃a sila do kɔ̃ ngba wi, do kɔ̃a we hã onya lɛ wi kɔ̃a wenɔ vɛ.

Mbulanɔ 6:4

“Obe Israɛlɛ, nɛ zélé! NWA, a zu a kpo a NWA Gale 'da lɛ.

1 YOANƐ 3:24

Owinɔ kɛ wa dɛ mbulanɔ 'da Gale dɛa ni, wa a kɔ Gale, nɛ Gale tɛ mɛ 'bɔ kɔ wa boe. Nɛ lɛ ĩ na, a 'bana dɛ kɔ lɛ, we kɛ Hi Wi Santo kɛ a hã a hã lɛ ni, a a tɔ̃ ma hã lɛ.