EFƐZƐ 3:8 - WE NU GALE 1995

⁸ Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.

EFƐZƐ 3:8 Iomraidhean Croise

1 Sakonɔ 17:16

Nɛ nwa Davidi lia kɔ tɔa tande 'da NWA Gale, nɛ a yolo dati a, nɛ a tɔ̃ na: “NWA Gale 'da mi, mi do nu fɛlɛ mi, lɛ wè zi do kɛ na mɔ dɛ dia mɛnɔ gɛ vɛ̃ do lɛ gɔ.

Zumanɔ 31:19

Mɔ kpé nu owi tɔ̃ bɛlɛnɔ, kɛ wa dɛ gã zu, nɛ wa tɔ̃ lɛnggɛ wali dɛ tɛ wi bɔlɔ zu, nɛ wa zɔ a li wa yala ni.

LUKA 14:22

Wi toe ni nɛa, nɛ a kpolo tɛ̃ a, nɛ a tɔ̃ na: ‘Nwa 'da mi, mi dɛa toe mɔ tumba sɔ mi we nɛ ni ia. Nɛ nde wila falanɔ 'bana.’

YOANƐ 1:16

We nu Gale kɔ̃a gɛnɛ lɛ la li ngele, nɛ a wila nu a tɛ lɛ do wala kpi do kpi.

Owi Nɛ Tonɔ 5:41

Nɛ Owi nɛ tonɔ wa hɔa nza sanga Owi 'bili wenɔ, nɛ wa si do yangga vɛ̃, we kɛ wa zɔa ngamɔ we duzu li Yezu ni.

Owi Nɛ Tonɔ 9:15

Nɛ Nwa tɔ̃ hã a na: “Mɔ nɛ́, we kɛ mi saka a do wi toe 'da mi, takɔ a yɛnggɛ we be zu li mi hã obe Israɛlɛ, do ogele nu kɔnggɔnɔ, do Onwanɔ 'da wa.

ROMA 11:33

Dia zã 'da Gale dɛ 'da winɔ ma gã wena! Nɛ hã zã 'da a, do ĩ ti mɛ 'da a ma nɛa 'bɔ ngɔ mɔ vɛ! Wi wia tɛ tɔ̃ gulu linggamɛnɔ kɛ a 'bili do wenɔ ni a wio nde? Nɛ wi wia tɛ ĩ ti mɛnɔ kɛ a dɛ ma ni a wio nde?

ROMA 12:10

Nɛ kɔ̃́ gɛnɛ ngba nɛ ɔ nɛ onya wi ni, nɛ nɛ dĩ́lĩ́ fala tɛ ngba nɛ wena.

ROMA 2:4

Mɔ zɔ gã dia zã 'da Gale, do du sila 'da a, do gɛa sila 'da a dɛ 'da winɔ li mɔ yala iko nde? Mɔ ĩ̀ na, Gale bia dia zã 'da a hã mɔ, takɔ mɔ kifi sila mɔ gɔ nde?

1 KORINTƐ 1:30

Nɛ nde Gale mba li nɛ vɛ̃ fala nɛ kpo do Kristo, nɛ a bia hã zã 'da a hã lɛ do wala 'da Kristo. Nɛ do kpo wala 'da Kristo ni, Gale gɔnɔ zu lɛ, nɛ lɛ hɔa Owi bɔlɔ zu li a, nɛ lɛ hɔa 'bɔ winɔ 'da a.

1 KORINTƐ 15:9

Gbãlã we, mi do ti Owi nɛ tonɔ vɛ. Ma wè sɔ na, wa sa li mi na wi nɛ to gɔ. Mba gɔ, mi hã zi ngamɔ hã Eklezia 'da Gale wena.

1 KORINTƐ 2:9

Ma ɔ nɛ kɛ wa kɔma kɔ 'Buki 'da Gale na: “Mɛ a mɔ kɛ wele kpo tɛ zɔ̀ mbe gɔ, nɛ wele tɛ zèlè 'bɔ mbe do zala ɛ gɔ, nɛ wele tɛ kpà mbe linggamɔ nɛ gɔ, nɛ nde Gale 'dafa ma we winɔ kɛ wa kɔ̃a gɛnɛ a ni.”

GALATI 1:16

A bia zi Be 'da a hã mi, takɔ mi be Dia Sakoe 'da a hã owinɔ kɛ wa a Oyuda gɔ ni. Nɛ 'do nɛ, mi àkà 'bɔ wele na, a be wala hã mi gɔ.

GALATI 2:8

Mba gɔ, Gale kɛ a saka zi Petro do wi nɛ toe 'da a, nɛ a tumba a hã Oyudanɔ ni, a saka 'bɔ mi, nɛ a tumba mi hã ogele winɔ.

EFƐZƐ 2:7

A dɛa ni we be dia zã 'da a dɛ 'da lɛ do wala 'da Kristo. Nɛ a kɔ̃a we be dia zã 'da a kɛ ma nɛa ngɔ mɔ vɛ́ ni hã owinɔ kɔ sabɛlɛnɔ 'do gɛ.

EFƐZƐ 3:1

We duzu ma, mi Polo, mi sambala Gale we nɛ kɛ nɛ a Oyuda gɔ ni. Mi a wi bɔlɔkɔ we duzu toe kɛ Yezu Kristo tumba mi we dɛ hã nɛ ni.

EFƐZƐ 3:16

Nɛ mi aka Gale, kɛ a do dia mɔ li nza i wena ni na, a hã ngawi hã nɛ do wala 'da Hi Wi 'da a, takɔ sila nɛ nganda dɛ dati.

EFƐZƐ 3:19

Gbãlã we, gɛnɛ kɔ wele wè tɛ ĩ ti kɔ̃a zã 'da Kristo vɛ do dia nɛ gɔ, nɛ nde mi aka Gale na, nɛ ĩ ti ma, takɔ nɛ ba tɛlɛ tɛ Gale ngboo.

EFƐZƐ 3:2

Kafi bina, nɛ zila we toe kɛ Gale hã hã mi do dia zã 'da a na, mi dɛ hã nɛ ni.

FILIPƐ 2:3

Nɛ tɛ fà we nɛ ngɔ ngba nɛ gɔ, nɛ nɛ tɛ dɔ̀nggɔ̀ tɛ nɛ gɔ. Nɛ bá tɛ nɛ dɛ nù, nɛ nɛ zɔ́ ongba nɛ na, wa nɛa ngɔ nɛ.

FILIPƐ 4:19

Gale 'da mi, kɛ a a wele kpamɛnɔ vɛ̃ ni, a hã sɛ mɛnɔ vɛ̃ kɛ nɛ zɔla ni hã nɛ do wala 'da Yezu Kristo.

KƆLƆSƐ 1:27

Gale kɔ̃a we be hã wa na, we a usu ma ni mɛ a dia mɔ kɛ ma gã wena, nɛ ma do dɔ̃lɔ̃ li wena, nɛ ma 'bɔ we ogele winɔ vɛ̃. Usu we ni mɛ a kɛ na Kristo ɔ kɔ nɛ, nɛ nɛ wia we gbini zã nɛ do a na, nɛ mba sɛ do a kpo kɔ dɔ̃lɔ̃ li 'da a.

1 TIMOTE 1:13

Gɛnɛ kɔ mi tɔ̃a zi 'dã we tɛ Yezu, nɛ mi zɛlɛ tɛ̃ a, nɛ mi dã zu li a, nɛ nde Gale a ĩ 'bako hã mi, we kɛ mi tɛ kɔ̃̀ zi zu li Yezu gɔ, nɛ mi ĩ̀ zi 'bo ti gulu mɛnɔ mi dɛ ni gɔ.

1 TIMOTE 1:15

Kɔ mɔ zɔ́, we wa tɔ̃a zi na, Yezu tɛa ngɔ nù gɛ we kpasa o'dã winɔ ni, mɛ a gbãlã we. Nɛ ma wia na, winɔ vɛ wa kɔ̃ ma do sila wa kpo. Nɛ sanga owi dɛ 'dã mɛnɔ ni, mi nɛa ngɔ wa vɛ.

1 TIMOTE 2:7

We duzu ma, Gale saka mi do wi nɛ toe 'da a, we be gbãlã we 'da a hã owinɔ kɛ wa a Oyuda gɔ ni na, wa kɔ̃ gɛnɛ nɛ. We mi tɔ̃ ni, mɛ a nga li we, mi 'bílí bɛlɛ gɔ.

2 TIMOTE 1:11

Nɛ Gale saka mi do wi be gulu Dia Sakoe ni hã winɔ, do wi nɛ to nɛ.

USU MƐNƆ 3:18

“Kɔ we duzu ki ni, mi tɔ̃ mbula hã nɛ na, nɛ tɛ́ 'da mi nga, kɔ nɛ oso mɔ mbali kɛ wa fi li we, nɛ wa fua ndinɔ kɔ nɛ vɛ̃ ni, kɔ nɛ hɔ ngbongbo owi kpamɔ. Nɛ nɛ ósó 'bɔ ofɛa tulu, we kele do kũlĩ tɛ nɛ, kɛ sape nɛ ba li nɛ ni. Nɛ nɛ ósó ina we zĩ ngɔ li nɛ, takɔ nɛ zɔ 'bɔ mɔ.