Biblia Todo Logo
Bìoball air-loidhne

- Sanasan -




EFƐZƐ 4:12 - WE NU GALE 1995

12 A dɛa ni, takɔ a 'dafa owinɔ 'da Gale na, wa we tɛ dɛ tonɔ kpi do kpi, takɔ wa gã 'da kɔ̃a we 'da owinɔ kɔ Eklezia kɛ mɛ a kili tɛ Kristo ni.

Faic an caibideil Dèan lethbhreac




EFƐZƐ 4:12
45 Iomraidhean Croise  

Kɔ mi aka Gale we duzu mɔ na, da dɛ kɔ kɔ̃a we 'da mɔ mbɔ́kɔ́ gɔ. Kɔ 'da fala kɛ mɔ kpolo tɛ mɔ dɛ 'da mi, nɛ mɔ ngándá sila onya mɔ.”


Yudasi zi a mbe kpo sanga lɛ, Gale saka zi a we dɛ to do lɛ fala nɛ kpo.”


takɔ a ba fala olo Yudasi, nɛ a hɔ wi nɛ toe 'da mɔ. We kɛ Yudasi la ma, nɛ a nɛa tɛ fala ma wia do a ni.”


A hɔa i mɔ, nɛ a zɔ tɛlɛ tɛ kɛ Gale wila do nu ɛ tɛ Owi kɔ̃a wenɔ nɛ ge nde ni, nɛ a dɛ yangga wena. Nɛ a nganda sila wa na, wa dɛ olo nu Nwa Yezu do sila wa vɛ.


Nɛ nde we duzu mi, mi lénggé do kpasi 'da mi gɔ. Mi kɔ̃a tati nɛ na, mi dɛ toe 'da mi gbaa, kɔ mi hɔ ndɔti nɛ. Mi kɔ̃a na, mi hɔ sɔkpɔ toe kɛ Nwa Yezu hã ma hã mi na, mi tɔ̃ sako dia zã 'da Gale hã winɔ ni.


Nɛ dĩ́lĩ́ fala tɛ nɛ, nɛ nɛ zɔ́ mɔ tɛ gili winɔ 'da Gale, kɛ Hi Wi Santo hã wa hã nɛ ni. Ma wia na, nɛ fɔmɔ ogili wi Kristonɔ, kɛ Gale kpa wa olo li fio Be 'da a ni.


Do 'da fala nɛ ni, Owi kɔ̃a wenɔ tɛ ngɔ nù Yude, do Galile, do Samaria wa kpa zi dungu fio. Nɛ Hi Wi Santo hã ngawi hã wa na, wa dɛ kifi Nwa, nɛ wa dɛlɛ dɛ dati fai.


Ma ɔ tɛ mɛ 'bɔ kpasaa na mɛ ni we lɛ. Gɛnɛ kɔ lɛ dɛlɛ wena, nɛ nde lɛ hɔa kili tɛ wi kpo dɛ kɔ Kristo. Nɛ gɛnɛ kɔ lɛ a mɔ tɛ kili tɛ wi kpo ni, nɛ nde wele do wele do dɛa toe 'da a.


Wi kɛ Gale hã ngawi hã a we gala ongba a, nɛ a gálá wa. Wi kɛ Gale hã ngawi be we nu ɛ hã a, nɛ a bé ma.


Kɔ we duzu ma, lɛ fá we dɛ mɔ kɛ ma fi dɛa na sanga lɛ, nɛ ma nganda kɔ̃a we 'da ongba lɛ ni.


Onyae, kafi bina, mi ĩ na, nɛ do dia zã dɛ 'da ongba nɛ wena, nɛ nɛ ĩ ti mɛnɔ nɛ wia tɛ dɛ nɛ ni de wena, nɛ nɛ wia tɛ tɔ̃ mbula hã ongba nɛ.


Nɛ nde wele do wele fá mɛ kɛ ma hã yangga hã ngba a, nɛ ma gala a, takɔ kɔ̃a we 'da a gã dɛ dati ni.


Nɛ mi ĩ na, gɛnɛ mi nɛ sɛ 'da nɛ i ni, Kristo a wele sɛ nu a tɛ lɛ do nɛ wena.


Nɛ vɛ̃, nɛ a kili tɛ Kristo. Nɛ wele do wele a mbe mɔ kɔ kili tɛ Kristo.


Ngawi dɛa toe 'da wele do wele ma be na, Hi Wi Santo kɔ a boe, nɛ toe 'da a gala owinɔ vɛ̃.


Na mɛ ni, nɛ, owinɔ kɛ nɛ do wɔ we kpa ngawi dɛ to kɛ Hi Wi Santo hã ma ni, nɛ fá dati we kpa kɛ ma gã 'da kɔ̃a we 'da Owi Kristonɔ ni.


Mba gɔ, fala kɛ mi sambala Gale do gele nu, nɛ hi mi dɔnggɔ a kpaa, nɛ nde linggamɔ zu mi dɛ́ mɔ gɔ.


Kɔ onyae, mi nɛ tɔ̃ hã nɛ na ge nde? 'Da fala nɛ mba li ngba nɛ we dɔnggɔ Gale, nɛ wele do wele dɛ toe 'da ɛ. Mbe ga zuma, nɛ mbe be we, nɛ mbe tɔ̃ we mɛ kɛ Gale bia hã a ni, nɛ mbe sambala Gale do gele nu, nɛ mbe tɔ̃ gulu gele nui ni. Nɛ ma wia na, wa dɛ mɛnɔ ni vɛ, we gã 'da kɔ̃a we 'da Owi Kristonɔ.


Yolo zi belee, nɛ tɛ lengge na, lɛ fa we 'dafa we 'da lɛ dati nɛ iko nde? Nɛ nde ma a ni gɔ. Onyae, lɛ tɔ̃ wenɔ gɛ dati Gale, ɔ nɛ kɛ Kristo kɔ̃a ni, takɔ kɔ̃a we 'da nɛ gã dɛ dati.


Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.


Lɛ dɛ yangga 'da fala kɛ lɛ zɔ na, lɛ mbɔka, nɛ nde nɛ do ngawi boe ni. Nɛ lɛ aka Gale na, a gã 'da kɔ̃a we 'da nɛ dɛ dati.


ní a dɔ̃lɔ̃ li dɛa toe 'da Hi Wi Santo ma nɛ́ sɛ ngɔ ki ni fala dɛlɛ wena gɔ nde?


Ɔ nɛ kɛ Gale bia dia zã 'da a hã lɛ, nɛ a hã dɛa toe gɛ hã lɛ ni, lɛ wè tɛ mbɔkɔ nɛ gɔ.


Nɛ mɛnɔ ni vɛ ma yula 'da Gale. A 'dafa sanga tɛ̃ a do lɛ do wala 'da Kristo, nɛ a hã to hã lɛ na, lɛ fa we 'dafa sanga a do ombé wele.


Na mɛ ni, kɔ toe 'da lɛ, lɛ kɔ̃̀ we dɛ mɔ kɛ ma fo wele li wala 'da Gale ni gɔ, dɔ winɔ wa kɔ́'dɔ́ toe lɛ dɛ ni gɔ.


Aa oyali ngba mi, Gale kpua mbuli ni hã lɛ, kɔ ma wia na, lɛ bɛ̃ gɛnɛ 'dã mɛnɔ vɛ́, kɛ ma hã ndi kɔ kili tɛ wi, do hi wi ni. Lɛ dɛ́ kili Gale, nɛ lɛ 'dáfá dɛa mɔ tɛ lɛ, nɛ lɛ fá we dungu nɛ́ owinɔ 'da a ngboo.


Eklezia a kili tɛ Kristo, nɛ Eklezia kpa ngawi 'da a vɛ kɔ̃ Kristo, nɛ Kristo kpa ngawi kɔ̃ Gale.


Kristo mba li omɔ tɛ kili tɛ wi kpi do kpi dɛ tɛ ngba ɛ kpo do dia nɛ. Kɔ fala kɛ omɔ tɛ kili tɛ wele kpo kpo dɛ to 'da ɛ do kɔ̃a zã ɔ nɛ kɛ ma wia ni, nɛ kili tɛ wi vɛ́ ma gã, nɛ ma nganda.


Nɛ tɛ wèlè 'dã we hã ongba nɛ gɔ, nɛ nde nɛ tɔ̃́ tati a dia lɛnggɛ kɛ ma wia we gã 'da kɔ̃a we 'da ongba nɛ, nɛ ma 'dafa sila wa ni.


Lɛ Owi Kristonɔ vɛ, lɛ a kili tɛ wi kpo, nɛ lɛ kpa 'bɔ Hi Wi Santo kpo. Nɛ lɛ gbini zã lɛ do kpo dia mɛ kɛ Gale kpua zi do mbulu nɛ hã lɛ 'da fala kɛ a sa zi do mɔ hã lɛ ni.


Nɛ ngangga gɛ, zɛlɛ tɛnɔ mi kpa we duzu nɛ ni, ma hã yangga hã mi. Mba gɔ, ngamɛnɔ mi zɔ kɔ kili tɛ mi ni, ma gbala nu kɛnɔ Yezu zɔa zi ma we Eklezia, kɛ mɛ a kili tɛ̃ a ni.


Ma kɛ, lɛ be we 'da Kristo hã winɔ vɛ̃. Lɛ tɔ̃ mbula, nɛ lɛ be we hã wa do wala hã zãnɔ vɛ̃ kɛ Gale hã ma hã lɛ ni, takɔ lɛ 'dafa winɔ kɛ wa mba kpo do Kristo ni na, kɔ̃a we 'da wa nganda.


Nɛ tɔ̃́ hã Arkipɛ na, a bata toe kɛ Nwa hã ma hã a ni, nɛ a dɛ ma do dia nɛ.


Mi hã iɔ̃nae hã Yezu Kristo Nwa 'da lɛ, we duzu kɛ a hã ngawi dɛ toe gɛ hã mi. Mi hã iɔ̃nae hã a, we kɛ a zɔa zi na, mi wia we dɛ toe 'da a, nɛ a saka mi we nɛ ni.


Nɛ wi 'bana do mi tati a Luka zu a kpo. Mɔ tɔ̃̀ hã Marko, nɛ nɛ tɛ́ fala nɛ kpo do a. Mba gɔ, a wia sɛ tɛ gala mi li toe 'da mi i nga.


Kɔ we mɔ, mɔ ní sila mɔ kɔ mɛnɔ vɛ̃, dɔ ma kpóló linggamɛ 'da mɔ gɔ, nɛ mɔ kúnú sila mɔ kɔ ngamɛnɔ mɔ kpa ni. Mɔ bá tɛ mɔ we be Dia Sakoe, nɛ mɔ 'dáfá toe 'da mɔ na, ma ɔ dia.


Nɛ zélé nu owi kpe dati nɛ, nɛ nɛ dɛ́ mbulanɔ 'da wa. We kɛ wa a wi zɔ mɔ tɛ nɛ, nɛ Gale a aka sɛ wa na, wa tɔ̃ gulu dɛa tonɔ 'da wa hã ɛ. Kɔ fala kɛ nɛ zele nu wa, nɛ wa dɛ sɛ toe 'da wa do yangga. Kɔ ní gɔ, nɛ wa dɛ sɛ toe 'da wa do 'bako, nɛ ma gálá sɛ nɛ gɔ.


Gulu nɛ a ma wia na, lɛ la fala be bi lɛnggɛnɔ kɛ lɛ ndua zi be ma ngɔ Kristo ni do'do, kɔ lɛ nɛ dɛ dati, nɛ lɛ yambala wenɔ kɛ ma wia do okpasa nɛ ni. Lɛ tɛ gìlì 'bɔ tɛ lɛ ngɔ bi lɛnggɛnɔ ni gɔ. Lɛ wè 'bɔ tɛ be tɛlɛ tɛ kɛ wele wia we la fala dɛ 'dã mɛnɔ kɛ ma kã a dɛ li fio ni, kɔ a kɔ̃ zu li Gale ni hã nɛ gɔ.


Lean sinn:

Sanasan


Sanasan