EFƐZƐ 4:1 - WE NU GALE 1995

¹ We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 4:1 Iomraidhean Croise

Ndo Nyanga Dɛ Mɔ 17:1

Abrama ɔa zi sabɛlɛ 'bu nɛ kusi ngɔ nɛ kusi, nɛ NWA be tɛ̃ ɛ hã a, nɛ a tɔ̃ hã a na: “Mi a Gale kɛ mi do nganda vɛ̃. Mɔ dɛ mbula 'da mi, nɛ mɔ ɔ wi bɔlɔ zu fai.

Ndo Nyanga Dɛ Mɔ 5:24

Li dungu nza 'da a vɛ, a zi fai fala nɛ kpo do Gale. Nɛ 'do ki ni, nɛ Gale ba a dɛ 'da ɛ i, nɛ nde a fè fia gɔ.

Yeremi 38:20

Nɛ mi gese na: “Ma a ni gɔ, osoda Babilɔnɛ wa 'dɔ́lɔ́ sɛ mɔ hã wa gɔ. Mɔ zélé toe kɛ nwa tumba do mi ni, nɛ mɛnɔ ma la sɛ vɛ̃ do dia nɛ, nɛ mɔ kpasa sɛ.

Owi Nɛ Tonɔ 9:31

Do 'da fala nɛ ni, Owi kɔ̃a wenɔ tɛ ngɔ nù Yude, do Galile, do Samaria wa kpa zi dungu fio. Nɛ Hi Wi Santo hã ngawi hã wa na, wa dɛ kifi Nwa, nɛ wa dɛlɛ dɛ dati fai.

ROMA 11:29

Mba gɔ, Gale hã mɔ hã wele ia, nɛ nde a bá 'bɔ ma kɔ̃ a gɔ. Nɛ a kpóló 'bɔ linggamɛ 'da a ngɔ wanɔ kɛ a sa zɛ́ mɔ hã wa ia ni gɔ.

ROMA 12:1

Aa onyae, ɔ nɛ kɛ Gale bia dia zã 'da a hã lɛ na mɛ ni, mi aka nɛ na, nɛ há kpasi 'da nɛ vɛ hã Gale ɔ nɛ dɔnggamɔ kɛ wa dɔ hã a ni, nɛ hã tɛ nɛ we do kɛ na, nɛ hã yangga hã a, nɛ a kɔ̃ gɛnɛ nɛ. Ki ni mɛ a ngbongbo wala kɛ nɛ wia we dɔnggɔ do Gale gɛ a ni.

1 KORINTƐ 4:16

Kɔ mi tɔ̃ hã nɛ na, nɛ dɛ́ ɔ nɛ kɛ mi dɛ ni.

2 KORINTƐ 10:1

Mi Polo, kɛ ombe wa tɔ̃ na, fala kɛ mi a 'da nɛ i, nɛ mi ba tɛ mi dɛ nù, kɔ mi nɛ hɔ gele fala, nɛ mi dãlã do nɛ wena ni, mi nɛ tɔ̃ we gɛ hã nɛ. Mi aka nɛ do zu li Kristo, kɛ a do mbɔkɔ sila, do dia zã ni na,

2 KORINTƐ 5:20

Ma kɛ lɛ yɛnggɛ we be we 'da Kristo, ɔ nɛ Owi nɛ tonɔ 'da Gale ngboo ni. Mba gɔ, Gale ngboo a sa mɔ hã nɛ do wala 'da lɛ. Kɔ lɛ aka nɛ do zu li Kristo na, nɛ e Gale, hã a 'dafa sanga tɛ̃ a do nɛ.

2 KORINTƐ 6:1

Kɔ lɛ winɔ kɛ lɛ dɛ toe fala nɛ kpo do Gale ni, lɛ aka nɛ na, da dɛ kɔ dia zã kɛ Gale bia hã nɛ ni, ma ɔ́ yala iko gɔ.

GALATI 4:12

Onyae, mi ala nu mi hã nɛ na, nɛ hɔ́ mi! We kɛ mi hɔa tɛ mɛ 'bɔ nɛ. Nɛ dɛ̀ 'dã mɔ do mi gɔ.

EFƐZƐ 2:10

Gbãlã we, lɛ a mɔ do kɔ̃ Gale. A dɛa lɛ, nɛ a mba li lɛ kpo do Yezu Kristo, takɔ lɛ dɛ dia mɛnɔ kɛ a 'dafa zi dati belee na, lɛ dɛ ma ni.

EFƐZƐ 3:1

We duzu ma, mi Polo, mi sambala Gale we nɛ kɛ nɛ a Oyuda gɔ ni. Mi a wi bɔlɔkɔ we duzu toe kɛ Yezu Kristo tumba mi we dɛ hã nɛ ni.

EFƐZƐ 4:17

Ma a mi tɔ̃ hã nɛ, nɛ mi dala nu mi do zu li Nwa na: Nɛ tɛ dɛ̀ mɔ tɛ nɛ ɔ nɛ opaganɔnɔ, kɛ wa ĩ̀ ti Gale gɔ, nɛ wa nɛ 'do yia linggamɛnɔ 'da wa iko ni gɔ.

EFƐZƐ 4:4

Lɛ Owi Kristonɔ vɛ, lɛ a kili tɛ wi kpo, nɛ lɛ kpa 'bɔ Hi Wi Santo kpo. Nɛ lɛ gbini zã lɛ do kpo dia mɛ kɛ Gale kpua zi do mbulu nɛ hã lɛ 'da fala kɛ a sa zi do mɔ hã lɛ ni.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

FILIPƐ 1:27

Nɛ nde dati ngboo ma wia na, nɛ 'dafa dungi 'da nɛ, nɛ ma we do 'da Dia Sakoe 'da Yezu Kristo. Kɔ fala kɛ mi hɔ 'da nɛ i, tabi mi hɔ̀ 'bɔ gɔ nde, nɛ mi zele sɛ na, nɛ 'bana do nɔa sila kɔ kɔ̃a we 'da nɛ, nɛ nɛ 'bana do sila nɛ kpo, do linggamɔ kpo, we bi ngɔ Dia Sakoe kɛ nɛ kɔ̃a ma ni.

FILIPƐ 3:14

Ma kɛ mi tɛ yu a nga we hɔ ndɔti yui, takɔ mi kpa de mɛ kɛ Gale sa zi mɔ hã lɛ we nɛ li nza i do wala 'da Yezu Kristo ni.

KƆLƆSƐ 1:10

Na mɛ ni, nɛ nɛ dungu sɛ nɛ́ kɛ ma wia do owinɔ 'da Gale ni, nɛ dɛa mɔ tɛ nɛ ma hã sɛ yangga hã a fai. Nɛ dɛ sɛ de mɔ kpi do kpi, nɛ nɛ ĩ sɛ ti Gale dɛ dati fai.

KƆLƆSƐ 2:6

Ɔ nɛ kɛ nɛ kɔ̃a gɛnɛ Nwa Yezu Kristo ia ni, nɛ mba do a kpo kɔ dungi 'da nɛ.

KƆLƆSƐ 4:12

Epafrasi, kɛ a 'bɔ a wi 'da nɛ ni, a hã balɛ hã nɛ. A a wi dɛa to 'da Yezu Kristo, nɛ a sambala Gale we nɛ 'da fala fai. A sambala na, nɛ yolo nganda, nɛ nɛ hɔ owinɔ kɛ kɔ̃a we 'da wa nganda ia ni. Nɛ nɛ ĩ ti mɛ kɛ zã Gale kɔ̃a na nɛ dɛ ma ni, nɛ nɛ tɛ ɔ̀ do kafi gɔ.

1 TƐSALONIKƐ 2:12

Lɛ kpãlã zi sila nɛ, nɛ lɛ hã ngawi hã nɛ, nɛ lɛ hɛ̃lɛ̃ nɛ na, nɛ 'dafa dɛa mɔ tɛ nɛ na, ma de li Gale. Mba gɔ, a sa mɔ hã nɛ na, nɛ kpa dɔ̃lɔ̃ li do a kɔ le nwa 'da a.

2 TƐSALONIKƐ 1:11

Gulu nɛ a lɛ sambala Baa lɛ Gale we duzu nɛ fai na, a 'dáfá nɛ, kɔ nɛ we do kpasi kɛ a sa zi mɔ hã nɛ we nɛ ni. Nɛ lɛ aka a na, a hã ngawi 'da a hã nɛ, takɔ nɛ dɛ dia mɛnɔ vɛ kɛ nɛ kɔ̃a we dɛ nɛ ni, nɛ a dɛ 'bɔ na, to olo kɔ̃a we 'da nɛ we ngboo.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

TITO 2:10

nɛ wa tɛ zu mɔ kɔ̃ wa gɔ. Nɛ nde ma wia na, wa dɛ tonɔ 'da wa we do kɛ na, Owele wa kɔ̃ gɛnɛ wa. Na mɛ ni, nɛ we nu Gale, Wi kpasa lɛ, ma kpa sɛ dɔ̃lɔ̃ li kɔ mɛnɔ vɛ̃ wa dɛ ni.

OHEBRE 13:21

E kɔ Gale, wele gɛa sila hã ngawi hã nɛ, we dɛ mɛnɔ vɛ kɛ a kɔ̃a na, nɛ dɛ ma ni. E kɔ Gale dɛ mɛ kɛ ma hã yangga hã a ni kɔ lɛ, do wala 'da Yezu Kristo. E kɔ Yezu Kristo ɔ́ do dɔ̃lɔ̃ li fai! Amɛ.

OHEBRE 3:1

Na mɛ ni, onyae wi kɔ̃a wenɔ, kɛ Gale sa zi 'bɔ mɔ hã nɛ ni, nɛ á linggamɛnɔ 'da nɛ dɛ ngɔ Yezu, kɛ Gale tumba a we ɔ gã nwa nganga ngɔ wenɔ lɛ kɔ̃a ma gɛ ni.

1 PETRO 2:11

Aa oyali ngba mi, nɛ ĩ na, nɛ ngɔ nù gɛ a gɛnɛ iko, ngbongbo le 'da nɛ ngɔ nù gɛ bina. We duzu ma, mi ala nu mi hã nɛ na, nɛ bɛ̃́ gɛnɛ 'dã wɔ kɔ kili tɛ nɛ, kɛ ma bi do dia linggamɛnɔ kɔ sila nɛ ni do'do.

1 PETRO 3:9

Wele dɛ 'dã mɔ dɛ 'da nɛ, nɛ nɛ tɛ gèsè 'dã mɔ do nɛ hã a gɔ. Tabi a dã nɛ nde, nɛ nɛ tɛ dã̀ a gɔ, nɛ nde nɛ wélé nu nɛ tɛ a. Mba gɔ, 'da fala kɛ Gale sa zi mɔ hã nɛ ni, nɛ a kpua zi mbulu na, ɛ wele sɛ nu ɛ tɛ nɛ.

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.

2 PETRO 1:3

Wi a Yezu Kristo hã a hũi zi li lɛ we ĩ ti Gale, kɛ a sa zi mɔ hã lɛ na, lɛ le kɔ dɔ̃lɔ̃ li do dia zã 'da a ni. Nɛ ngawi 'da Kristo hã zi dia mɛnɔ kɛ ma gala lɛ we ɔ do kpasi, nɛ ma 'dafa dungi 'da lɛ na, ma de li Gale ni hã lɛ.

2 YOANƐ 1:5

Ngangga ni, mi tɔ̃ hã mɔ, Naa lɛ na, lɛ kɔ̃́ gɛnɛ ngba lɛ. Mbula mi kɔma hã mɔ gɛ, mɛ a mbé mbula gɔ, nɛ nde mɛ a ã mbula kɛ lɛ zila zi dati belee, ndo do kɛ lɛ kɔ̃a zu li Yezu ni.