16 Kristo mba li omɔ tɛ kili tɛ wi kpi do kpi dɛ tɛ ngba ɛ kpo do dia nɛ. Kɔ fala kɛ omɔ tɛ kili tɛ wele kpo kpo dɛ to 'da ɛ do kɔ̃a zã ɔ nɛ kɛ ma wia ni, nɛ kili tɛ wi vɛ́ ma gã, nɛ ma nganda.
“Mi a te vinɔ, nɛ nɛ a ogbakɔ̃ nɛ. Wi kɛ a 'bana dɛ kɔ mi, nɛ mi 'bana dɛ kɔ a ni, a ɔ nɛ gbakɔ̃ te kɛ ma wala nɛ ge nde ni. Kɔ fala kɛ mi 'bànà dɛ kɔ nɛ gɔ, nɛ nde nɛ wé sɛ tɛ dɛ mɔ kpo gɔ.
Nɛ nde mɛnɔ talɛ gɛ ma 'bana sɛ fai. Mɛ a kɔ̃a we dɛ 'da Gale, do gbini zã wi do mbuli 'da a, do kɔ̃ ngba wi. Nɛ nde kɔ̃ ngba wi ma nɛa ngɔ tala mɛnɔ ni vɛ.
Lɛ tɔ̃́ mbe lɛnggɛ ngɔ sa'de kɛ wa gbɛa a we dɔnggɔ do okpikimanɔ ni sɛ. Gbãlã we, lɛ vɛ́ lɛ ĩ ti mɔ ĩ, ɔ nɛ kɛ nɛ tɔ̃ ni. Nɛ nde ĩ ti mɛ kɛ nɛ tɔ̃ do we nɛ ni, ma hã gã zu hã wele, nɛ kɔ̃ gɛnɛ ngba wi, ma gã 'da kɔ̃a we 'da wele.
Nɛ nde mɛnɔ kɛ Hi Wi Santo tombo wele we dɛ ma ni, ma kɛ: kɔ̃ gɛnɛ ngba wi, do dɛ yangga, dungu do gɛa sila, do du sila, do dia zã, dɛ de dɛa mɔ, dɛ olo nu wi,
Mba gɔ, wi kɛ a mba do Kristo kpo ni, gɛnɛ kɔ a nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma do gã gulu nɛ, mɛ a kɔ̃a we kɛ ma be tɛ́ ɛ kɔ kɔ̃ gɛnɛ ngba wi ni.
Nɛ a dɛ́ na, Kristo ɔ dɛ kɔ sila nɛ fai we duzu kɔ̃a we nɛ kɔ̃a do a ni. Mi aka 'bɔ Gale na, tɛlɛ tɛ kɛ nɛ kɔ̃a do a, nɛ nɛ kɔ̃ 'bɔ do ongba nɛ ni, ma bá nù kɔ sila nɛ fai.
Nɛ nde ma wia na, lɛ be gbãlã we 'da Gale dɛ nza, nɛ lɛ dɛ ma do kɔ̃a zã. Lɛ dɛ́ ni, nɛ kɔ̃a we 'da lɛ ma gã sɛ dɛ dati gbaa, nɛ lɛ mba sɛ kpo do Kristo, kɛ a a zu Eklezia ni.
Owinɔ ni wa la fala mba kpo do Kristo, kɛ a a zu Eklezia ni do'do. Kristo dɛ na, owinɔ kɔ Eklezia wa mba vɛ kpo, ɔ nɛ kɛ li gbili tɛ wele do nĩnɔ mba kili tɛ wi kpo ni. Nɛ a dala Eklezia, takɔ ma gã dɛ dati fai, ɔ nɛ kɛ zã Gale kɔ̃a ni.
Mi dɛa ni, takɔ wa kpa kpã sila, nɛ wa mba kpo, nɛ wa kɔ̃ gɛnɛ ngba wa. Na mɛ ni, nɛ wa ĩ sɛ ti gulu usu linggamɛ 'da Gale ngboo, nɛ ma dɛ sɛ na, kafi sĩ tɛ ɔ̀ kɔ sila wa gɔ. Usu linggamɛ 'da Gale ni, wi a Kristo do tɛ̃ a.
Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.
Mbe gulu kɛ lɛ hã 'bɔ iɔ̃nae hã Gale fai ni ma kɛ: 'Da fala kɛ nɛ zila zi we 'da Gale kɛ lɛ bia hã nɛ ni, nɛ nɛ kɔ̃̀ zi gɛnɛ nɛ ɔ nɛ lɛnggɛ nu wele iko gɔ, nɛ nde nɛ kɔ̃a na, mɛ a we nu Gale ngboo, nɛ ma tɛ dɛ to kɔ sila nɛ winɔ kɛ nɛ kɔ̃a ma ni.
Onyae, ma wia na, lɛ hã iɔ̃nae hã Gale we duzu nɛ 'da fala fai. Lɛ wia tɛ dɛ na mɛ ni gbãlã we, mba gɔ, kɔ̃a we 'da nɛ dɛ 'da Gale, do kɔ̃ ngba wi 'da nɛ ma gã dɛ dati gã fai.
Mi tɔ̃a ni mba gɔ, we kɛ mi kɔ̃a we gã 'da kɔ̃a ngba wi 'da Owi Kristonɔ. Ĩ na, wa kɔ̃ sɛ gɛnɛ ngba wa ngboo, 'da fala kɛ sila wa ma a sa, kɔ wa ɔ do dia linggamɔ, kɔ wa kɔ̃ zu li Yezu do sila wa kpo ni.
Di ngangga gɛ, nɛ zila nu Gale, nɛ bɛ̃a gɛnɛ 'dã mɔ, nɛ sila nɛ sa, nɛ nɛ kɔ̃a gɛnɛ onya nɛ wi kɔ̃a wenɔ do ngbongbo nɛ. Kɔ ma wia na, nɛ kɔ̃ gɛnɛ ngba nɛ dɛ dati do sila nɛ vɛ.
Nɛ we duzu lɛ, lɛ ĩ na, Gale do kɔ̃a zã dɛ 'da lɛ wena, nɛ lɛ kɔ̃a gɛnɛ nɛ. Gale a wele kɔ̃a zã, nɛ wi kɛ a 'bana tɛ kɔ̃ gɛnɛ ngba a ni, a kɔ Gale, nɛ Gale kɔ a boe.