EFƐZƐ 4:5 - WE NU GALE 1995

⁵ Nwa zu a kpo, nɛ kɔ̃a we 'da lɛ kpo, nɛ lɛ kpa batisimɔ kpo.

EFƐZƐ 4:5 Iomraidhean Croise

ZAKARIA 14:9

Nɛ NWA Gale a dungu sɛ nwa ngɔ nùi vɛ̃. Nɛ do 'da fala ni, nɛ winɔ vɛ̃ wa dɔnggɔ sɛ tati a zu li a kpo.

MATIE 28:19

Kɔ nɛ nɛ́, hã nɛ bé we hã onu kpala winɔ ngɔ nù gɛ vɛ̃, takɔ wa hɔ owinɔ 'da mi. Nɛ bátísá wa do zu li Baa, do Be, do Hi Wi Santo.

Owi Nɛ Tonɔ 10:36

Gale tumba zi Dia Sako hã obe Israɛlɛ, nɛ Dia Sakoe ni, ma hã dungu fio do wala 'da Yezu Kristo, kɛ a a Nwa 'da winɔ vɛ ni.

Owi Nɛ Tonɔ 2:36

“Kɔ ma wia na, nɛ obe Israɛlɛ vɛ̃, nɛ ĩ́ ngboo na, Yezu kɛ nɛ bɛ̃lɛ̃ a ngɔ finda te ni, Gale ia a do Nwa, nɛ a a Mɛsiya.”

ROMA 3:30

We kɛ Gale a zu a kpo! Nɛ a dɛ sɛ na, Oyudanɔ do ogele winɔ, wa hɔ Owi bɔlɔ zu li a do wala kɛ wa kɔ̃a do zu li Yezu Kristo ni.

1 KORINTƐ 1:13

Kɔ ní, nɛ nde Kristo kɛa wá sanga tɛ ɛ kɛa nde? Wi fia ngɔ finda te we duzu nɛ wi a Polo nde? Nɛ kpa batisimɔ do zu li Polo nde?

1 KORINTƐ 1:2

lɛ kɔma mbɛti gɛ hã nɛ owinɔ kɔ eklezia 'da Gale tɛ Korintɛ. Gale sa mɔ hã nɛ, nɛ nɛ mba li ngba nɛ do Yezu Kristo, nɛ nɛ hɔa winɔ 'da Gale, fala nɛ kpo do wanɔ wa tɛ dɔnggɔ zu li Nwa 'da lɛ Yezu Kristo tɛ falanɔ vɛ ni. Yezu Kristo a Nwa 'da wa, nɛ a tɛ mɛ 'bɔ a Nwa 'da lɛ.

1 KORINTƐ 12:13

Mba gɔ, lɛ vɛ, obe Yuda, do ogele winɔ, ongbánɔ, do wele lenɔ, lɛ kpa zi batisimɔ dɛ kɔ Hi Wi Santo kpo, nɛ lɛ hɔa kili tɛ wele kpo, nɛ ngawi 'da Hi Wi ni ma lia lɛ, nɛ ma dunu kɔ lɛ vɛ.

1 KORINTƐ 12:5

Nɛ ngɔ gili dɛa tonɔ dɛlɛ wena, nɛ nde Nwa Gale kɛ lɛ dɛ toe hã a ni, a kpo iko.

1 KORINTƐ 8:6

Nɛ nde we lɛ, lɛ ĩ na Gale kpo, a a Baa lɛ, kɛ mɛnɔ vɛ yula kɔ a, nɛ lɛ dungu we a ni. Nɛ Nwa 'da lɛ kpo, wi a Yezu Kristo, kɛ a dɛa mɛnɔ vɛ do ngawi 'da Gale, nɛ lɛ kpasa we a ni.

2 KORINTƐ 11:4

Mi tɔ̃a ni we kɛ mi zɔa na, fala kɛ wele hɔ 'da nɛ, kɔ a be we si ngɔ gele Yezu, do gele Hi Wi, do gele Dia Sako kɛ ma si tɛ ɛ do kɛnɔ lɛ bia zi ma hã nɛ ni, nɛ nɛ kɔ̃ gɛnɛ ma vɛ́ kɔ̃a iko.

GALATI 5:6

Mba gɔ, wi kɛ a mba do Kristo kpo ni, gɛnɛ kɔ a nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma do gã gulu nɛ, mɛ a kɔ̃a we kɛ ma be tɛ́ ɛ kɔ kɔ̃ gɛnɛ ngba wi ni.

EFƐZƐ 4:13

Na mɛ ni, nɛ lɛ mba sɛ vɛ́ kpo dɛ kɔ kɔ̃a we 'da lɛ, nɛ lɛ ĩ ti Be 'da Gale ngboo. Nɛ kɔ̃a we 'da lɛ gã dɛ dati gbaa na, ma we ngboo, nɛ lɛ ɔ nɛ Kristo ni.

FILIPƐ 2:11

nɛ wa vɛ, wa tɔ̃ dɛ nza na, Yezu Kristo a Nwa. Na mɛ ni, nɛ wa hã dɔ̃lɔ̃ li hã Baa a Gale.

FILIPƐ 3:8

Gbãlã we, mi zɔa na, gele mɛnɔ vɛ̃ kɛ mi zi do ma ni, ma 'bɔ do gulu nɛ we mi bina. We kɛ mi ĩ ti Nwa 'da mi Yezu Kristo ia, nɛ ki ni dia nɛa ngɔ mɔ vɛ̃. We duzu Kristo, ma kɛ mi bɛ̃a gɛnɛ ogele mɛnɔ vɛ̃, nɛ mi zɔ ma li mi nɛ́ wɔkɔsɔ ngɔ zubu ni, takɔ mi nɛ we kpa Yezu Kristo,

TITO 1:1

Wi a mi Polo, wi dɛa toe 'da Gale, do wi nɛ toe 'da Yezu Kristo, mi a mi kɔmɔ mbɛti gɛ. Gale tumba mi na, mi gã 'da kɔ̃a we 'da owinɔ kɛ a saka wa ni, nɛ mi be gbãlã we dɛa to tɛ wi kɛ ma wia do winɔ 'da Gale ni hã wa,

TITO 1:4

Mi kɔmɔ mbɛti gɛ hã mɔ Tito, kɛ mɔ a ngbongbo be 'da mi ni, we kɛ lɛ do mɔ, lɛ kɔ̃a zu li Kristo. E kɔ Baa lɛ Gale, do Wi kpasa lɛ Yezu Kristo, wa be dia zã 'da wa hã mɔ, nɛ wa dɛ na, mɔ dungu do gɛ̃a sila.

OHEBRE 13:7

Ta zu nɛ tɛ èlè ngɔ owinɔ wa kpia zi dati nɛ, nɛ wa bia we nu Gale hã nɛ ni gɔ. Nɛ lénggé tɛlɛ tɛ kɛ wa zi nɛ ngɔ nù gɛ, do fie wa fia zi ni, nɛ nɛ ɔ́ do kɔ̃a we dɛ 'da Gale nɛ́ kɛ 'da wa ni.

OHEBRE 6:6

Gɛnɛ kɔ na mɛ ni, nɛ nde wa tia 'bɔ kɔ 'dã mɔ. Kɔ ma wé sɛ na, wele be we hã wa, nɛ wa kifi sila wa gɔ, we duzu kɛ wa tɛ bɛ̃lɛ̃ 'bɔ Be 'da Gale ngɔ finda te mbé nɛ, nɛ wa e a na, winɔ wa dã a.

ZAKE 2:18

Mbe wele wia we tɔ̃ na: “Mbe winɔ wa kɔ̃a zu li Gale, nɛ ombe wa dɛ de mɔ.” Nɛ mi tɔ̃ sɛ hã a na, mɔ bé kɔ̃a we 'da mɔ kɛ fo de dɛa mɔ olo nɛ bina ni hã mi, nɛ mi be sɛ tɛ mɛ 'bɔ kɔ̃a we 'da mi, kɛ ma be tɛ̃ ɛ kɔ dɛ de dɛa mɛnɔ ni hã mɔ.

1 PETRO 3:21

Nɛ lì ni, ma be lì batisimɔ kɛ ma kpasa nɛ kɔ 'dã mɛ 'da nɛ di ngangga gɛ ni. Nɛ lì nɛ kpa do batisimɔ ni, mɛ a kɛ ma fɔlɔ ndi tɛ nɛ ni gɔ, nɛ nde mɛ a kɛ lɛ aka do Gale na, a fo 'dã mɛ kɔ sila lɛ do'do ni. Batisimɔ ma kpasa nɛ, we duzu kɛ Yezu Kristo a tunu kɔ fio,

2 PETRO 1:1

Wi a mi Simɔ Petro, wi dɛa toe do wi nɛ toe 'da Yezu Kristo, mi kɔmɔ mbɛti gɛ hã nɛ, kɛ nɛ hɔa Owi kɔ̃a we, nɛ kɔ̃a we 'da nɛ dia wia kɔ̃ do kɛ 'da lɛ ni. Wi a Yezu Kristo kɛ a a Gale 'da lɛ, nɛ a 'bɔ a Wi kpasa lɛ ni, a hã ma hã lɛ do bɔlɔ zui 'da a.

YUDA 1:20

Nɛ nde nɛ, oyali ngba mi, nɛ dɛ́ nganda na, kɔ̃a we 'da nɛ kɛ ma santo ni ma gã dɛ dati. Nɛ nɛ sámbálá Gale do ngawi 'da Hi Wi Santo.

YUDA 1:3

Aa oyali ngba mi, mi zi do wɔ wena we kɔmɔ mbɛti gɛ hã nɛ, takɔ mi tɔ̃ mbe gulu kpasi kɛ Gale hã ma hã lɛ do nɛ ni. Nɛ mi zɔa na, mi wia we kɔmɔ mbɛti gɛ hã nɛ, we hã kpã sila hã nɛ, takɔ nɛ bi nganda ngɔ we nu Gale, kɛ a hã ma hã owinɔ 'da a, nɛ ma yápá sɛ gɔ ni.