EFƐZƐ 3:5 - WE NU GALE 1995

⁵ Usu linggamɛ ni, Gale bè zi ma hã owinɔ dati ni gɔ. Nɛ nde ngangga gɛ, a bia ma do wala 'da Hi Wi 'da a hã Owi nɛ tonɔ 'da Kristo, do Owi gba olo nu a kɛ a saka wa ni.

EFƐZƐ 3:5 Iomraidhean Croise

Ezai 52:15

Nɛ nde ngangga ni, ogele nu kɔnggɔnɔ wa tɛ ɔngbɔ we 'da a, nɛ we 'da a ma ba we nu 'Onwanɔ vɛ̃. Mba gɔ, wa zèlè mbe kuti wenɔ kɛ wa tɔ̃ ma hã wa gɛ gɔ, nɛ wa zɔ̀ mbe kuti mɔ ɔ ni gɔ.”

MATIE 13:17

Kɔ mi tɔ̃ hã nɛ do gbãlã we na, gba gili Owi gba olo nu Gale, do Owi bɔlɔ zunɔ, wa kɔ̃a zi we zɔ mɛnɔ kɛ nɛ zɔ ma ngangga gɛ, nɛ nde wa zɔ̀ zi ma gɔ. Nɛ wa kɔ̃a zi we zele 'bɔ wenɔ kɛ nɛ zele ma ngangga gɛ, nɛ nde wa zèlè zi ma gɔ.”

MATIE 20:7

Nɛ wa gese hã a na: ‘Wele ha to hã lɛ gɔ!’ Nɛ wi ni tɔ̃ hã wa na: ‘Ní, nɛ nɛ nɛ́ kɔ fɔ vinɔ 'da mi i!’

MATIE 23:34

Ma kɛ mi tɔ̃ hã nɛ na, mi tombo sɛ owi gba olo nu Gale, do owi hã zã, do owanɔ wa yambala mɔ wena ni hã nɛ. Nɛ nde nɛ gbɛ sɛ ombe sanga wa, nɛ nɛ bɛ̃lɛ̃ ombe ngɔ finda te, nɛ nɛ zɛ ombe do zufa ndala tɛ kɔ tɔa mbulanɔ 'da nɛ, nɛ nɛ ndaka sɛ 'do wa kɔ le do kɔ le.

LUKA 10:24

Kɔ mi tɔ̃ hã nɛ do gbãlã we na, gba gili owi gba olo nu Gale do Onwanɔ, wa kɔ̃a zi we zɔ mɛnɔ kɛ nɛ zɔ ma ngangga gɛ, nɛ nde wa zɔ̃ zi ma gɔ. Nɛ wa kɔ̃a zi we zele 'bɔ wenɔ kɛ nɛ zele ma ngangga gɛ, nɛ nde wa zèlè zi ma gɔ.”

LUKA 11:49

We duzu ma, Gale kɛ a ĩ ti mɛnɔ vɛ̃ ni tɔ̃a na: ‘Mi tombo sɛ owi nɛ tonɔ 'da mi, do owi gba olo nu mi hã owinɔ ni. Nɛ winɔ ni wa gbɛ sɛ ombe sanga wa, nɛ wa zɛlɛ sɛ tɛ ombe nɛ wena.’

YOANƐ 14:26

Nɛ 'do nɛ, nɛ Hi Wi Santo, Wi gbaka wi kɛ Baa mi a tombo sɛ a do zu li mi ni, a be sɛ mɛnɔ vɛ̃ hã nɛ, nɛ a gba sɛ 'bɔ ta zu nɛ ngɔ wenɔ kɛ mi tɔ̃a zi hã nɛ ni vɛ̃.

YOANƐ 16:13

Kɔ 'da fala kɛ Hi Wi Santo, kɛ a tɔ̃ gbãlã we ni a hɔ, nɛ a be sɛ gbãlã we ngɔ mɛnɔ vɛ̃ hã nɛ. A tɔ̃́ sɛ wenɔ do linggamɛ 'da a zu a kpo gɔ, nɛ nde a tɔ̃ sɛ vɛ̃ a kɛ a zila ma nu Gale ni. Nɛ a tɔ̃ sɛ 'bɔ we mɛnɔ kɛ ma hɔ sɛ ni.

Owi Nɛ Tonɔ 10:28

Nɛ Petro tɔ̃ hã wa na: “Nɛ ĩ vɛ na, mbula bɛa na, be Yuda wè tɛ yɛnggɛ do gele wele gɔ. Nɛ nde Gale bia hã mi na, da dɛ kɔ mi zɔ́ wele kpo li mi ɔ nɛ wi ndi ni gɔ.

ROMA 16:25

Lɛ dɔ́nggɔ́ Gale, we duzu kɛ a do ngawi we dɛ na, kɔ̃a we 'da nɛ nganda, ɔ nɛ kɛ Dia Sakoe 'da Yezu Kristo, kɛ mi bia zi ma hã nɛ tɔ̃a ni. Dia Sakoe ni, mɛ a wenɔ kɛ ma usu zɛ́ tɛ̃ ɛ dati belee ni.

1 KORINTƐ 2:10

Ĩ na, Gale bia usu mɛ ni hã lɛ do wala 'da Hi Wi Santo. Mba gɔ, Hi Wi 'da Gale le kɔ mɛnɔ vɛ̃, nɛ a ĩ gulu nɛ, nɛ a ĩ 'bɔ ti mɛnɔ kɛ Gale usu dɛ kɔ sila ɛ ni.

EFƐZƐ 2:20

Nɛ ɔ nɛ tɔa kɛ wa dɛa ma dɛ ngɔ ta ni. Nɛ tanɔ ni wi a Owi nɛ tonɔ 'da Kristo, do Owi gba do nu Gale. Nɛ Yezu Kristo do tɛ a a bɛlɛduma tɔa ni.

EFƐZƐ 3:9

Gale tumba mi we be tɛlɛ tɛ kɛ linggamɔ kɔ sila a ma dɛ sɛ do tɛ ɛ ni dɛ nza. Gale kɛ a dɛa mɛnɔ vɛ ni, a usu zɛ́ ma dɛ kɔ sila a belee dati a ndo nyanga dɛ mɛnɔ.

2 PETRO 3:2

Nɛ lénggé do wenɔ kɛ owi gba olo nu Gale wa tɔ̃a zi ni. Nɛ nɛ lénggé 'bɔ do mbula kɛ Nwa Yezu Kristo, Wi kpasa lɛ tɔ̃a zi ma hã lɛ do wala 'da Owi nɛ tonɔ 'da a ni.

YUDA 1:17

Nɛ nde nɛ, oyali ngba mi, ta zu nɛ tɛ èlè ngɔ wenɔ kɛ Owi nɛ tonɔ 'da Nwa 'da lɛ Yezu Kristo, wa mbisa zi do nɛ ni gɔ.