EFƐZƐ 4:3 - WE NU GALE 1995

³ Hi Wi Santo mba li nɛ kpo, kɔ nɛ dɛ́ nganda na, nɛ dɛ na do ngba nɛ, nɛ sila nɛ ɔ kpo.

EFƐZƐ 4:3 Iomraidhean Croise

1 Onwanɔ 16:21

'Do fie 'da Zimri, nɛ Oisraɛlɛ wa kɛ̃a sanga tɛ ngba wa: ombe wa kɔ̃a zi na, Tibni, be 'da Ginatɛ, dungu nwa. Nɛ ombe nɛ wa kɔ̃ gɛnɛ Omri.

Kulu Tɔa 28:32

Wa 'bili sɛ holo zã tuli ni na, a fi zu a do kɔ nɛ. Nɛ wa singbi sɛ nu konggolo hole ni, takɔ ma nganda, da dɛ kɔ ma ɛ̃́ gɔ.

WI LENGGE WE 4:12

Owele bɔa wa wia we bi bolo kɛ ma nɛ ngɔ wele kpo ni. Wa lifi gbãlã fɛlɛ talɛ, nɛ ma nganda dɛ dati.

MARKO 3:24

Fala kɛ nu fɛlɛ kula kpo gɔnɔ sanga tɛ ngbɛ ɛ do bolo, nɛ nde ma 'báná sɛ 'bɔ gɔ.

YOANƐ 13:34

Mi hã mbé mbula hã nɛ na, nɛ kɔ̃́ gɛnɛ ngba nɛ. Nɛ ma wia na, nɛ kɔ̃ gɛnɛ ngba nɛ, ɔ nɛ kɛ mi kɔ̃a do gɛnɛ nɛ ni.

1 KORINTƐ 1:10

Onyae, mi aka nɛ do zu li Nwa 'da lɛ Yezu Kristo na, we nu nɛ ɔ kpo, nɛ nɛ tɛ gɔ̀nɔ̀ sanga tɛ ngba nɛ gɔ. Nɛ mbá li ngba nɛ, nɛ nɛ ɔ́ do sila nɛ kpo do linggamɔ kpo.

2 KORINTƐ 13:11

Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.

EFƐZƐ 4:13

Na mɛ ni, nɛ lɛ mba sɛ vɛ́ kpo dɛ kɔ kɔ̃a we 'da lɛ, nɛ lɛ ĩ ti Be 'da Gale ngboo. Nɛ kɔ̃a we 'da lɛ gã dɛ dati gbaa na, ma we ngboo, nɛ lɛ ɔ nɛ Kristo ni.

EFƐZƐ 4:4

Lɛ Owi Kristonɔ vɛ, lɛ a kili tɛ wi kpo, nɛ lɛ kpa 'bɔ Hi Wi Santo kpo. Nɛ lɛ gbini zã lɛ do kpo dia mɛ kɛ Gale kpua zi do mbulu nɛ hã lɛ 'da fala kɛ a sa zi do mɔ hã lɛ ni.

1 TƐSALONIKƐ 5:13

Nɛ kɔ̃́ gɛnɛ wa, nɛ nɛ dɔ́nggɔ́ wa wena, we duzu dɛa toe wa dɛ ma sanga nɛ ni. Nɛ nɛ dɛ́ na do ongba nɛ.

OHEBRE 12:14

Nɛ dɛ́ nganda we dɛ na do owinɔ vɛ̃, nɛ nɛ 'dáfá dungi 'da nɛ ɔ nɛ kɛ ma wia do winɔ 'da Gale ni. Mba gɔ, wi kɛ a dɛ̀ ni gɔ, nɛ nde a wé sɛ tɛ zɔ Nwa gɔ.