Nɛ do wala 'da a, Gale bia dia zã 'da a hã mi, nɛ a ia mi do wi nɛ toe 'da a, takɔ mi tɔ̃ hã ogele nu fɛlɛ kulanɔ vɛ na, wa kɔ̃ zu li Yezu Kristo, nɛ wa zele we nu a.
Kɔ we duzu dia zã 'da Gale dɛ 'da mi, mi tɔ̃ hã wele kpo kpo sanga nɛ ni na, nɛ tɛ bà tɛ nɛ dɛ ngɔ nɛ ngɔ kɛ nɛ do ma ni gɔ. Nɛ nde ma wia na, nɛ ɔ do dia linggamɔ, dɔ nɛ hɔ́ wi gã zu gɔ, nɛ wele do wele zɔ́ tɛ̃ a we do kɔ̃a we kɛ Gale hã ma hã a ni.
nɛ a ia mi do wi dɛa toe 'da Yezu Kristo sanga ogele winɔ. Mi dɛa to be Dia Sakoe 'da a, ɔ nɛ kɛ mi a nganga ni, takɔ owinɔ kɛ wa a Oyuda gɔ ni, wa hɔ dia dɔnggamɔ kɛ mi hã ma hã Gale ni. Dɔnggamɛ ni, Hi Wi Santo 'dafa ma na, ma ɔ santo li Gale, nɛ ma hã yangga hã a.
Nɛ nde Gale bia dia zã 'da a hã mi, gulu nɛ a mi ɔ sɔɛ gɛ na mɛ gɛ. Nɛ dia zã Gale bia hã mi ni, ma là yala iko gɔ, we kɛ mi dɛ to wena, mi dɛa nɛa ngɔ Owi nɛ tonɔ vɛ́. Nɛ nde mi dɛ̀ ma do ngawi 'da mi wele nɛ gɔ, mi dɛa do ngawi 'da Gale, kɛ a hã ma hã mi do dia zã 'da a ni.
Apolosi ngboo a wio nde? Nɛ Polo a wio nde? Lɛ a Owi dɛa tonɔ 'da Nwa Gale kɛ lɛ gala nɛ na, nɛ kɔ̃ zu li Kristo ni. Nɛ wele kpo kpo sanga lɛ dɛ toe kɛ Gale hã ma hã a ni.
A hã ngawi hã lɛ na, lɛ be do gulu mbé gba tɔkɛ kɛ a gba do owinɔ ni. Mbé gba tɔkɛ ni, ma yòlò kɔ mbɛti mbula gɔ, nɛ nde ma yula 'da Hi Wi Santo. Mba gɔ, mbɛti mbula kã wele dɛ tɛ fio, nɛ Hi Wi hã kpasi hã wele.
Mi gɛ, mi a nda go'do owinɔ 'da Gale vɛ́, nɛ nde Gale bia dia zã 'da a hã mi, nɛ a saka mi we be Dia Sakoe hã owinɔ kɛ wa a Yuda gɔ ni. Dia Sakoe ni ma tɔ̃ lɛnggɛ de mɛnɔ kɛ ndɔti nɛ bina, nɛ lɛ kpa ma do wala 'da Kristo ni.
Kristo mba li omɔ tɛ kili tɛ wi kpi do kpi dɛ tɛ ngba ɛ kpo do dia nɛ. Kɔ fala kɛ omɔ tɛ kili tɛ wele kpo kpo dɛ to 'da ɛ do kɔ̃a zã ɔ nɛ kɛ ma wia ni, nɛ kili tɛ wi vɛ́ ma gã, nɛ ma nganda.
Mbe gulu kɛ lɛ hã 'bɔ iɔ̃nae hã Gale fai ni ma kɛ: 'Da fala kɛ nɛ zila zi we 'da Gale kɛ lɛ bia hã nɛ ni, nɛ nɛ kɔ̃̀ zi gɛnɛ nɛ ɔ nɛ lɛnggɛ nu wele iko gɔ, nɛ nde nɛ kɔ̃a na, mɛ a we nu Gale ngboo, nɛ ma tɛ dɛ to kɔ sila nɛ winɔ kɛ nɛ kɔ̃a ma ni.
E kɔ Gale, wele gɛa sila hã ngawi hã nɛ, we dɛ mɛnɔ vɛ kɛ a kɔ̃a na, nɛ dɛ ma ni. E kɔ Gale dɛ mɛ kɛ ma hã yangga hã a ni kɔ lɛ, do wala 'da Yezu Kristo. E kɔ Yezu Kristo ɔ́ do dɔ̃lɔ̃ li fai! Amɛ.