EFƐZƐ 4:10 - WE NU GALE 1995

¹⁰ Wi kɛ a zĩlĩ gbaa nù nga ni, a 'bɔ a kpo wi kɛ a kũ gbaa li nza i ni, takɔ a 'dafa mɛnɔ nyanga nza gɛ vɛ́, kɔ ma we ngboo.

EFƐZƐ 4:10 Iomraidhean Croise

MATIE 24:34

Mi tɔ̃ hã nɛ do gbãlã we na, mɛnɔ ni ma dɛ sɛ tɛ̃ ɛ, nɛ nde mbe winɔ sɔɛ gɛ wa 'bana nza.

LUKA 24:44

'Do nɛ, nɛ a tɔ̃ hã wa na: “Kɛ nɛ zɔ gɛ, mɛ a wenɔ mi tɔ̃a zi hã nɛ, 'da fala mi 'bana zi do nɛ ni. Ma wia na, wenɔ kɛ wa tɔ̃a zi ngɔ mi kɔ 'buki 'da Mɔizɛ, do owi gba olo nu Gale, do kɛnɔ kɔ 'buku zumanɔ ni, ma dɛ tɛ̃ ɛ.”

YOANƐ 1:16

We nu Gale kɔ̃a gɛnɛ lɛ la li ngele, nɛ a wila nu a tɛ lɛ do wala kpi do kpi.

YOANƐ 19:24

Nɛ sodanɔ wa tɔ̃ dɛ sanga wa na: “Lɛ tɛ ɛ̃̀ sanga du tuli gɛ gɔ, kɔ lɛ to zeke ngɔ nɛ. Kɔ wi kɛ a vũ ma ni, nɛ a ba do mɔ́ a.” Mɛnɔ ni ma la ni, takɔ lɛnggɛ kɛ wa kɔma kɔ 'Buki 'da Gale na: “Wa kɛ̃a sanga tulunɔ 'da mi dɛ kɔ̃ wa, nɛ wa tua zeke ngɔ du tulu 'da mi” ni, ma dɛ tɛ̃ ɛ.

YOANƐ 19:28

'Do nɛ, nɛ Yezu ĩ na, mɛnɔ vɛ̃ wia ia, nɛ a tɔ̃ na: “Wɔ lì ba mi ba.” A tɔ̃a ni, takɔ lɛnggɛ kɛ wa kɔma kɔ 'Buki ni dɛ tɛ̃ ɛ.

YOANƐ 19:36

Mɛ ni la ní, takɔ we wa kɔma kɔ 'Buki 'da Gale na: “Wa gbíní sɛ gbãlã tɛ̃ a kpo gɔ” ni, ma dɛ tɛ̃ ɛ.

Owi Nɛ Tonɔ 1:11

nɛ wa tɔ̃ hã wa na: “Aa nɛ, Owi Galile, gulu kɛ nɛ yolo tɛ soko mɔ dɛ li nza i ni we ge nde? Yezu kɛ a yula dɛ sanga nɛ gɛ, nɛ a kũ dɛ li nza i dɛ li nɛ gɛ ni, a tɛ sɛ 'bɔ kpasaa ɔ nɛ kɛ nɛ zɔa do a tɛ kũ dɛ li nza i ni.”

Owi Nɛ Tonɔ 1:9

'Do kɛ Yezu tɔ̃a we ni, nɛ a ma ngɔ kũ dɛ li nza i, nɛ wa tɛ ka mɔ 'do a gbaa, nɛ a bi tũ dɛ zã kuti dɛ li wa ni.

Owi Nɛ Tonɔ 2:33

Baa a Gale ia a ngɔ ngawili kɔ̃ ɛ. Nɛ a hã Hi Wi Santo kɛ a kpua zé mbulu nɛ ni hã a. Nɛ Yezu tumba Hi Wi ni dɛ ngɔ lɛ, ɔ nɛ kɛ nɛ tɛ zɔ ma, do zele ma ni.

Owi Nɛ Tonɔ 3:18

Nɛ nde Gale kɔ̃a zi na mɛ ni, takɔ we a tɔ̃a zɛ́ do wala 'da owi gba olo nu a vɛ̃ na, Mɛsiya, kɛ a saka a ni, a kpa sɛ zɛlɛ tɛ ni, ma dɛ tɛ̃ ɛ.

2 KORINTƐ 12:2

Mi ĩ ti mbe wi 'da Kristo kpo, kɛ 'do nɛ la sɔɛ gɛ sabɛlɛ 'bu ngɔ nɛ nalɛ, nɛ Nwa Yezu ba a gbaa kɔ li nza i ni. (Mi ĩ̀ gɔ, tabi a ba zi a dɛ ngɔ i ngboo, tabi a bia zi mɔ li a iko nde, nɛ nde Gale zu a kpo a ĩ ki ni.)

EFƐZƐ 3:19

Gbãlã we, gɛnɛ kɔ wele wè tɛ ĩ ti kɔ̃a zã 'da Kristo vɛ do dia nɛ gɔ, nɛ nde mi aka Gale na, nɛ ĩ ti ma, takɔ nɛ ba tɛlɛ tɛ Gale ngboo.

KƆLƆSƐ 1:19

We kɛ Gale kɔ̃a zi na, Kristo ba tɛlɛ tɛ̃ ɛ, nɛ a we kɔ̃ do ɛ kɔ mɛnɔ vɛ̃.

KƆLƆSƐ 2:9

Mba gɔ, 'da fala Kristo zi a wele ngɔ nù gɛ, nɛ a wia zi kɔ̃ do Gale vɛ̃.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.

OHEBRE 4:14

Ma wia na, sila lɛ nɔ tɛ kɔ̃a we 'da lɛ. Mba gɔ, lɛ do gã nwa nganga boe, wi a Yezu Be 'da Gale, kɛ a nɛa gbaa, nɛ a lia li nza 'da Gale i ni.

OHEBRE 7:26

Na mɛ ni, Yezu a gã nwa nganga kɛ a wia do lɛ ngboo ni. A a santo, a dè 'dã mɔ gɔ, nɛ fo 'dã mɔ kɔ a bina. Gale fua zi a sanga o'dã winɔ, nɛ a ba a dɛ li nza ngɔ i.

OHEBRE 8:1

Gã gulu we kɛ lɛ kɔ̃a we be ma hã nɛ ni, mɛ a kɛ na, lɛ do gã nwa nganga mɔ́ lɛ boe. A a li nza i, nɛ a dungu kɛ zã kpongbo nwa 'da Gale, kɛ a do nganda vɛ̃ ni, do ngɔ ngawili kɔ̃ a.