EFƐZƐ 3:9 - WE NU GALE 1995

⁹ Gale tumba mi we be tɛlɛ tɛ kɛ linggamɔ kɔ sila a ma dɛ sɛ do tɛ ɛ ni dɛ nza. Gale kɛ a dɛa mɛnɔ vɛ ni, a usu zɛ́ ma dɛ kɔ sila a belee dati a ndo nyanga dɛ mɛnɔ.

EFƐZƐ 3:9 Iomraidhean Croise

Zumanɔ 33:6

NWA ba nu ɛ, nɛ a dɛa li nza. A tɔ́a kpo, nɛ wese, do zɛkɛ, do sɔlanɔ ma hɔa.

Ezai 44:24

NWA Gale tɔ̃a hã obe Israɛlɛ na: “Mi a NWA, mi a wi kpasa nɛ. Mi zu mi kpo a mi dɛa nɛ. Mi a NWA, mɛnɔ nyanga nza gɛ vɛ̃, mi a mi dɛa ma. Mi zu mi kpo a mi dɛa li nza do nù, nɛ wele kpo gbàkà mi tɛ dɛ ma gɔ.

MATIE 10:27

Wenɔ vɛ̃ kɛ mi tɔ̃ hã nɛ do ti tũ nɛ ni, nɛ bé ma dɛ wila fala, nɛ wenɔ kɛ wa fɔ̃lɔ̃ dɛ zala nɛ ni, nɛ sá do mbila li fanda nza nga.

MATIE 13:35

A dɛ zi na mɛ ni, takɔ we wi gba olo nu Gale tɔ̃a ni ma dɛ tɛ̃ ɛ. A tɔ̃a olo nu Gale na: “Mi wele sɛ wenɔ hã wa do gba we. Mi tɔ̃ sɛ gulu mɛnɔ kɛ ma usu tɛ̃ ɛ yolo 'da fala kɛ mi ndua zɛ́ nyanga dɛ nùi ni hã wa.”

MATIE 25:34

Nɛ mi tɔ̃ sɛ hã wanɔ si ngɔ ngawili kɔ̃ mi ni na: ‘Baa mi wila zɛ́ nu a tɛ nɛ ia! Nɛ tɛ́, kɔ nɛ le kɔ le nwa 'da a, kɛ a 'dafa zɛ́ ma hã nɛ dati ndo nyanga dɛ nùi ni.

MATIE 28:19

Kɔ nɛ nɛ́, hã nɛ bé we hã onu kpala winɔ ngɔ nù gɛ vɛ̃, takɔ wa hɔ owinɔ 'da mi. Nɛ bátísá wa do zu li Baa, do Be, do Hi Wi Santo.

LUKA 24:47

Nɛ ma wia 'bɔ na, Owele wa be sakoe 'da a nyanga nza gɛ vɛ̃, ndo do Yeruzalɛmɛ, we tɔ̃ hã winɔ na, wa kifi sila wa, kɔ Gale fo ku'da 'dã mɛnɔ zu wa.

YOANƐ 10:30

Lɛ do Baa mi, lɛ a wele kpo iko.”

YOANƐ 5:17

Nɛ Yezu tɔ̃ hã wa na: “Baa mi dɛ toe 'da a dɛa fai iko, nɛ mi, mi dɛ 'bɔ na mɛ ni.”

YOANƐ 5:19

Nɛ Yezu gisa hã wa na: “Mi tɔ̃ hã nɛ do gbãlã we na, mi Be 'da Gale, mi wè tɛ dɛ linggamɔ zu mi iko gɔ, nɛ nde mi dɛ a kɛ mi zɔa kɔ̃ Baa mi ni. Mɛnɔ vɛ̃ kɛ Baa mi dɛ ni, nɛ mi dɛ tɛ mɛ 'bɔ ma.

Owi Nɛ Tonɔ 15:18

Ki ni a olo nu Nwa kɛ a bia zi do gulu mɛnɔ belee ia gɛ a ni.’ ”

ROMA 11:25

Onyae, mi kɔ̃a na, nɛ ĩ́ ti usu we kɛ Gale bia ma hã mi gɛ, da dɛ kɔ nɛ dɔ́nggɔ́ tɛ nɛ na, lo a wi hã zã gɔ. Usu we ni ma kɛ: Nga zu kɛ ombe Israɛlɛ wa dɛ dɛ 'da Gale ni, ma 'báná sɛ fai gɔ. Ma ɔ sɛ na mɛ ni gbaa na, li winɔ kɛ Gale saka we kpasa wa sanga gele nu kɔnggɔnɔ ni, ma we do'do sɛ nɛ de.

1 KORINTƐ 2:7

Nɛ nde mi be a hã zã 'da Gale, kɛ ma usu tɛ ɛ li owinɔ, nɛ wa ĩ̀ gulu nɛ gɔ ni. Gale 'dafa zɛ́ ma dati kɛ a tɛ dɛ̀ zɛ́ nùi gɛ gɔ ni, takɔ ma hã dɔ̃lɔ̃ li hã lɛ.

EFƐZƐ 1:4

Mba gɔ, dati kɛ na Gale dɛ nùi ni, nɛ nde a saka zɛ́ lɛ, nɛ a mba lɛ kpo do Kristo, takɔ lɛ ɔ santo li a, nɛ mɔ kɔ'dɔ wi tɛ ɔ̀ kɔ lɛ gɔ.

EFƐZƐ 3:2

Kafi bina, nɛ zila we toe kɛ Gale hã hã mi do dia zã 'da a na, mi dɛ hã nɛ ni.

EFƐZƐ 6:19

Nɛ nɛ sámbálá 'bɔ a we duzu mi na, a 'dafa wila we nu mi, takɔ mi be gulu wenɔ kɛ ma usu tɛ̃ ɛ kɔ Dia Sakoe ni hã winɔ do kpã sila ngboo.

KƆLƆSƐ 1:23

Nɛ nde ma wia na, nɛ 'be kɔ̃a we 'da nɛ nɔ, nɛ nɛ yolo nganda nɛ́ tɔa kɛ wa a nyanga nɛ dɛ ngɔ ta ni. Nɛ dɔ wele kpo ɔ́lɔ́ nɛ na, nɛ la fala gbini zã nɛ do Dia Sakoe kɛ wa bia zi ma hã nɛ ni gɔ. Dia Sakoe ni, wa bia ma hã owinɔ ngɔ nù gɛ vɛ̃, nɛ mi Polo mi hɔa wi nɛ to we be ma.

KƆLƆSƐ 1:26

We 'da Gale ni, mɛ a linggamɔ kɔ sila a kɛ a usu zi ma do winɔ kɔ sabɛlɛnɔ vɛ̃ ma la zi dati ni. Nɛ ngangga gɛ, a bia ma hã owinɔ 'da a.

KƆLƆSƐ 3:3

we kɛ nɛ ɔ nɛ Go ni. Nɛ nde kpasi 'da nɛ fala nɛ kpo do Kristo, nɛ ma usu tɛ̃ ɛ tambala kɔ̃ Gale.

KƆLƆSƐ 4:3

Nɛ nɛ sámbálá 'bɔ a we duzu lɛ na, a hã wala hã lɛ we be we 'da a hã owinɔ, do tɔ̃ gulu usu we 'da Kristo, kɛ mi lia bɔlɔkɛ we ma ni.

2 TƐSALONIKƐ 2:13

Nɛ nde kɛ 'da lɛ, onyae, lɛ wia tɛ hã iɔ̃nae hã Gale 'da fala fai we duzu nɛ, kɛ Nwa kɔ̃a gɛnɛ nɛ ni. Mba gɔ, Gale saka zɛ́ nɛ do ndo nyanga dɛ mɛnɔ, takɔ a kpasa nɛ, nɛ a kifi nɛ do winɔ 'da a ngboo. A kpasa sɛ nɛ do ngawi 'da Hi Wi Santo, do ngawi 'da kɔ̃a we nɛ kɔ̃a do gɛnɛ gbãlã we ni.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.

2 TIMOTE 1:9

Gale kpasa zi lɛ, nɛ a sa mɔ hã lɛ, we a lɛ do owinɔ 'da a. A dɛ̀ ní we duzu dia dɛa mɛnɔ 'da lɛ gɔ, nɛ nde we duzu dia sila 'da a ɔ nɛ kɛ a 'dafa ni. Mba gɔ, dati ndo nyanga dɛ mɛnɔ, Gale 'bili zɛ́ do kɔ sila a na, a be sɛ dia zã 'da a hã lɛ do wala 'da Yezu Kristo.

2 TIMOTE 4:17

Nɛ nde Nwa zi fala nɛ kpo do mi, nɛ a hã zi ngawi hã mi. Nɛ we duzu ngawi ni, mi bia Dia Sakoe hã owinɔ kɛ wa zi a Oyuda gɔ ni ia vɛ̃, nɛ wa vɛ wa zila. Nɛ Nwa kpasa zi mi kɔ nu gbɔgbɔ.

TITO 1:2

takɔ wa gbini zã wa do kpasi kɛ ma é sɛ gɔ ni. Gale 'bílí bɛlɛ gɔ. A kpua zɛ́ mbulu kpasi ni dati kɛ a tɛ dè mɛnɔ vɛ̃ gɔ ni,

1 PETRO 1:20

Dati kɛ na Gale dɛ nùi ni, nɛ a saka zɛ́ Yezu na, a kpasa sɛ nɛ. Nɛ nde do ndɔti ngba soenɔ gɛ, Gale dɛa na, Yezu hɔ nù gɛ we duzu nɛ.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 14:6

'Do ki ni, nɛ mi zɔa mbé gele anzɛ tɛ bũlũ ndũu do ngɔ i. Nɛ a tɛa do Dia Sakoe kɛ ma 'bana sɛ fai ni, takɔ a be ma hã owinɔ ngɔ nù gɛ. A be ma hã nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 4:11

“Aa Nwa, mɔ a Gale 'da lɛ. Mɔ wia do dɔ̃lɔ̃ li, do dɔngga wi, do nganda vɛ. Mba gɔ, mɔ a mɔ dɛa mɛnɔ vɛ. Mɔ kɔ̃a zi na mɛnɔ dɛ tɛ̃ ɛ, nɛ ma dɛa tɛ̃ ɛ.”