EFƐZƐ 4:4 - WE NU GALE 1995

⁴ Lɛ Owi Kristonɔ vɛ, lɛ a kili tɛ wi kpo, nɛ lɛ kpa 'bɔ Hi Wi Santo kpo. Nɛ lɛ gbini zã lɛ do kpo dia mɛ kɛ Gale kpua zi do mbulu nɛ hã lɛ 'da fala kɛ a sa zi do mɔ hã lɛ ni.

EFƐZƐ 4:4 Iomraidhean Croise

Zumanɔ 122:8

Mi lengge onya mi wanɔ kɔ le Yeruzalɛmɛ, nɛ mi sambala na, le Yeruzalɛmɛ kpa dungu fio.

Yeremi 14:8

Nɛ nde wi kɛ lɛ, obe Israɛlɛ, lɛ wia we gbini zã le do a ni, wi tati a mɔ zu mɔ kpo, we kɛ mɔ a wi kpasa lɛ kɔ ngamɔ. Kɔ gulu kɛ mɔ zɔ tɛ mɔ ngɔ nùi 'da lɛ ɔ nɛ kɛ mɔ a gele wi ni we ge nde? Gulu kɛ mɔ dɛ tɛ mɔ ɔ nɛ wi la wala, kɛ a ɛlɛ we fa fala ɔi iko ni we ge nde?

Yeremi 17:7

Nɛ nde mi wele sɛ nu mi tɛ wele kɛ a gbini zã a do mi, nɛ a e sila a ngɔ mi ni.

MATIE 28:19

Kɔ nɛ nɛ́, hã nɛ bé we hã onu kpala winɔ ngɔ nù gɛ vɛ̃, takɔ wa hɔ owinɔ 'da mi. Nɛ bátísá wa do zu li Baa, do Be, do Hi Wi Santo.

Owi Nɛ Tonɔ 15:11

Nɛ nde lɛ ĩ na, Nwa Yezu kpasa lɛ, we duzu kɛ a ĩ 'bako hã lɛ, nɛ a kpasa tɛ mɛ 'bɔ wa, ɔ nɛ kɛ a kpasa do lɛ ni.”

ROMA 11:29

Mba gɔ, Gale hã mɔ hã wele ia, nɛ nde a bá 'bɔ ma kɔ̃ a gɔ. Nɛ a kpóló 'bɔ linggamɛ 'da a ngɔ wanɔ kɛ a sa zɛ́ mɔ hã wa ia ni gɔ.

1 KORINTƐ 10:17

Nɛ́ kɛ lɛ nyɔngɔ mapa kpo ni, gɛnɛ kɔ lɛ dɛlɛ wena, nɛ nde lɛ vɛ lɛ hɔa kili tɛ wele kpo, we duzu mapa kpo ni.

1 KORINTƐ 12:20

Ĩ na, mɔ dɛlɛ tɛ wele wena, nɛ nde kili tɛ wi kpo iko.

2 KORINTƐ 11:4

Mi tɔ̃a ni we kɛ mi zɔa na, fala kɛ wele hɔ 'da nɛ, kɔ a be we si ngɔ gele Yezu, do gele Hi Wi, do gele Dia Sako kɛ ma si tɛ ɛ do kɛnɔ lɛ bia zi ma hã nɛ ni, nɛ nɛ kɔ̃ gɛnɛ ma vɛ́ kɔ̃a iko.

EFƐZƐ 1:18

Mi aka 'bɔ Gale na, a hũi hã zã 'da nɛ, takɔ nɛ ĩ ti de mɛ kɛ a sa zi mɔ hã nɛ we nɛ, nɛ nɛ gbini zã nɛ do ma ni. Nɛ nɛ ĩ 'bɔ ti gã kpamɛnɔ kɛ a kpua mbulu nɛ hã owinɔ 'da a ni.

EFƐZƐ 2:16

Fie 'da Kristo ngɔ finda te, ma fua sɛnɛmɔ vɛ, nɛ ma mba li nu fɛlɛ kulanɔ bɔa nɛ na, wa hɔ kili tɛ wele kpo, nɛ ma 'dafa dɛa na sanga winɔ do Gale dɛ olo nɛ.

EFƐZƐ 2:18

Kristo dɛa na, lɛ vɛ, Oyudanɔ do ogele winɔ, lɛ kɔlɔ do Baa lɛ Gale do wala 'da Hi Wi Santo kpo, kɛ lɛ kpa a ni.

EFƐZƐ 2:22

Nɛ nɛ mba vɛ́ kpo do Kristo, nɛ nɛ hɔa tɔa 'da Gale. Tɔa ni, mɛ a tɔa kɛ Hi Wi 'da Gale ɔ kɔ nɛ ni.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 5:30

Mba gɔ, lɛ a omɔ tɛ kili tɛ́ a.

KƆLƆSƐ 1:5

Kɔ̃a we do kɔ̃ gɛnɛ ngba wi 'da nɛ ni, ma nganda, we kɛ nɛ tɛ gbini zã nɛ do de mɛ kɛ ma 'bɔ 'da nɛ li nza i ni. Mba gɔ, kuti kɛ wa bia zi gbãlã we kɛ ma kɔ Dia Sakoe hã nɛ ni, nɛ nɛ zila zi we de mɛ kɛ nɛ wia we kpa ma olo nɛ ni.

KƆLƆSƐ 3:15

Kɔ ma wia na, dɛa na kɛ Kristo hã ma ni 'dafa dungi 'da nɛ. We duzu kɛ Gale sa mɔ hã nɛ na, nɛ mba vɛ, nɛ nɛ hɔ kili tɛ wi kpo, nɛ nɛ dɛ na sanga tɛ ngba nɛ. Nɛ nɛ hã̀ 'bɔ iɔ̃nae hã a Gale.

2 TƐSALONIKƐ 2:16

E kɔ Nwa 'da lɛ Yezu Kristo do tɛ̃ a, do Baa lɛ Gale kɛ a kɔ̃a zi gɛnɛ lɛ ni, wa kpãlã sila nɛ, nɛ wa hã ngawi hã nɛ we dɛ mɛnɔ do tɔ̃ wenɔ kɛ ma a dia ni. Gale bia dia zã hã lɛ, nɛ a dɛa na, lɛ ɔ do kpã sila kɛ ma é sɛ gɔ ni, nɛ lɛ gbini zã lɛ do a fai.

1 TIMOTE 1:1

Wi a mi Polo, wi nɛ toe 'da Yezu Kristo. Gale Wi kpasa lɛ, do Yezu Kristo kɛ lɛ gbini zã lɛ do a ni, wa a wa hã toe gɛ hã mi.

TITO 1:2

takɔ wa gbini zã wa do kpasi kɛ ma é sɛ gɔ ni. Gale 'bílí bɛlɛ gɔ. A kpua zɛ́ mbulu kpasi ni dati kɛ a tɛ dè mɛnɔ vɛ̃ gɔ ni,

TITO 2:13

Nɛ lɛ dúngú na mɛ ni gbaa, we 'bɔ do 'da tũ yangga kɛ lɛ a sila lɛ ngɔ nɛ ni. Mɛ a tũi kɛ Yezu Kristo a hɔ sɛ do dɔ̃lɔ̃ li 'da a ni. A a Gale 'da lɛ, a gã wena, nɛ a a Wi kpasa lɛ.

TITO 3:7

Na mɛ ni, a dɛa na, lɛ hɔ wi bɔlɔ zu li a we duzu dia zã 'da a, nɛ lɛ kpa kpasi kɛ ma é sɛ gɔ, kɛ lɛ a sila lɛ ngɔ nɛ ni.

1 PETRO 1:21

Kɔ we duzu a, nɛ nɛ kɔ̃a zu li Gale, kɛ a tunu zi a kɔ fio, nɛ a hã dɔ̃lɔ̃ li hã a ni. Gale dɛa ni, takɔ nɛ ɔ do kɔ̃a we, nɛ nɛ gbini 'bɔ zã nɛ do a.

1 YOANƐ 3:3

Kɔ wi kɛ a gbini zã a do Yezu ni, ma wia na, a 'dafa tɛ̃ a we hɔ sa wi li Gale, ɔ nɛ kɛ Yezu a sa wi li a ni.